Hebrǔ 10:25 - Kawyaw New Testament

²⁵ Kòyò tokhlǒkhlǒnu, a wîkè ta̤caba wô̤̌wô̤̌lû̌ sî, bǎbǎkǎlè pa dě, wîkè kû̌ tǎ̤ kòyò pa lǎ̤klô caba wô̤̌wô̤̌ lû̌û pô̤̌ asî nutokhlǒ wîkènu tǎ̤mǎ̤ nî̌꤮. Mè̤̌mè̤̌tôkhônu, pa gǔ ǐkhû̌ǐǎ wô̤̌wô̤̌ lû̌û tôpwa̤ kû̌ tôpwa̤ tǎ꤮. Běcǎ glè̌ hèsô̌ lṳmṳ̌ni̤ lṳmṳ̌sanu a phǔhtò̌hǒ akhû̌akhî, pa ǐkhû̌ǐǎ shò̌gû̌ ǐtû̌ lǒkhlo pô̤̌ lû̌û tôpwa̤ kû̌ tôpwa̤ tǎ꤮.

Kawyaw RC

²⁵ Kòyò toǒǒnu, a wîkè ta̤saba plǒnû̌û toǒ, pò̤̌ta pa dě, pa wîkè pûma̤ pa la̤klo saba plǒnû̌ûhtǒo pwǐ asînu toǒ wîkènu ma̤ nî̌. Mî̌tanu, pa ǐkhû̌ǐǎ plǒnû̌û tapwa̤ ta tapwa̤ hò̌. Běcǎ glè hèsǒ mṳni̤mṳsa htǒonu a phǔhèhǒ akhû̌akhî, pa tǐ̤ ǐkhû̌ǐǎ shû̌khlo kè̌khîpo̤ nû̌û tapwa̤ ta tapwa̤ hò̌.

Hebrǔ 10:25 Iomraidhean Croise

Matěo 10:15

He hî̌cǒcǒ sî, htû̌ Cǒmara cî̌htò̌ kòyòhǎkhû̌phû̌ pě akhanu, a gǔ cî̌htò̌ jî̌khlo kòyò nutôdo kû̌ Wî̤̌sadûphû̌ kû̌ Wî̤̌gamû̌ra phû̌ Dǒ Cǒmara cî̌htò̌ asî dǒ꤮ awǐkha nutokhlǒ pě.

Matěo 18:20

Ma̤titè̌hî̌dě, kòyò sò̌ginǐ̤pwǎ bǎbǎ, sò̌supwǎ bǎbǎ, asî kè̌ ô̌cuô̌plǒ lû̌û dǒ hemi̤ akû kè̌hî̌dě he ô̌cuô̌plǒ kû̌ asî pě.”

Jowǎ̤ni̤ 12:48

Kòyò dǒ a htè̌shěshu he dě a phî̌shěshu helě̤heyô̤̌ tô̤̌ tokhlǒnu, pwa̤cî̌htò̌ asî a ô̌tôpwa̤. Lṳmṳ̌ni̤ lṳmṳ̌sa dǒnô̌kòlǒ tôni̤nu, yô̤̌ dǒ he hî̌bǎ tokhlǒ gǔ htû asî pwa̤cî̌htò̌ ta̤ pě.

Pwa̤nophû̌ 16:16

Tônikha bǎ pa cû̌ dǒ ta̤kwicaba agûlǎ̤ tûkû akhanu, pa glǎ kû̌ jû̌mǒ̤ phijǎphû̌ tôpwa̤, jû̌mǒ̤ phijǎphû̌ tôpwa̤nu khînǎkhîno ô̌ dǒ lû̌û kû dě a nohî̌ lû̌û kû̌, ta̤shěta̤khǎ dǒ a gǔ hèhtûhtò̌ dǒ anô̌kònu tokhlǒ awe̤akè. Dǒ a hî̌lṳ̌nǎ bǎ kòyò pô̤̌nu akhû̌akhî, aběcǎ tokhlǒ nǐ̤bǎ dû̌wî̤ ruhta kû̌ a khû̌khî.

