Hebrǔ 10:22 - Kawyaw New Testament

²² Pô̤̌nudě pa hèphǔ lô̌khô dǒ Cǒmara a ô̌ tǎ꤮. Pa gǔ hè kû̌ pa sǎphlǒ dǒ acǒatè̤, kû̌ pa ta̤yṳ̌ dǒ atě̤amè̤̌ nutokhlǒ tǎ꤮. Ma̤titèhî̌dě, pa sǎphlǒ a ta̤gènè̤ phû̌mò̤̌, pô̤̌khô a gǔ ma̤mṳ̂̌plî ayanu, kòyò cǔbò hto pa kû̌ Khrǐ asǐ hǒ. Htokhôtô̤̌ panǎ̤glǒ nî̌ kòyò cǔbò hto kû̌ shiplò̌shǐ hǒ.

Kawyaw RC

²² Hǐnudě pa hèphǔ Cǒmara a ǒ hò. Pa hè ta pa sò̌phlǒ acǒatè̤, ta pa ta̤yṳ ate̤amǎ htǒotoǒ hò̌. Ma̤tè̤hî̌dě, pa sò̌phlǒ a ta̤gènè̤ phû̌mò̤htǒo, ma̤pûhǐ a mṳ̂plî ayanu, kò shǔbòhtokè pa ta Khrî̌stu asǐ hǒ. Htohǒtò̤ pana̤klû htǒonu, kò shǔbòhto ta shiplò̌shishǐ htǒonuhǒ.

Hebrǔ 10:22 Iomraidhean Croise

Htû̌sò̌htò̌ 111:1

Htû̌sò̌htò̌ Cǒmara tûjû̌pwa̤. Bǎ kòyòcǒkòyòtè̤ kû̌ kòyòsaprṳ̂ cubucaba wô̤̌wô̤̌ lû̌û akhanu, he hî̌bwǐhî̌sîrîhtò̌ Cǒmara tûjû̌pwa̤ kû̌ he sǎphlǒ lǒ̤bò.

Htû̌sò̌htò̌ 119:10

He kè̌lǎ cǒ na kû̌ he sǎphlǒ lǒ̤bò. No cû̌sǔ cû̌tepheyî̤kè tǎ̤ he kû̌ na ta̤mǎlò̤ tǎ̤mǎ̤.

Htû̌sò̌htò̌ 119:145

Ǒ Cǒmara tûjû̌pwa̤, he kwisǎyṳhtò̌ na kû̌ he sǎphlǒ tômèbò, kǒshǔmò̌ he. He ganǎ̤de na ta̤hî̌bǎlò̤.

Htû̌sò̌htò̌ 119:2

Kòyò dǒ a gû̌ma̤ pô̤̌ Cǒmara ta̤sû̌ǐta̤tòwòǐ, a kè̌lǎ lû̌û kû̌ sǎphlǒ tômèbò tokhlǒnu a nǐ̤bǎ ta̤ǐshôwî̤.

Htû̌sò̌htò̌ 119:34

Dǐsî̌yaphlôphǎ wô̌ he dě he ganǎ̤de na ta̤sû̌ta̤tòwò. He jûǎ kû̌ he sǎphlǒ tômèbò.

Htû̌sò̌htò̌ 119:58

Dǒ na lǎ̤kè̌dû̌ǐ he aya, he kè̌lǎsi kè̌lǎô̌ na. Pô̤̌ na ta̤olò̤wṳ̂̌lò̤ ô̌nǎnu, gwèbǎ ǐ pû he.

Htû̌sò̌htò̌ 119:69

Kòyò bè̌dû̌bè̌pwǎ̤ anǎ̤ tokhlǒ dô̌ lòhǎlòhô bò heyô̤. He khû̌dayadě he ganǎ̤de tǒ̤ na ta̤sû̌ǐtòwòǐ tokhlǒ kû̌ he sǎphlǒ tômèbò.

