Hebrǔ 10:36 - Kawyaw New Testament

³⁶ Pô̤̌khô sî gǔ ma̤tô pô̤̌ Cǒmara sǎyṳ noma̤ sînu, htodě pô̤̌khô sî nǐ̤bǎ a ta̤olò̤ dǒ a olò̤ hto sî tokhlǒ ayanu, sî bǎkhòsǎphlǒhtû lô̌khô.

Kawyaw RC

³⁶ Ma̤pûhǐ sî ma̤to pwǐ Cǒmara sò̌yṳ noma̤ sînu, htodě ma̤pûhǐ sî nî̤bǎ a ta̤olò̤ htě a olò̤hto sî toǒ ayanu, sî bǎkhòsò̌do lǒkho.

Hebrǔ 10:36 Iomraidhean Croise

Htû̌sò̌htò̌ 37:7

Sǔtukǔkǔ ô̌ pû dǒ Cǒmara tûjû̌pwa̤ alô̤mô̤̌, ô̌pǒ̤ sǎphlǒhtû dǒ a gǔ ma̤ bǎ na. Bǎ kòyòphû̌mò̤̌ dû̌yò̤̌htò̌sa kû̌ asîklè̌asîklò akhanu bǎbǎ, bǎ asî ta̤yè̤lò̤nǎ glè̌ ma̤phû̌mò̤̌ û̌ kòyò htûhtò̌bò akhanu bǎbǎ, sǎphlǒdû̌ sǎphlǒpî̌ tǎ̤mǎ̤mǎ̤.

Htû̌sò̌htò̌ 40:1

He ô̌pǒ̤ sǎphlǒhtûǐ Cǒmara tûjû̌pwa̤ ata̤ma̤jè̌. A htû̌tiwǐkè̌tô he dě a ganǎ̤de he ta̤kwisǎyṳhtò̌.

Matěo 10:22

Dǒ hekhû̌khî dě, kòyò pṳ̂̌꤮ tôpwa̤ sǎkhě bò sî pě. Bǎbǎkǎlè kòyò dǒ a ihtǒ tònò ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara ma̤hǎplǎge asî pě.”

Matěo 12:50

Ma̤titèhî̌dě kòyò dǒ a ma̤tô pô̤̌ hepha dǒ mǒkhû̌ tôpwa̤ a ta̤sǎyṳ nutokhlǒ mî̌ hepṳ̌hewè̤̌ tokhlǒ kû̌ hemǒ̤ hǒ.”

Matěo 21:31

“Phû̌pwa̤khû hǒo sò̌ginǐ̤nu, bǎtè tôpwa̤ ma̤tô apha sǎphlǒ ya?” Dě asî hî̌shěshu lû̌û kû̌, “Adû̌ tôpwa̤.” Dě Běcǎ hî̌ asî kû̌, “He hî̌cǒcǒ sî, sî lǎ̤nṳ̌ô̌ agûlǎ̤ dǒ mǒkhû̌ shilǎ̤gǎkû nu, pwa̤kwita̤kûta̤mṳ̂̌ kû̌ pwa̤mǒ̤pǔlǔpǐli tokhlǒ cû̌nṳ̌wǐkè sî hǒ.

Matěo 24:13

Bǎbǎkǎlè kòyò dǒ a ihtǒ ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara gǔ ma̤hǎplǎge asî pě.

Matěo 7:21

“Lǒ̤꤮ bò kòyò dǒ a kaǎ he kû̌, ‘Běcǎ꤮ Becǎ’ nu, a nṳ̌ bò̌ nô̌ dǒ mǒkhû̌ shilǎ̤gǎkû pṳ̂̌tôpwa̤ tô̤̌. A nṳ̌nǐ̤ pwǎtǒ̤ kòyò dǒ a ma̤tôma̤bǎ hepha asǎphlǒ dǒ mǒkhû̌ nutôpwa̤ tokhlǒ nô̤̌pwǎ.

Mǎ̤riko 3:35

Kòyò dǒ a ma̤tôta̤ pô̤̌ Cǒmara a ta̤sǎyṳ nutokhlǒmî̌ he pṳ̌pwa̤khû tokhlǒ kû̌ hemǒ̤ hǒ,” a hî̌ pô̤̌nu.

Lǔka 21:19

Ô̌měô̌gle lô̌khô dě sî glè̌ ma̤hǎplǎkè tûû̌ sînǎ̤ pě.

