Hebrǔ 10:34 - Kawyaw New Testament

³⁴ Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.

Kawyaw RC

³⁴ Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,

Hebrǔ 10:34 Iomraidhean Croise

Matěo 19:21

Dě Běcǎ Yeshǔ hî̌ lû̌û kû̌, “Kè̌ na sǎyṳ htûhtò̌ kòyò dǒ a lǒbe tôpwa̤ kè̌hî̌dě ge shaǎkèbò na cǔlǎkhò̌khû̌ nutokhlǒ dě ǐ kè kû̌ kòyò hǎwě̤shèwè̤phû̌ tokhlǒnu. Na kè̌ ma̤pô̤̌nu hî̌dě na gǔ nǐ̤bǎ ta̤dû̌yò̤̌htò̌sa dǒ mǒkhû̌ pě. Ge ma̤ pô̤̌nu dě hè gû̌kû̌ hekò.”

Lǔka 10:42

Bǎbǎkǎlè ta̤ dǒ alṳ̂bǎnu a ô̌ pwǎ tocǒnô̤̌ pwǎ. Mǒ̤ma̤rǐ rû̌htò̌ ta̤ dǒ awô̌khlo nutôcǒ hǒ. Kòyò phî̌sigwǐ jò pe a tôpwǎ̤꤮ tô̤̌.”

Lǔka 12:33

Shaǎlò̤kè sî timî̌titè tokhlǒ dě ǐ kû̌ kòyò hǎwě̤shèwè̤phû̌ nutokhlǒ. Sî kè̌ ma̤pô̤̌nu hî̌dě sî bè̌nṳ̌plǒ lô̌khô sî ta̤dû̌yò̤̌htò̌sa bǎ ru khûkhi dǒ a hǎyè̌ petô̤̌nu tokhlǒ akû hǒ. Dǒ sî ǐ kòyò hǎwě̤shèwè̤phû̌ tokhlǒ pô̤̌nu akhû̌akhî, a gǔ htûhtò̌ bǎ sî ta̤dû̌yò̤̌htò̌sa dǒ mǒkhû̌ pě. Sî kè̌ bè̌plǒ dǒ mǒkhû̌ hî̌numî̌, sî ta̤dû̌yò̤̌htò̌sa nu a yû̌lò̤ jòkè tòkhò̌꤮ tô̤̌, pwa̤ǎhǔ tokhlǒ ǎhǔjòtô̤̌, agwǎakrû̌ ma̤pî̌ jò tô̤̌ akhû̌akhî bè̌plǒ lô̌khô dǒ mǒkhû̌nu.

Lǔka 9:25

Kòyò tôpwa̤pwa̤ kè̌ nǐ̤bǎbò pwǎ hǎkhû̌ a ta̤dû̌yò̤̌htò̌sa tokhlǒ, bǎbǎkǎlè a kè̌ lò̤jû̌kè a yôla htûpwa̤ tûjû̌pwa̤ nu abwǐ ô̌ lû̌ûya hî̌tè?

Pwa̤nophû̌ 21:33

Kli tôrǐ aikǒ nutôpwa̤ hètô dǒ Khûpò̌lǔ ô̌ dě a hèpṳ̂̌ Khûpò̌lǔ. Dě a hî̌lò̤ akhôphijǎ tokhlǒ dě a nopṳ̂̌ comě Khûpò̌lǔ kû̌ sǒpli̤tè̤glè ginǐ̤bô. Htodě a gwè̌ kòyò kû̌, “A mî̌ mò̌pè? A cû̌ma̤ kwè̌ mî̌titè?”

Pwa̤nophû̌ 28:20

Dǒ ta̤we̤ta̤kè hǒo akhû̌akhîdě, he kwi asî dǒ a gǔ dǐkè̌shǐ hî̌bǎ ta̤ kû̌ sî. Kè̌hî̌kû̌mî̌ dǒ sî Yǔdaphû̌ nutokhlǒ a ta̤kè̌shuǐ akhû̌akhîdě kòyò bǎ coměkè he kû̌ sǒpli̤tè̤glè nuhǒ.”

Pwa̤nophû̌ 5:41

Pwa̤nophû̌ tokhlǒ sǎlě̤sǎlò̤ hǎhtò̌cû̌kè dǒ Yǔdaphû̌ ikǒlǒkòdû̌ nutokhlǒ a lô̤mô̤̌, ma̤titè̤̌hǐdě agû̌ kû̌ Yeshǔ akò akhû̌akhî, dě Cǒmara bè̌ asî kû̌ agwǎagwè khòbǎ kòyò ma̤sòwò̤̌ asî pô̤̌nu pwǎ.