Pwa̤nophû̌ 2:1

Bǎ lṳmṳ̌ni̤ dǒ kòyò kaǎ kû̌ Phîtîkhò̌sîtî hètǒ̤ akhanu, asî lǒ̤bò hè ô̌plǒô̌cu wô̤̌wô̤̌ lû̌û dǒ gûlǎ̤ tôkû.

Pwa̤nophû̌ 2:42

Pwa̤yṳ̌ǎta̤phû̌ lǒ̤꤮bò gǔ sû̌ǐ sî̌yahtò̌ anǎ̤ dǒ pwa̤nophû̌ tokhlǒ a ô̌, dě asî bǒsû̌khǎkhô lû̌û, ǎ ô wô̤̌wô̤̌ lû̌û dě kwicaba wô̤̌wô̤̌lû̌û.

Pwa̤nophû̌ 20:7

Bǎ mô̤gètè̤ lṳmṳ̌hǎ akhanu, pa ô̌plǒô̌cu tîkhî sô̌ lû̌û kû̌ gǔ běphò̌ mû̌ aya. Pe̤wô̤pě nu Khûpò̌lǔ gǔ hǎhtò̌cû̌hǒ akhû̌akhî a hî̌bǎ kòyò saprṳ̂ nutokhlǒ tǒ̤dǒ lṳmṳ̌klama.

Rṳ̂̌me̤ 12:8

Kè̌ Cǒmara ǐ kòyò tôpwa̤pwa̤ a ta̤sî̌ta̤jò̌ dǒ a bǎ tûsû shò̌gû̌ kòyòkò kè̌hî̌dě a tôbǎ tûsû shò̌gû̌ kòyò. Kè̌ kòyò tôpwa̤ a sǎphlǒshû̌ ma̤lṳma̤tò kòyò shèphǔshèwè̤phû̌ tokhlǒ kû̌ a timî̌titè tokhlǒ kè̌hî̌dě a tôbǎ sǎphlǒshû̌ ma̤lṳma̤tò bǎ kòyò. Cǒmara kè̌ ǐ kòyò tôpwa̤pwa̤ a ta̤sî̌ta̤jò̌ dǒ a bǎ htû ikǒlǒkòdû̌ hî̌dě a tôbǎ ma̤ shapwǎ̤shèpwè̤ tûû̌. Kòyò tôpwa̤pwa̤ kè̌ a sǎyṳgwèbǎǐ ma̤jè̌ kòyò kè̌hî̌dě, a tôbǎ ma̤ dǒ ta̤sǎlě̤sǎlò̤ akû.

Kôritu awǐlǒ tôbǎ 11:20

Bǎ sî hè ǎ ô wô̤̌wô̤̌ lû̌û Běcǎ ta̤ǎô aplò̌shǐ lṳmṳ̌hǎ akhanu, sî ǎ ô sô̌sô̌pe kû̌ kòyò ǎ ô Běcǎ ta̤ǎô aplò̌shǐ lṳmṳ̌hǎ nutô̤̌.

Kôritu awǐlǒ tôbǎ 14:23

Hî̌kûmṳ̂̌kû̌, sî hè cubucaba wô̤̌wô̤̌ lû̌û dě sî kè̌ hî̌bǎ kû̌ yô̌sǎkhěkhô̌ tokhlǒ pṳ̂̌꤮ tôpwa̤ hî̌nu, kòyò dǒ ashǔshawa̤ tokhlǒ, tô̤̌mî̌ kòyò dǒ a yṳ̌ǎgû̌ kòyò Khrǐ tô̤̌ tokhlǒ kè̌ hècaba kû̌ sî hî̌dě asî kè̌ ganǎ̤de kû̌ ayô̤̌ tokhlǒ tôkhò̌꤮ tô̤̌ hî̌nu asî gǔ hî̌ lô̌khô sî kû̌ kòyò kimwi pě.