Lǔka 8:15

Ta̤khli lò̤tě̤tô dǒ hǎplǒhǎyî̌khû̌ amûasǎ mî̌ kòyò dǒ a ganǎ̤de Cǒmara alě̤ayô̤̌ dě a yṳ̌ǎ cǒtè̤ dě a to̤ǐphî̌mě dǒ a sǎphlǒkû, htodě a ganǎ̤de wô̌ Cǒmara ayô̤̌ dě a sǎphlǒhtû tǒ̤dǒ asǎhtò̌phôhtò̌ nu.

Jowǎ̤ni̤ 7:17

Kòyò tôpwa̤pwa̤, kè̌ sǎyṳ ma̤tô Cǒmara asǎphlǒ hî̌dě, ta̤sû̌ǐtòwòǐ hǒtokhlǒ numî̌ a ô̌ dǒ Cǒmara a ô̌ dě a hè ya? Mè̤̌tô̤̌dě he hî̌bǎ sanǎ̤ kû̌ he ta̤siwi̤sòwò̤ yanu abǎ sî̌ganǎ̤ pwǎ.

Pwa̤nophû̌ 13:22

Dǒnô̌kò dě Cǒmara bè̌tě̤kè Khûsò̌lǔ dǒ khwǐ agûlǎ̤ dě a nohtûhtò̌kè Khûdawi̤ kû̌ asî khwǐ. Khûdawi̤ awe̤akè nu Cǒmara hî̌ kû̌, ‘He kè̌shǐhto Phayeshè̌ aphû̌khû Khûdawi̤ mî̌ kòyò tôpwa̤ dǒ a ma̤mô̤ he sǎphlǒ dě a gǔ ma̤bò pô̤̌ he sǎyṳ noma̤ a nu pě.’

Pwa̤nophû̌ 13:36

“Ma̤titèhî̌dě Cǒmara tayè̤lò̤nǎ hto bǎ Khûdawi̤ dǒwǐkha dě Khûdawi̤ ma̤hto bǎ ahtukha nuhǒ, dě dǒnô̌kònu a sikè. Dě kòyò lǔnṳ̌ lû̌û kû̌ apha dǒ awǐnu tokhlǒ dě anǎ̤glǒ sokè bǎnu.

Rṳ̂̌me̤ 12:12

Sî ta̤kè̌shuǐ dǒ Cǒmara tîwî̌tòwò bǎ sîya hǒtokhlǒnu, sǎlě̤sǎlò̤ lô̌khô nî̌꤮. Bǎ ta̤pò̤̌ta̤sha hèbǎ sî akhanu, khòsǎdô lô̌khô, kwicaba lô̌khô pṳ̂̌꤮ tôplǎ nî̌꤮.

Rṳ̂̌me̤ 12:2

Ô̌htûpwa̤ kè̌lû̌ tǎ̤ pô̤̌ kòyò dǒ a sî̌ganǎ̤ gû̌ kòyò Cǒmara tô̤̌ nutokhlǒ alǎ̤klô ô̌htûpwa̤ nuta̤mǎ̤ nî̌꤮. Pô̤̌khô sî gǔ ô̌htûpwa̤ khô̌ kû̌ asînu dě, nohtû̌lè̌tèplè̌ sǎphlǒ khô̌kè sî ta̤gènè̤ tokhlǒnu kû̌ Cǒmaranu nî̌꤮. Sî kè̌ ma̤pô̤̌nu mî̌ sî sî̌yahè ta̤ dǒ Cǒmara sǎyṳ noma̤ sînu tokhlǒ pwǎ. Htodě sî gǔ sî̌ganǎ̤hè ta̤wô̌, ta̤ma̤mô̤ Cǒmara asǎphlǒ, kû̌ ta̤sî̌ya lǒbehè Cǒmara a ta̤sǎyṳ tokhlǒ pě pwǎ.

Rṳ̂̌me̤ 2:7

Kòyò dǒ ama̤ hènè ta̤wô̌ dě a kè̌lǎ Cǒmara ǐ ta̤bwǐdû̌sîrîhtû, ta̤bè̌dubè̌nǎ̤ kû̌ ta̤htûpwa̤ dǒ asijò tô̤̌ tokhlǒnu Cǒmara ǐ yôla htûpwa̤ tûjû̌pwa̤ pě.

Rṳ̂̌me̤ 8:25

Bǎbǎkǎlè pa kè̌ kè̌shuǐ ta̤ dǒ pa nǐbǎ a tô̤̌ tokhlǒnu, pa bǎ sǎphlǒhtû ô̌pǒ̤kè̌shuǐ yǎ pwǎ.