Kôritu ginǐ̤bǎ tôbǎ 5:1

Pa nǎ̤glǒ dǒ asô̌sô̌kû̌ hǐ dǒ pa ô̌ ǐ a dǒ hǎkhû̌ hǒtômènu, htû̌꤮ kòyò ma̤pò̌kè a pěnu, a sǎyṳ hî̌ kû̌ htû̌꤮ pa si pěmî̌, pa sî̌ganǎ̤ kû̌ Cǒmara gǔ ma̤bǎ pa hǐsa amè̤̌kû̌ panǎ̤glǒ asa dǒ mǒkhû̌nu hǒ. A gǔ ma̤ kû̌ anǎ̤ dě hǐsa amè̤̌kû̌ panǎ̤glǒ asanu, a sijò pe tô̤̌, a gǔ ô̌měô̌gle̤ tûjû̌pwa̤ pě.

Ěphěsu 3:1

Pô̤̌nudě, dǒ he ma̤ Khrǐ a ta̤phǐta̤ma̤ dě he shôbǐǐ bǎ Yǔdaphû̌ mè̤̌tô̤̌ tokhlǒ kû̌ ta̤sǎlě̤we̤kènu akhû̌akhîdě, he mî̌ Khûpò̌lǔ, kòyò bǎ dǒlò̤kè he dǒ apô̤kû.

Ěphěsu 4:1

Pô̤̌nu akhû̌akhî, he kwisǎyṳǐ sî sô̌sô̌kû̌ kòyò dǒlò̤tě̤ kò dǒ apô̤kû dǒ Běcǎ aya tôpwa̤nu. Cǒmara kaǎ sî dǒ sî htûhtò̌ ta̤dòkûphû̌ tokhlǒ akhû̌akhî, he kwisǎyṳ sî kû̌ sî ô̌htûpwa̤ bè̌wô̌ sî sǎphlǒ pô̤̌ ta̤dòkûphû̌ tokhlǒ tô ô̌htûpwa̤nu.

Ěphěsu 6:20

Dǒ Khrǐ rû̌htò̌ he kû̌ a pwa̤shôbǐǐ ta̤we̤ta̤kè tôpwa̤ dǒ he gǔ shôbǐǐlṳ̌ bǎ kòyò kû̌ ta̤sǎlě̤we̤kènu akhû̌akhî, khònò̤̌ he lò̤tě̤ dǒ apô̤kû hǒ. Ta̤ dǒ he tôbǎ shôbǐǐ bǎ kòyò tokhlǒnu, pô̤̌khô he gǔ shôbǐǐ khukhu bǎ kòyò ayanudě, kwicaba pû bǎ heya nî̌꤮.

Phǐlǐpǐ 1:7

He mô̤ǐ jî̌ sî akhû̌akhî, he gènè̤ sîwe̤sîkè pô̤̌o numî̌ atô pwǎ. Bǎ he ô̌pe dǒ apô̤kû akhanu bǎbǎ, bǎ he tô hî̌bǎ taka tě̤tṳ he ta̤sǎlě̤we̤kè dě he tô hî̌bǎ glemě ǐ he ta̤sǎlě̤we̤kè akhanu bǎbǎ, Cǒmara ma̤wô̌ bǎ pa dě a ǐlò̤ khô̌ pa ta̤ma̤ dǒ pa ma̤wô̤̌wô̤̌ lû̌û ta̤ kû̌ Cǒmara abwǐsîrî dě cû̌ shôbǐǐlṳ̌ bǎ kòyò kû̌ ta̤sǎlě̤we̤kènu.

Kòlòtè̌ 1:5

Bǎ sî ganǎ̤de sakhû̌lû̌ ta̤sǎlě̤awe̤akè dǒ acǒatè̤ akhanu, sî ganǎ̤de hto ta̤kè̌shuǐ dǒ ta̤sǎlě̤we̤kè ǐ sî nuhǒ. Dǒ ta̤kè̌shuǐnu akhû̌akhî, sî yṳ̌ǎ Cǒmara, htodě sî mô̤nṳ̌ kòyò shǔshawa̤. Cǒmara bè̌htubè̌plǒ bǎ sî ta̤kè̌shuǐnu dǒ mǒkhû̌ hǒ.

Tîmôte awǐlǒ tôbǎ 6:19

Kè̌ asî ma̤pô̤̌nu hî̌dě, a sô̌sô̌ kû̌ asî bè̌plǒǐ a ta̤dû̌yò̤̌htò̌sa dǒ a bô̌pwǐ̤bô̌wô̌ akòshî̌ htû̌꤮ nô̌kòpě tôhtu ayanu hǒ. Htodě asî gǔ pṳ̂̌mě ta̤htûpwa̤ dǒ a mè̤̌mî̌ca nupě hǒ.

Tîmôte ginǐ̤bǎ tôbǎ 1:16

Běcǎ Cǒmara gǔ sǎyṳgwèbǎǐ pû Khûò̌nǐshaphrǔ kû̌ a hǐphû̌phòphû̌ kû̌ kòyò ashǔshawa̤ dǒ a ô̌cu kû̌ a lǒ̤꤮ bò nutokhlǒ nî̌꤮. Ma̤titèhî̌dě, Khûò̌nǐshaphrǔ mî̌ a ma̤mô̤ sǎla̤la̤ he sǎphlǒ hǒ, htodě kòyò dǒnṳ̌ he dǒ apô̤kû bǎbǎkǎlè dǒ hekhû̌khî dě a sòwò̤̌ tô̤̌.