Kôritu awǐlǒ tôbǎ 14:3

Kè̌ kè̌tikhî klè̌ dǒ ashǔshawa̤ tôbô hî̌dě, kòyò dǒ a shôbǐǐlṳ̌ bǎ kòyò kû̌ Cǒmara alě̤ayô̤̌ tokhlǒnumî̌, a hî̌bǎ kû̌ kòyòhǎkhû̌phû̌ tokhlǒ hǒ, dě a htû ta̤ma̤jè̌ dǒ kòyòhǎkhû̌phû̌ tokhlǒ aya, a ǐkhû̌ǐǎ kòyòhǎkhû̌phû̌, dě a ma̤mô̤htò̌ sô̌ kòyòhǎkhû̌phû̌ tokhlǒ asǎphlǒ.

Kôritu awǐlǒ tôbǎ 3:13

Kòyò tôpwa̤ kû̌ tôpwa̤ a ta̤ma̤htò̌ hǐ a ta̤sî̌ta̤jò̌nu, a gǔ ô̌lṳ̌htò̌ htû̌ Běcǎ Khrǐ hè alṳmṳ̌ni̤ nutôni̤ pě. Kòyò pṳ̂̌tôpwa̤ ma̤ ta̤ tokhlǒnu, kòyò gǔ ma̤kè̌ a kû̌ mî̌ pě. Tôpwa̤ kû̌ tôpwa̤ a ta̤sî̌ta̤jò̌ ta̤ma̤nu, mî̌ gǔ lî̌u kèbò pě dě a gǔ dǔlṳ̌htò̌ bò pě.

Kôritu awǐlǒ tôbǎ 5:4

Bǎ sî ô̌cuô̌plǒ kè̌shǐ kè̌khî wô̤̌wô̤̌ lû̌û akhapěnu, he sǎyṳ noma̤bò sî pṳ̂̌꤮ tôcǒ dǒ asô̌sô̌kû̌ he ô̌plǒ kû̌ sî pô̤̌nu.

Phǐlǐpǐ 4:5

Na sǎphlǒ sǎdôhôbî̌nu nokè̌shǐbò kû̌ kòyò pṳ̂̌꤮ tôpwa̤ nî̌꤮. Běcǎ glè̌ hènṳ̌ phǔtinǐ̤hǒ.

Tîsalònǐ awǐlǒ tôbǎ 4:18

Pô̤̌nu akhû̌akhî, shôbǐǐ mô̤ kè̌khî lô̌khô sî sǎphlǒ kû̌ ta̤we̤ta̤kènu tôpwa̤ kû̌ tôpwa̤ nî̌꤮.

Tîsalònǐ awǐlǒ tôbǎ 5:11

Pô̤̌nudě, ǐkhû̌ǐǎ kè̌khî lû̌û tôpwa̤ kû̌ tôpwa̤ dě ma̤jè̌ kè̌khîlû̌û tôpwa̤ kû̌ tôpwa̤ pô̤̌ sî ma̤ khònò̤̌nu nî̌꤮.

Hebrǔ 10:24

Pa ta̤mô̤ ǐtû̌ lû̌û tôpwa̤ kû̌ tôpwa̤nu, pô̤̌khô sǔ sǔ a gǔ ô̌ dû̌htò̌ dě, pô̤̌khô pa gǔ ma̤ta̤ dǒ awô̌ tokhlǒ ayanu, pa gǔ gènè̤ padô̌ kòyò dǒ pa gǔ ǐkhû̌ǐǎ ǐ lû̌û tôpwa̤ kû̌ tôpwa̤ hî̌tè awe̤akè tokhlǒnu pwǎ tǎ꤮.

Hebrǔ 10:37

Ma̤titèhî̌dě, lî̤plò̌shǐkû hî̌ kû̌, “Yî̤khôtô̤̌ pěnu, pwa̤ dǒ a glè̌ hèlò̤ tôpwa̤ gǔ hèlǎ pě, a ma̤pò̤̌yǎ̤ petô̤̌.

Hebrǔ 13:22

He sû̌khô sî, lî̤ dǒ he wě̤ ǐkhû̌ǐǎ sînu a htû bǎtô̤̌. Htodě he kwisǎyṳ sî dǒ sî gǔ sǎphlǒhtû dě ganǎ̤de he ta̤ǐkhû̌ǐǎ sînu nî̌꤮.

Hebrǔ 3:13

Mè̤mè̤̌tôkhôdě, khònò̤̌ ta̤ma̤hǎplǎge dǒ Cǒmara ǐ panu pô̤̌khô ta̤sǔ gǔ lô̌ǐplò̤ǐ tǎ̤ sî tôpwǎ̤꤮ tǎ̤mǎ̤, pô̤̌khô sî gǔ ikǒpwǐ̤ lô̌khô tôpwǎ̤ tô̤̌ ayanu, pṳ̂̌꤮ ni̤ni̤ ǐkhû̌ǐǎ ma̤jè̌ kè̌khîlû̌ tôpwa̤ kû̌ tôpwa̤ nî̌꤮.

Jǎgomo̤ 5:8

Sî bǎbǎ sî tô khòsǎdô pô̤̌nu. Tûlû̌ bè̌měgle lô̌khô sî ta̤kè̌shuǐnu, ma̤titèhî̌dě Běcǎ hè sô̌ pě alṳmṳ̌ni̤nu, aphǔhǒ.

Petru awǐlǒ tabǎ 4:7

Ta̤lǒ̤꤮ bò a glè̌ gutṳ̌kèhǒnu a hètǒ̤ phǔhǒ. Pô̤̌nu akhû̌akhî, pô̤̌khô sî kwicababò̌ gû̌ kòyònu, ô̌sòklò kû̌ lô̌khô dě sû̌ǐtòwòǐ lò̤ ǐtû̌ lô̌khô sînǎ̤, kǎtô̤̌ ô̌htûpwa̤ shapwǎ̤ kû̌ lô̌khô nî̌꤮.

Petru ginǐ̤bǎ tabǎ 3:11

Cǒmara gǔ ma̤pî̌kè lǒ̤꤮ bò pô̤̌onu pě akhû̌akhî, sî dě, sî tôbǎ ô̌htûpwa̤ hî̌tè numî̌, bǎ sî ô̌pǒ̤ kè̌shuǐ Cǒmara hè pě akhanu, sî tô ô̌htûpwa̤ plò̌shǐ dě, sî tô ô̌htûpwa̤ tô kû̌ Cǒmara asǎphlǒ.

Petru ginǐ̤bǎ tabǎ 3:14

Pô̤̌nudě sû̌khô sî, dǒ sî ô̌pǒ̤kè̌shuǐ ta̤nu akhû̌akhî, pô̤̌khô Cǒmara gǔ kè̌shǐ sî kû̌ kòyò dǒ awǐ kû̌ ta̤sǔ tǎ̤mǎ̤, htodě pô̤̌khô alǎ̤bè̌ ta̤sǔ dǒ sîlô̤ gǔ ô̌ tǎ̤mǎ̤, htokhôtô̤̌ pô̤̌khô sî gǔ ô̌pè̤̌dû tǒ̤ kû̌ a pěnu, jî̌pwǐ̤jî̌li̤ gutṳ̌ lô̌khô nî̌꤮.

Petru ginǐ̤bǎ tabǎ 3:9

Pô̤̌nudě kòyò tokhlǒkhlǒ gènè̤ kû̌ shěkhǎyî̤ bǎbǎkǎlè, Běcǎ olò̤ dǒ a gǔ hè sô̌ pěnu, a ma̤yî̤ nô̌ tô̤̌. Cǒmara sǎyṳ no cû̌tǒ̤ kòyò dǒ ta̤pî̌ta̤lṳ̂̌ tôpwa̤꤮ tô̤̌, htodě a sǎyṳ no yò̤lǎ̤plǎdî̌ bò kòyò sǎphlǒ pṳ̂̌꤮ tôpwa̤ akhû̌akhî, a khòsǎdô bǎ dǒ sîya pwǎ.

Yṳ̌da 1:19

Kòyò hǒtokhlǒ numî̌ kòyò dǒ a ma̤ lûcû̌peshe bò kòyò, kòyò dǒ a gû̌ma̤ pô̤̌ anǎ̤glǒ phěyî̌ a ta̤sǎyṳsǎbǎ ô̌nu tokhlǒ, kǎtô̤̌ asî hǒtokhlǒ numî̌ a nǐ̤bǎ gû̌ kòyò Yôla Plò̌shǐ Běcǎ tô̤̌.