Kôritu awǐlǒ tôbǎ 13:7

Pa kè̌ mô̤ǐ kòyò hî̌nu, pa sǎphlǒ pî̌ bǎ tôkhò̌꤮ tô̤̌. Pa yṳ̌ǎ hènè kû̌ kòyò gǔ wô̌ hè pě, pa kè̌shuǐ hènè kû̌ Cǒmara gǔ ma̤wô̌ hè kòyò pě, htokhôtô̤̌ pa khòsǎdô sǎphlǒhtûbò̌ ta̤pṳ̂̌꤮ tocǒ.

Galatǐ 6:9

Ma̤ta̤ wô̌nu nî̌ sǎphlǒpî̌ lô̌khô tǎ̤mǎ̤ nî̌꤮. Pa kè̌ sǎphlǒpî̌ tô̤̌ hî̌dě, htû̌꤮ shěkhǎ bǎ pěnu, pa gǔ kǎbǎ sô̌ ta̤sǎta̤phô pě.

Ěphěsu 6:6

Pô̤̌khô a gǔ htû̌sò̌htò̌ǐ sî dě sî ganǎ̤depwǎ asîyô̤̌ bǎ a ô̌pǒ̤kè̌ sî akhanu tǎ̤mǎ̤ nî̌꤮. Ma̤titèhî̌dě sî mî̌ Khrǐ ajû̌ tokhlǒ akhû̌akhî, ma̤ lǒ̤sû̌lǒ̤sò̌ bǎ asî pô̤̌ Cǒmara sǎyṳ noma̤ sî nunî̌꤮.

Kòlòtè̌ 1:11

Pô̤̌khô sî sǎlě̤sǎlò̤ khòjî̌khòjû̌bò̌ khòsǎdôbò̌ ta̤pò̤̌ta̤sha nudě, pa kwicaba kû̌ lǒ̤bò Cǒmara a ta̤pô̤ta̤phǎ shû̌sho tokhlǒ gǔ ǐkhû̌ǐǎ bò pû sî sǎphlǒ.

Kòlòtè̌ 3:24

Ma̤wô̌ lô̌khô sî ta̤ma̤ nî̌꤮, ma̤titèhî̌dě sî sî̌ganǎ̤ kû̌ Běcǎ gǔ ǐ sî û̌tě̤û̌ca pô̤̌ sî ma̤nu pě. Běcǎ dǒ sî ma̤ bǎ lû̌û tôpwa̤ numî̌ Běcǎ Khrǐ nuhǒ.

Kòlòtè̌ 4:12

Khûepapra mî̌ sî dokûphû̌ tôpwa̤pwa̤. A mî̌ a htû Khrǐ ajû̌ tôpwa̤. A hî̌mô̤hî̌bǎwô̌ hèǐ sî. A sǎphlǒshû̌ dě a kwicaba taga bǎ dǒ sîya pô̤̌khô sî gǔ ô̌měô̌gle dǒ sî ta̤yṳ̌ta̤nǎ̤ akû dě sî gǔ dû̌htò̌bò̌pû lô̌khô dǒsû̌dǒsò̌ tôkhô, htokhôtô̤̌ pô̤̌khô sî gǔ yṳ̌ǎ sî̌ganǎ̤hè tě̤tě̤mè̤̌mè̤̌ pô̤̌ Cǒmara a ta̤sǎyṳ pṳ̂̌꤮ tôcǒ ayanudě, a kwicaba bǎ dǒ sîya.

Tîsalònǐ awǐlǒ tôbǎ 1:3

Dǒ sî ta̤yṳ̌ta̤nǎ̤ akhû̌akhî, sî ma̤ htûhtò̌, dǒ sî ta̤mô̤ǐ kòyò akhû̌akhî, sî gû̌ma̤ ta̤, dě dǒ sî ô̌ kû̌ ta̤kè̌shuǐ dǒ pa Běcǎ Yeshǔ Khrǐ alô̤ akhû̌akhî, sî khòsǎdôbò̌ ta̤ma̤jî̌ma̤jû̌ sî tokhlǒ. Bǎ pa kwicaba dǒ papha Cǒmara ô̌ akhanu, lǒ̤bò sî ma̤ta̤ tokhlǒnu, pa shôpe̤nǎ pè̤̌pe tô̤̌.

Hebrǔ 11:39

Dǒ asî ta̤yṳ̌ akhû̌akhîdě, kòyò lǒ̤bò tokhlǒnu, Cǒmara kè̌mô̤ǐ mî̌ca asî. Bǎbǎkǎlè lǒ̤bò Cǒmara olò̤ tokhlǒnu, asî nǐ̤bǎ kû̌ kòyò tô̤̌.

Hebrǔ 12:1

Pô̤̌nudě, kòyò dǒ a dǔlè̌lṳ̌ bǎ pa kû̌ a ta̤yṳ̌ta̤nǎ̤ tokhlǒnu, a ô̌ te̤we̤plṳ̂te̤we̤phǎ kû̌ pa. Pô̤̌nu akhû̌akhî, pa wîkè ta̤pṳ̂̌꤮ tocǒ dǒ a ma̤ dǐdò tě̤tṳ pa tokhlǒ kû̌ ta̤sǔ dǒ a ma̤ topho lòkhǔkè pa hǒtokhlǒ tǎ꤮! Dě pa kè̌wô̤̌wô̤̌ lû̌û kòyò ǐ pa ta̤bò̌htò̌htǔ dǒ palô̤mô̤̌nu dě pa gǔ sǎphlǒhtû khlè̌hètǒ̤ dǒ a ô̌nu tǎ꤮.

Hebrǔ 6:12

Pa sǎyṳ nohtû sî kòyò cè̌klè tô̤̌. Mè̤mè̤̌tôkhô pa sǎyṳ no sô̌sô̌ sî pô̤̌ kòyò dǒ a yṳ̌ǎ dě a khòsǎdô ta̤ khònò̤̌ nutokhlǒ pwǎ. Dě dǒ kòyò nutokhlǒ ma̤pô̤̌nu akhû̌akhî, asî nǐ̤bǎ lô̌khô Cǒmara a ta̤olò̤ nutokhlǒ pě.

Hebrǔ 6:15

PhaAbraha ô̌pǒ̤ khòsǎdôǐ, dě dǒnô̌kònu a nǐ̤bǎ Cǒmara olò̤ lû̌yô̤̌ nutômû.

Hebrǔ 6:17

Kòyò dǒ a nǐ̤bǎ Cǒmara a ta̤olò̤ tokhlǒnu, Cǒmara sǎyṳ nosî̌ganǎ̤ tě̤tě̤mè̤̌mè̤̌ asî kû̌ pô̤̌ Cǒmara olò̤ hto asînu, a gǔ ma̤ lǒbe pô̤̌nu pě, a htû̌lè̌ tèplè̌ petô̤̌ akhû̌akhî, dǒ a ta̤olò̤ akûnu, a wṳ̂̌dò nṳ̌pa ayô̤̌ bǎnu.

Hebrǔ 9:15

Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.

Petru awǐlǒ tabǎ 1:9

Ma̤titèhî̌dě dǒ sî yṳ̌nǐ̤nǎ̤nǐ̤ Yeshǔ akhû̌akhî, sî nǐ̤bǎ hto sî ta̤htûpwa̤ nutokhlǒ a ta̤hǎplǎ hǒ.

Yṳ̂ha awǐlǒ tôbǎ 2:17

Hǎkhû̌nu kû̌ titètè̌ bǎbǎ dǒ a ô̌ dǒ lû̌kû lǒ̤꤮ bò dǒ kòyò sǎlě̤sǎyṳ lû̌û tokhlǒnu, a hǎmǎkè lǒ̤bò pě, bǎbǎkǎlè kòyò dǒ a ma̤tô Cǒmara asǎphlǒ tokhlǒnu, a ô̌htûpwa̤ tûjû̌pwa̤ talakhǎ pě.

Ta̤dǔlè̌nǎ 13:10

Kòyò tôpwa̤pwa̤ dǒ kòyò ta̤yè̤lò̤nǎ hto lû̌û dǒ kòyò gǔ pṳ̂̌ dǒlò̤tě̤ a dǒ apô̤kû hî̌nu, kòyò bǎ pṳ̂̌ dǒlò̤tě̤nò a pě. Kòyò tôpwa̤pwa̤ dǒ kòyò ta̤yè̤lò̤nǎ hto lû̌û dǒ kòyò bǎma̤si a kû̌ nò̌she pě dě, kòyò bǎ ma̤sinò a kû̌ nò̌she pě pwǎ. Cǒmara kaǎ a kòyò dǒ a gǔ bǎsǎphlǒhtû ta̤jî̌ta̤jû̌ dě bǎ jûǎyṳ̌ǎ ta̤ ayapwǎ.

Ta̤dǔlè̌nǎ 14:12

Pô̤̌nudě Cǒmara a kòyò plò̌shǐ dǒ a ganǎ̤de dě a ô̌htûpwa̤ pô̤̌ Cǒmara a ta̤mǎlò̤ tokhlǒ dě acǒ kû̌ Yeshǔ tokhlǒnu, tôbǎ khòsǎdôbò̌ta̤ nutokhlǒ.