Tîmôte ginǐ̤bǎ tôbǎ 2:9

He shôbǐǐlṳ̌ bǎ kòyò ta̤sǎlě̤we̤kè akhû̌akhî, he khòbǎhto ta̤jî̌ta̤jû̌ dě kòyò comě he kû̌ sǒpli̤tè̤glè sô̌sô̌kû̌ kòyò ma̤sǔ ta̤mǎlò̤ tôpwa̤. Bǎbǎkǎlè Cǒmara alě̤ayô̤̌nu kòyò cǒmějò nô̌ a tô̤̌.

Tîmôte ginǐ̤bǎ tôbǎ 4:8

Khònò̤̌dě Cǒmara bè̌wô̌ hto he ta̤tě̤ta̤mè̤̌ a khû̌glû̌hta dǒ amè̤̌kû̌ ta̤ma̤nǐ̤ khû̌kǎ tômè nuhǒ. Htodě htû̌꤮ lṳmṳ̌ni̤ gutṳ̌ pěnu, pwa̤cî̌htò̌cǒta̤ a Běcǎ nutôpwa̤ gǔ ǐlò̤ he pě bǎbǎkǎlè hǒo numî̌ heya nô̤̌ mè̤̌bǎtô̤̌. Lǒ̤꤮ bò kòyò dǒ a ô̌pǒ̤kè̌shuǐ Běcǎ gǔ hè ô̌lṳ̌htò̌ sô̌ pě nutokhlǒ ayamî̌ a ô̌padô̌ pěpě.

Hebrǔ 11:16

Bǎbǎkǎlè asî kè̌shuǐ nǎsǔ jî̌ mǒkhû̌ shigǎ dǒ a mô̤khlo nutôbǎ. Pô̤̌nudě asî kaǎ Cǒmara kû̌ asî Cǒmaranu, Cǒmara sòwò̤̌tô̤̌. Dǒ Cǒmara tîwî̌tòwò nǎ hto asî wî̤̌nu akhû̌akhî, a dǔlè̌lṳ̌ hto kû̌ asî tokhlǒ gǔ kaǎ Cǒmara kû̌ asî Cǒmaranu a sòwò̤̌ lô̌khô tô̤̌.

Hebrǔ 13:14

Ma̤titèhî̌dě wî̤̌ dǒ paya dǒ a ô̌měô̌gle tûjû̌pwa̤ dǒ hǎkhû̌nu a ô̌ tôwî̤̌ tô̤̌. Pa kè̌lǎ wî̤̌ dǒ a glè̌ hè pěnu tôwî̤̌.

Hebrǔ 13:3

Sî̌ya ma̤jè̌ pû kòyò lò̤tě̤ apô̤kû tokhlǒ dě bè̌ na sǎphlǒ pô̤̌ na lò̤tě̤ kû̌ asî dǒ apô̤kû pô̤̌nu nî̌꤮. Sî̌ya ma̤jè̌ pû kòyò dǒ a khòjî̌khòjû̌ ta̤ tokhlǒ dě bè̌ na sǎphlǒ pô̤̌ na khòbǎ ta̤ kû̌ asî pô̤̌nu nî̌꤮.

Hebrǔ 9:15

Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.

Jǎgomo̤ 1:2

He pṳ̌wè̤̌ sî꤮, bǎ sî kè̌shǐ tṳ̌bǎ kû̌ ta̤pò̤̌ta̤sha ta̤tili̤tôlô̌ pṳ̂̌꤮ tôcǒ hèbǎ sî akhanu, bè̌ yǎ pô̤̌ ta̤sǎlě̤sǎlò̤ adû̌ tôcǒ dǒ sîyanu nî̌꤮.

Petru awǐlǒ tabǎ 1:4

Dǒ a ǐlò̤ hto pa ta̤htûpwa̤ asa akhû̌akhî, Cǒmara bè̌ nǎ bǎ sî û̌tě̤û̌ca dǒ a pî̌jòtô̤̌, a sojòtô̤̌, anôakhwe jòtô̤̌ nutokhlǒ dǒ mǒkhû̌nu hǒ.

Yṳ̂ha awǐlǒ tôbǎ 3:2

He khômô̤ sî, khònò̤̌ pa htû hǒ Cǒmara aphû̌ tokhlǒ hǒ bǎbǎkǎlè pa gǔ htûhtò̌ kòyò hî̌tè pě tôcǒyanu, kòyò dǐsî̌ganǎ̤ ô̌nǎ pa tôcǒ tô̤̌. Bǎbǎkǎlè, ta̤hǒonu pa sî̌ganǎ̤ htohǒ kû̌, htǔ Běcǎ Yeshǔ Khrǐ hèô̌lṳ̌htò̌ akha pěnu, pa sô̌sô̌kû̌ a pě, ma̤titèhî̌dě pa kè̌shǐ mè̤̌ a pô̤̌ a mè̤̌mî̌ca nupě.