Hebrǔ 10:4 - Kawyaw New Testament

⁴ Ma̤titèhî̌dě pṳ̂̌phalô asǐ, pè̤̌ asǐ tokhlǒnu a phî̌ tephejòkè ta̤sǔ tîkî̌꤮ tô̤̌.

Kawyaw RC

⁴ Ma̤tè̤hî̌dě pṳ̂phatolo asǐ, pè̤ asǐ htǒotoǒnu a phî̌ tephejòkè ta̤sǔ tîkî̌ tò̤.

Hebrǔ 10:4 Iomraidhean Croise

Htû̌sò̌htò̌ 51:16

Hî̌mè̤mè̤̌ mî̌ na sǎyṳ kû̌ kòyò ma̤si lṳhtò̌ ta̤phû̌ta̤wè̤nu tôcǒ tô̤̌. Tô̤̌mî̌ he lṳhtò̌ hto na hǒ, ta̤shû̌u lṳhtò̌ mî̌ na sǎphlǒ ô̌ nô̌ tô̤̌tô̤̌.

Mǎ̤riko 12:33

Pa bǎ mô̤ lǒ̤sû̌lǒ̤sò̌ pa Cǒmara kû̌ pa sǎphlǒ lǒ̤꤮ bò, kû̌ pa ta̤gènè̤ lǒ̤꤮ bò kû̌ pakhû̌paǎ lǒ̤꤮ bò. Htokhôtô̤̌ pa bǎ mô̤ǐ kòyò dǒ ashǔshawa̤ tokhlǒ pô̤̌ pa mô̤ǐlò̤ tûû̌ panǎ̤nu mî̌ awô̌khlo pekû̌ lǒ̤꤮ bò pa shû̌gǎ ta̤phû̌ta̤wè̤ tokhlǒ kû̌ mî̌, lǒ̤bò pa ma̤lṳhtò̌ ta̤ dǒ ashǔshawa̤ tokhlǒ numî̌ he sî̌ya,” a hî̌shěshu lû̌û pô̤̌nu.

Jowǎ̤ni̤ 1:29

Dǒ nô̌kò tôni̤nu, Khûyṳ̂ha kè̌shǐ Yeshǔ hè dǒ a ô̌ dě a hî̌ kû̌, “Kè̌mò̌, Cǒmara a sû̌phû̌ dǒ a phî̌kè hǎkhû̌phû̌ a ta̤sǔta̤plěsî nutôpwa̤.

Rṳ̂̌me̤ 11:27

Bǎ he phî̌ tephekè htobò asî ta̤sǔ tokhlǒ akhapěnu, he ma̤ lǒbehtò̌ he ta̤olò̤ kû̌ asî dǒ awǐkha nutûmû hǒ.”

Hebrǔ 10:1

Khònò̤̌ pa sî̌yaphlô kû̌ ta̤sû̌ta̤tòwò dǒ Khûmṳ̂shě bè̌kè numî̌ amè̤̌pwǎ ta̤yǎ̤yô̤ ta̤ma̤mǎnǎ tôcǒpwǎ. Ta̤ amè̤̌mî̌cǎ dǒ ta̤sû̌ta̤tòwò sǎyṳ nè̌lṳ̌ numî̌ amè̤̌kû̌ lǒ̤bò ta̤wî̤ta̤twè̤̌ dǒ a hè tutṳ̌ dǒ Khrǐ a ô̌ tokhlǒnu hǒ. Ta̤sû̌ta̤tòwònu a hî̌ kû̌, pṳ̂̌něně꤮ tôbǎ lṳhtò̌ ta̤phû̌ta̤wè̤nu akhû̌akhî, ma̤lǒhtò̌behtò̌ jò bǎ kòyòhǎkhû̌phû̌ tô̤̌.

Hebrǔ 10:11

Pwa̤shû̌gǎ pṳ̂̌꤮ tôpwa̤nu, a bǎ ihtǒ ma̤ ta̤cubucaba a lǎ̤bû̌lǎ̤klô tokhlǒ pṳ̂̌ni̤ni̤꤮. Gûlǎ̤lǎ̤꤮ asî bǎ lṳhtò̌ tôplǎ hto tôplǎ. Ta̤lṳta̤tòhtò̌ tokhlǒnu a phî̌ tephekè jò kòyò ta̤sǔ tôcǒ꤮ tô̤̌.

Hebrǔ 10:8

Běcǎ Khrǐ hî̌wǐ kû̌, “Lṳhtò̌ ta̤phû̌ta̤wè̤nu bǎbǎ, lṳhtò̌ sǒsǎ wû̌phô sî bǎbǎ, shû̌u lṳhtò̌ ta̤phû̌ta̤wè̤ sî bǎbǎ, lṳhtò̌ ta̤lṳ dǒ a gǔ plûkè pa ta̤sǔ sînu bǎbǎ na sǎphlǒô̌tô̤̌,” (Asî lṳhtò̌ ta̤lṳta̤tòhtò̌ hǒtokhlǒ pô̤̌ Khûmṳ̂shě a ta̤sû̌ta̤tòwò ô̌nu bǎbǎkǎlè Běcǎ Khrǐ hî̌ pô̤̌nu.)

Hebrǔ 9:9

Ta̤nutokhlǒ mî̌ a sǎyṳ dǔlè̌lṳ̌khô̌ pa ta̤ma̤mǎnǎ dǒ pa htukha khònò̤̌kha tokhlǒ hǒ. A sǎyṳ nè̌lṳ̌hto pa kû̌ ta̤lṳta̤tòhtò̌ nutokhlǒ kû̌ ta̤phû̌ta̤wè̤ dǒ kòyò lṳhtò̌ a tokhlǒnu, a ma̤ mṳ̂̌plîphǔjò bǎ pwa̤ hè cubucabahtò̌ ta̤nutokhlǒ asǎphlǒ tô̤̌.

Yṳ̂ha awǐlǒ tôbǎ 3:5

Bǎbǎkǎlè pô̤̌khô Khrǐ gǔ phî̌cû̌kè pa ta̤sǔta̤phû̌mò̤̌ tokhlǒ ayanu, a hèlò̤ htohǒ dǒ hǎkhû̌ numî̌ sî sî̌ganǎ̤ htotû̌ hǒ. Htokhôtô̤̌ sî sî̌yahto kû̌ Yeshǔ Khrǐ numî̌ a ta̤sǔta̤phû̌mò̤̌ ô̌kû̌ kòyò tôcǒ tô̤̌.