Htû̌sò̌htò̌ 119:7

Bǎ he sî̌ganǎ̤hè na ta̤mǎlò̤ tokhlǒ akhanu, he hî̌bwǐhî̌sîrîhtò̌ na kû̌ ta̤sǎphlǒcǒsǎphlǒtè̤ pě.

Htû̌sò̌htò̌ 119:80

Pô̤̌khô he gǔ hǎplǎge kû̌ ta̤shòwò̤̌ ayanu, he ganǎ̤de tě̤tě̤mè̤̌mè̤̌ bò nata̤hî̌bǎlò̤ pě nî̌.

Htû̌sò̌htò̌ 32:11

Kòyòcǒkòyòtè̤, mô̤sû̌mô̤sò̌ sǎlě̤sǎlò̤ lô̌khô dǒ Cǒmara tûjû̌pwa̤ akû. Kòyò sǎphlǒcǒsǎphlǒtè̤ sî, sǎlě̤sǎlò̤ sǎwǐhtûsò̌htò̌ lô̌khô nî̌.

Htû̌sò̌htò̌ 51:10

Ǒ Cǒmaradû̌, bô̌lò̤ bǎ he sǎphlǒmṳ̂̌plî dǒ hekû. Shû̌nṳ̌ tèplè̌ sô̌ bǎ he sǎphlǒ dǒ aměagle.

Htû̌sò̌htò̌ 73:28

Dǒ he dě he ô̌phǔ kû̌ Cǒmaradû̌ dě a nǐ̤bwǐsîrî mî̌ca dǒ heya. Běcǎ tûjû̌pwa̤ mî̌ amè̤̌kû̌ he lǎ̤ô̌tûdû. He glè̌ shôbǐǐlṳ̌ bǎ bò kòyò kû̌ na ma̤ ta̤cô̌klǐcô̌sè nupě.

Htû̌sò̌htò̌ 84:11

Běcǎ Cǒmara tûjû̌pwa̤ mî̌ asô̌sô̌kû̌ lṳmṳ̌, pwa̤takabǐ pa. Cǒmara tûjû̌pwa̤ gwèbǎǐ pa, a bè̌dû̌bè̌htûǐ pa. Kòyò dǒ a ma̤tôma̤bǎ ta̤ tokhlǒnu, Cǒmaradû̌ sǎphlǒô̌ ǐ asî ta̤twèta̤wô̌.

Htû̌sò̌htò̌ 9:1

Ǒ Cǒmara tûjû̌pwa̤, he htû̌sò̌htò̌ lǒ̤sû̌lǒ̤sò̌ na. He gǔ shôbǐǐlṳ̌ bò kòyò kû̌ na ma̤ ta̤cô̌klǐcô̌sè.

Htû̌sò̌htò̌ 94:15

Ta̤cî̌htò̌nu atôabǎ gesô̌ pě. Lǒ̤bò kòyòcǒkòyòtè̤ tokhlǒ jûlě̤phhǐ bò pě.

Matěo 3:11

“Dǒ sî yò̤lǎ̤plǎdî̌ sîsǎphlǒ akhû̌akhî, he ju sî kû̌ shi. Bǎbǎkǎlè kòyò dǒ a ta̤pô̤ta̤phǎ shû̌sho khlo kû̌ he tôpwa̤nu a hè pě. A ju sî kû̌ Yôla Plò̌shǐ Běcǎ kû̌ mî̌ pě. He jocû̌ bǎ pwǎ a khò̌phě pwǎnu, he gwǎkû̌ a tô̤̌.

Lǔka 1:1

Kòyò jî̌pwǐ̤ wě̤ mǎnǎ lô̌khô ta̤ dǒ a htûhtò̌ bǎ pakla nutokhlǒ awe̤akè nî̌ pwa̤wě̤ ô̌jûgrû.

Jowǎ̤ni̤ 3:5

Yeshǔ hî̌shěshu lû̌û kû̌, “He hî̌cǒcǒ na, kòyò dǒ a ô̌phû̌jǎlò̤ sô̌ kû̌ shi kû̌ Yôla Plò̌shǐ Běcǎ tô̤̌ tokhlǒnu a nṳ̌ jò dǒ Cǒmara ashiagǎ kû tô̤̌.

Jowǎ̤ni̤ 8:9

Bǎ asî ganǎ̤dehto Yeshǔ hî̌ pô̤̌nu akha, asî hǎhtò̌gekè bò tôpwa̤ hto tôpwa̤. A mǒ̤pwǎ̤ tokhlǒ hǎhtò̌ge wǐkhlo kòyò. Dǒ nô̌kò dě pwa̤mǒ̤ nutôpwa̤ ihtǒ ô̌kè pwǎtǒ̤ kû̌ Yeshǔ nô̤̌ pwǎ.

Pwa̤nophû̌ 22:16

Na ma̤ pò̤̌yǎ̤ nanǎ̤ ma̤titè? Ihtǒmò̌ dě jumò̌ nanǎ̤ kû̌ shinu, dě kwicabahtò̌ mò̌ a dǒ a gǔ cǔbòkè na ta̤sǔnu,’” Khûpò̌lǔ hî̌ bǎ asî pô̤̌nu.

Pwa̤nophû̌ 8:21

Na mî̌ kòyò dǒ a ô̌plǒ dǒ pa ta̤phǐta̤ma̤ akû mè̤̌tô̤̌, ma̤titè̌hî̌dě na sǎphlǒnu, acǒtè̤ dǒ Cǒmara a lô̤mô̤̌ tô̤̌.

Kôritu awǐlǒ tôbǎ 6:11

Dǒ sîkla tokhlǒkhlǒnu, dǒ awǐkha mî̌ a htû hto kòyòkhu kòyòhe sô̌sô̌kû̌ hǒonu hǒ bǎbǎkǎlè Cǒmara cǔbò hto sî ta̤sǔ hǒ. Dě khònò̤̌ sî htû Cǒmara ata hǒ. Dǒ Běcǎ Yeshǔ Khrǐ kû̌ Cǒmara a Yôla Plò̌shǐ akhû̌akhîdě khònò̤̌, Cǒmara bè̌hto sî pô̤̌ kòyòcǒkòyòtè̤ tokhlǒnu hǒ.

Kôritu ginǐ̤bǎ tôbǎ 7:1

Khôbǒsû̌ sî lǒ̤bò Cǒmara olò̤ tokhlǒ numî̌ paya lǒ̤bò hǒ. Pô̤̌nudě, pa gǔ cû̌ tephekè kû̌ panǎ̤glǒ a ta̤sǎyṳ phû̌mò̤̌ tokhlǒ kû̌ pa sǎphlǒ a ta̤gènè̤ phû̌mò̤̌nu tokhlǒ tǎ. Dě dǒ pa ǐsha bè̌dubè̌nǎ̤ Cǒmaranu akhû̌akhîdě pa gǔ htûhtò̌ lô̌khô kòyò dǒ a aplò̌shǐ tokhlǒ tǎ.

Ěphěsu 3:12

Dǒ pa yṳ̌ǎ Khrǐ, htodě dǒ pa htûhtò̌kè ta̤tôcǒ꤮ nô̤̌ kû̌ Khrǐ akhû̌akhî, khònò̤̌ pa gǔ hènṳ̌ dǒ Cǒmara a ô̌ kû̌ ta̤yṳ̌ǎ tûû̌ anǎ̤ kû̌ ta̤khuta̤he numî̌ anǐ̤ hǒ.

Ěphěsu 5:26

Pô̤̌khô a ma̤plò̌shǐ a ta̤dòkû tokhlǒnu, a sikè bǎ asîya, dě a shǔbòkè asî kû̌ shi kû̌mî̌ alě̤ayô̤̌ nuhǒ.

Ěphěsu 6:5

Jû̌ sî, ganǎ̤de lô̌khô sî hǎkhû̌nǎ̤khû̌ běcǎ nutokhlǒ ayô̤̌ nî̌꤮. Ǐsha asî dě bè̌dubè̌nǎ̤ asî nî̌꤮. Pô̤̌ sî ganǎ̤de Khrǐ ayô̤̌nu, ganǎ̤de lǒ̤sǔlǒ̤sò̌ asîyô̤̌ nî̌꤮.

Tîmôte awǐlǒ tôbǎ 4:2

Ta̤sû̌ǐtòwòǐ tokhlǒ numî̌ a hè dǒ kòyò lòhǎlòhô tokhlǒ a ô̌. Bǎ asî ma̤sǔ akhanu, a gènè̤ kû̌ a ma̤sǔta̤ tîkî̌꤮ tô̤̌.

Tǐtǔ 3:5

Ta̤dǒ a ma̤hǎplǎge pa numî̌ pa nǎ̤běcǎ tûû̌ ma̤ ta̤tě̤ta̤mè̤̌ akhû̌khî mè̤̌tô̤̌, amè̤̌kû̌ a sǎyṳgwèbǎǐ pa akhû̌khî, a ma̤hǎplǎge pa pwǎ. Dǒ Yôla Plò̌shǐ Běcǎ a ta̤pô̤ta̤phǎ akhû̌akhî, dě a cǔbò pa, htodě a ǐ pa ta̤ô̌phijǎlò̤ asa kû̌ ta̤ô̌htûpwa̤ asa tokhlǒ.

Hebrǔ 10:1

Khònò̤̌ pa sî̌yaphlô kû̌ ta̤sû̌ta̤tòwò dǒ Khûmṳ̂shě bè̌kè numî̌ amè̤̌pwǎ ta̤yǎ̤yô̤ ta̤ma̤mǎnǎ tôcǒpwǎ. Ta̤ amè̤̌mî̌cǎ dǒ ta̤sû̌ta̤tòwò sǎyṳ nè̌lṳ̌ numî̌ amè̤̌kû̌ lǒ̤bò ta̤wî̤ta̤twè̤̌ dǒ a hè tutṳ̌ dǒ Khrǐ a ô̌ tokhlǒnu hǒ. Ta̤sû̌ta̤tòwònu a hî̌ kû̌, pṳ̂̌něně꤮ tôbǎ lṳhtò̌ ta̤phû̌ta̤wè̤nu akhû̌akhî, ma̤lǒhtò̌behtò̌ jò bǎ kòyòhǎkhû̌phû̌ tô̤̌.

Hebrǔ 10:19

Pô̤̌nudě, he pṳ̌wè̤̌ sî꤮. Dǒ Yeshǔ asǐ akhû̌akhî, pa hènṳ̌ kû̌ ta̤sǎphlǒ khuhe dǒ ta̤lǎ̤ plò̌shǐ gutṳ̌ hǒtôplǎ mî̌ anǐ̤ hǒ.

Hebrǔ 11:28

Dǒ ta̤yṳ̌ akhû̌akhîdě, a ma̤htò̌ bǎ kòyò pwè dǒ kòyò kaǎ kû̌ ta̤cû̌bò̌tûlû̌pwè. Pô̤̌khô tanaphû̌ dǒ a ma̤si phû̌wè̤̌pwa̤nu gǔ hè ma̤si Isôrě̤laphû̌ wè̤̌pwǎ̤ tokhlǒ tô̤̌nu, a no plṳ̌bò kòyò sû̌phû̌sǐ dǒ takhalô̤.

Hebrǔ 12:24

Sî hètǒ̤ dǒ Yeshǔ a ô̌ hǒ. Ta̤olò̤ asa dǒ kòyòhǎkhû̌phû̌ kû̌ Cǒmara aplǎkûnu a htû bǎ pwa̤ma̤ta̤ dǒ aplǎkû tôpwa̤ hǒ. Htokhôtô̤̌ sî hètǒ̤ dǒ Běcǎ Yeshǔ asǐ lǎ̤sǐlò̤ agûlǎ̤ dǒ awô̌ khlo pe kû̌ Khûabelǎ asǐnu a ô̌ hǒ.

Hebrǔ 4:16

Pô̤̌nudě, pa lṳ̂bǎ ta̤ bǎkhò̌tè bǎbǎnu, pa tô hènṳ̌ khukhu dǒ pa Cǒmara dǒ a gwèbǎǐ kòyò nutôpwa̤ a lǎ̤hǎnòò̌ alô̤mô̤̌nu. Dě pa nǐ̤bǎ a ta̤sǎyṳgwèbǎǐ pě, dě pa kè̌shǐbǎ abwǐdû̌asîrîhtû dǒ a ma̤jè̌ pa nupě.

Hebrǔ 6:11

Pa ta̤sǎyṳ mî̌ pô̤̌o: pô̤̌khô ta̤wô̌ dǒ sî sǎphlǒhtû ô̌pǒ̤kè̌shěshu tokhlǒ gǔ lǒhtò̌behtò̌ bǎ sî ayanu, pa sǎyṳ dǒ sî pṳ̂̌꤮ tôpwa̤ gǔ sǎphlǒshû̌ ma̤ lô̌khô tǒ̤dǒ agutṳ̌ pô̤̌ sî ma̤htonu.

Hebrǔ 7:19

Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.

Hebrǔ 9:10

Ta̤lṳta̤tòhtò̌ hǒtokhlǒnu, a nǎla̤ǐ pwǎ ta̤cubucaba a lǎ̤bû̌lǎ̤klô tokhlǒ dǒ a hî̌ kû̌ hǒomî̌ ǎnǐ̤, hǒnumî̌ ô anǐ̤ tô̤̌, tôbǎ shǔbò nǎ̤ pô̤̌onu, a hî̌ nutokhlǒ hǒ. Ta̤sû̌ta̤tòwò numî̌ gû̌ ma̤ta̤ dǒ akhlo tôkhô pwǎ, a ma̤ tèplè̌jò sǎphlǒ tô̤̌. Nǎ̤glǒ phěyî̌ tôkhô, kòyòhǎkhû̌phû̌ bǎ gû̌ma̤ tǒ̤dǒ Cǒmara ma̤tèplè̌ bǎ asî klè̌ asa tôbô.

Hebrǔ 9:19

Bǎ Khûmṳ̂shě hî̌lṳ̌ bǎ htobò kòyò pṳ̂̌꤮ tôpwa̤ kû̌ lǒ̤bò Cǒmara mǎnǎ a ta̤sû̌ta̤tòwò tokhlǒ akhanu, a phî̌ pṳ̂̌phû̌ sî asǐ kû̌ pè̤̌ sî asǐ dě a toklosada kû̌ shi, htodě a phî̌ sû̌phû̌shǔalî̤ dě a bǒmě kû̌ sǒphò dǒ kòyò kaǎ kû̌ Hǐsû̌phòphû̌ nutôphò akhi dě a tishǐ kû̌ lî̤ dǒ kòyò wě̤ kû̌ Cǒmara a ta̤sû̌ta̤tòwò tôbǎ, htokhôtô̤̌ a tishǐ bò kû̌ kòyò pṳ̂̌꤮ tôpwa̤.

Jǎgomo̤ 1:6

Bǎbǎkǎlè, bǎ sî kwicaba akhanu, sî bǎ ô̌ kû̌ ta̤yṳ̌, dě sî sǎphlǒ bǎ siwi̤sîwî̤̌ tîkî̌꤮ tô̤̌. Kòyò dǒ a sