Hebrǔ 10:39 - Kawyaw New Testament

³⁹ Pa mî̌ kòyò dǒ a cû̌ tephekhô̌kè tokhlǒ, dě a cû̌tǒ̤ dǒ ta̤pî̌ta̤lṳ̂̌ pě nutokhlǒ mè̤̌tô̤̌. Pa mî̌ kòyò dǒ a yṳ̌ǎ ta̤ tokhlǒ dě a nǐ̤bǎ ta̤ma̤hǎplǎge tokhlǒ pě hǒ.

Kawyaw RC

³⁹ Pa mî̌ kòyò htě a cû̌ tephekhǒkè toǒ, dě a cû̌to̤ dě ta̤pî̌ta̤lṳ̂ pěnu toǒ mè̤tò̤. Pa mî̌ kòyò htě a yṳǎ ta̤ toǒ dě a nî̤bǎ ta̤ma̤lû̌htò̌ge pě toǒ hǒ.

Hebrǔ 10:39 Iomraidhean Croise

Htû̌sò̌htò̌ 44:18

Pa sǎphlǒ htû̌tiwǐkhô̌ pe bǎ tô̤̌. Pa cû̌khô̌kè nô̌ naklè̌ tôkhò̌ tô̤̌tô̤̌.

Mǎ̤riko 16:16

Kòyò dǒ a yṳ̌ǎ ta̤sǎlě̤we̤kè nudě a ju anǎ̤ kû̌ shi tôpwa̤pwa̤ nî̌ a gǔ nǐ̤bǎ ta̤ma̤hǎplǎge pě. Bǎbǎkǎlè kòyò dǒ a yṳ̌ǎ tô̤̌ tokhlǒnu a gǔ khòbǎ ta̤cî̌htò̌ pě.

Lǔka 11:26

Dě a hǎhtò̌cû̌ kaǎnṳ̌ pô̤̌ akhô dǒ a jî̌khlo kû̌ anu susô̌tôdo dě asî genṳ̌ ô̌ lô̌khô bǎnu. Dě kòyò nutôpwa̤ gǔ jî̌jû̌ khlo a gûlǎ̤li̤nu pě.”

Jowǎ̤ni̤ 17:12

Bǎ he ô̌plǒ kû̌ asî akhanu, he takabǐ ǐtûû̌ asî hǒ, he ô̌pǒ̤ kè̌khwè̌ǐ asî kû̌ mi̤ dǒ na ǐ he nuhǒ. A hǎmǎkè nô̌ tôpwǎ̤꤮ tô̤̌. Pô̤̌khô lî̤plò̌shǐ gǔ lǒbehè ayanu, a hǎmǎkè pwǎtǒ̤ kòyò nutôpwa̤ dǒ kòyò bè̌ nǎkè a dǒ a gǔ pî̌pě nutôpwa̤ nô̤̌ pwǎ.”

Jowǎ̤ni̤ 20:31

Bǎbǎkǎlè kòyò wě̤ lî̤ hǒtôbǎ mî̌ pô̤̌khô sî gǔ yṳ̌ǎ kû̌ Yeshǔ mî̌ Me̤shǐya, a mî̌ Cǒmara aphû̌khû tôpwa̤, dě dǒ sî yṳ̌ǎ lû̌û akhû̌akhî, dě sî gǔ nǐ̤bǎ yôla htûpwa̤ ayanu, kòyò wě̤ bǎ sî pwǎ.

Jowǎ̤ni̤ 5:24

“He hî̌cǒcǒ sî, kòyò dǒ a ganǎ̤de he lě̤yô̤̌ dě a yṳ̌nǐ̤nǎ̤nǐ̤ kòyò dǒ a nohèlò̤ he nutôpwa̤ tokhlǒnu, a nǐ̤bǎ yôla htûpwa̤ tûjû̌pwa̤ hǒ. Dě a kè̌shǐ penô̌ ta̤cî̌htò̌ tô̤̌. A cû̌ tûlû̌bò̌ kè ta̤si dě a cû̌nṳ̌ dǒ ta̤htûpwa̤ akû hǒ.

Jowǎ̤ni̤ 6:40

Ma̤titèhî̌dě, hepha a ta̤sǎyṳ mî̌ amè̤̌kû̌ lǒ̤bò kòyò dǒ a kè̌shǐ aphû̌khû nudě a yṳ̌ǎ tokhlǒnu, a gǔ nǐ̤bǎ yôla htûpwa̤ tûjû̌pwa̤, dě he gǔ ma̤ ihtǒhtûpwa̤ getîkhî asî htû̌ lṳmṳ̌ni̤ gutṳ̌ nutini̤ pě.”

Tîsalònǐ awǐlǒ tôbǎ 5:9

Cǒmara rû̌htò̌ pa kû̌ pa gǔ khòbǎ a ta̤sǎphlǒdû̌ a ta̤cî̌htò̌nu mè̤̌tô̤̌. Dǒ pa Běcǎ Yeshǔ Khrǐ khû̌khîdě, a rû̌htò̌ pa kû̌ pa gǔ nǐ̤bǎ bò ta̤ma̤hǎplǎge nupwǎ.

Tîsalònǐ ginǐ̤bǎ tôbǎ 2:3

Nolô̌ǐplò̤ǐ tǎ̤ sînǎ̤ tǎ̤mǎ̤ nî̌꤮. Běcǎ Yeshǔ Khrǐ hè tǒ̤ nò̌khôtô̤̌nu, kòyò tokhlǒ shěpè̤̌ Cǒmara pě dě kòyò dǒ a htè̌shěshu Cǒmara kû̌ Cǒmara a ta̤sû̌ta̤tòwò nutôpwa̤ ô̌lṳ̌htò̌ pě. Ta̤nu tokhlǒ htûhtò̌wǐ htopědě Běcǎ Yeshǔ Khrǐ hè sô̌ pě alṳmṳ̌ni̤nu a hè htûhtò̌ nô̌ pě. Htodě Cǒmara ma̤pî̌phlǔkè kòyò phû̌mò̤̌ nutôpwa̤ dǒ larakû pě.

Tîmôte awǐlǒ tôbǎ 6:9

Bǎbǎkǎlè kòyò dǒ a sǎyṳ dû̌yò̤̌htò̌sa tokhlǒnu, a lò̤tě̤nṳ̌ dǒ ta̤tili̤tôlô̌ akûhǒ. Kǎtô̤̌ a lò̤tě̤nṳ̌ dǒ ta̤sǎyṳsǎbǎ dǒ a nòdû̌ nutokhlǒ akû kû̌ ta̤sǎyṳsǎbǎ dǒ a ma̤sha bǎ sô̌ lû̌nu akû hǒ. A ta̤sǎyṳsǎbǎnu a comě lû̌û kû̌ sǒpli̤ hǒ. Dě ta̤sǎyṳsǎbǎnu a shò̌lò̤tě̤kè asî dǒ ta̤pî̌ta̤lṳ̂̌ kû̌ ta̤lò̤tě̤prǎlò̤tě̤pro̤ akû nuhǒ.

Hebrǔ 10:26

Pa nǐ̤bǎ hto ta̤tě̤ta̤mè̤̌ a ta̤sî̌khû̌sî̌ya dě pa kè̌ ma̤ takǎ sělě gutṳ̌pe ta̤sǔ kè̌hî̌dě ta̤lṳta̤tòhtò̌ dǒ a gǔ plûkè pa ta̤sǔ ayanu a ô̌ pe tô̤̌.

Hebrǔ 10:38

He kòyòcǒkòyòtè̤ sî tokhlǒnu, dǒ a yṳ̌nǐ̤nǎ̤nǐ̤ he akhû̌akhî, a gǔ htûpwa̤ lô̌khô pě. Bǎbǎkǎlè kòyò dǒ a cû̌ tephekhô̌kè kû̌ he tokhlǒnu, atô he sǎphlǒ tô̤̌,” lî̤plò̌shǐkû hî̌ pô̤̌nu.

Hebrǔ 11:1

Ta̤yṳ̌ta̤nǎ̤ yô̤̌mûyô̤̌sǎ mî̌ ta̤ dǒ pa kè̌shuǐ lû̌û tokhlǒ, pa yṳ̌ǎ měgle kû̌ pa gǔ nǐ̤bǎ hǒ. Htokhôtô̤̌ ta̤yṳ̌ta̤nǎ̤ yô̤̌mûyô̤̌sǎ mî̌ ta̤dǒ pa kè̌shǐjò khôtô̤̌ tokhlǒnu, pa yṳ̌ǎ měgle gutṳ̌ pe kû̌ pa gǔ nǐ̤bǎ pěnuhǒ.

Petru awǐlǒ tabǎ 1:5

Dǒ sî yṳ̌ǎ Khrǐ akhû̌akhî, bǎ sî nǐ̤bǎ ta̤ma̤hǎplǎge kǎtô̤̌ Cǒmara ô̌pǒ̤ǐ bǎ sî kû̌ ata̤pô̤ta̤phǎ. Cǒmara tîwî̌tòwò nǎhto anǎ̤ kû̌ htû̌꤮ shěkhǎ gutṳ̌ pěnu, a dǔlè̌lṳ̌ ta̤ma̤hǎplǎge nupě.

Petru ginǐ̤bǎ tabǎ 3:7

Bǎbǎkǎlè dǒ Cǒmara hî̌bǎhtò̌ sô̌ ayô̤̌ pô̤̌ a bô̌lò̤ sakhû̌lû̌ mǒlǎ̤ kû̌ hǎkhû̌ akhanu akhû̌akhî, mǒlǎ̤ kû̌ hǎkhû̌ dǒ pa kè̌shǐ a khònò̤̌ tokhlǒnu, Cǒmara pṳ̂̌mě ô̌kǔ asî dě a gǔ ma̤pî̌kè asî kû̌ mî̌ pě. Cǒmara gǔ pṳ̂̌mě ô̌kǔ padô̌ asî dǒ lṳmṳ̌ni̤ bǎ a cî̌htò̌ ma̤pî̌kè kòyò dǒ a bè̌dubè̌nǎ̤kû̌ lû̌û tô̤̌ nutokhlǒ pě.

Yṳ̂ha awǐlǒ tôbǎ 5:16

Kòyò tôpwa̤pwa̤ kè̌ kè̌shǐ apṳ̌wè̤̌ Khrǐphû̌ tôpwa̤pwa̤ ma̤ta̤sǔ dǒ a gǔ ǐ htûhtò̌lû̌ ta̤si mè̤̌tô̤̌ hî̌nu, a gǔ kwita̤ dǒ Cǒmara a ô̌ dě Cǒmara ǐ kòyò dǒ a ma̤ta̤sǔnu tôpwa̤ sǎphlǒhtûpwa̤ pě. Bǎbǎkǎlè ta̤sǔ dǒ a gǔ ǐ htûhtò̌ lû̌û kû̌ ta̤si numî̌, he sǎyṳ hî̌ sî kû̌ ta̤sǔ pô̤̌nu tokhlǒnu sî tô kwicabahtò̌ bǎ lû̌ya dǒ Cǒmara a ô̌ tô̤̌.

Yṳ̂ha awǐlǒ tôbǎ 5:5

Mò̌pè tôpwa̤ gǔ ma̤pè̤̌bò hǎkhû̌ alǎ̤klô phû̌mò̤̌ hǒtokhlǒ ya? Tǒ̤pwǎ kòyò dǒ a yṳ̌ǎ kû̌ Yeshǔ numî̌ Cǒmara aphû̌khû tôpwa̤ nutokhlǒ ma̤pè̤̌ pě.

Ta̤dǔlè̌nǎ 17:11

Ta̤ěta̤jô̌ dǒ a ô̌htûpwa̤ hto tôplǎ dě khònò̤̌ a ô̌ pe tô̤̌ nutôdo mî̌ amè̤̌kû̌ khwǐ apwa̤lǐ̤sô̌ nutôpwa̤ hǒ. A mî̌ a ô̌pa kû̌ dǒ khwǐ susô̌tôpwa̤ nutokhlǒ akla. Běcǎ kaǎcû̌ lû̌û dǒ a gǔ cû̌ cî̌htò̌ ma̤pî̌kè asî.

Ta̤dǔlè̌nǎ 17:8

Ta̤ěta̤jô̌ dǒ na kè̌shǐ yǎ nî̌ taplǎkhanu a ô̌ htohǒ bǎbǎkǎlè khònò̤̌ a ô̌ pe tô̤̌ nutôdo gǔ ô̌lṳ̌htò̌ sô̌ pě. A ô̌ dǒ khokûdû̌yô̤̌ nutôkû dě a gǔ hǎhtò̌ pě. Dě Běcǎ kaǎcû̌ lû̌û dǒ ta̤cî̌htò̌ agûlǎ̤ dě a gǔ ma̤pî̌kè lû̌û tûjû̌pwa̤ pě. Sahtò̌ dǒ kòyò bô̌lò̤ hǎkhû̌ akhape, kòyò dǒ a ô̌htûpwa̤ dǒ hǎkhû̌ tokhlǒ dě kòyò wě̤nṳ̌ asîmi̤ dǒ lî̤htûpwa̤ akû khôtô̤̌ tokhlǒnu, a gǔ ǒò̌ kiti̤ kaa bò lô̌khô bǎ asî kè̌ ta̤ěta̤jô̌ nutôdo akhanu pě, ma̤titèhî̌dě, tôplǎkhanu ta̤ěta̤jô̌ hǒtôdo ô̌htûpwa̤ dě khònò̤̌ dě a ô̌ pe tô̤̌, bǎbǎkǎlè a gǔ ô̌lṳ̌ sô̌ pě akhû̌akhî, asî ǒò̌ kiti̤ kaa bò lô̌khô pwǎ.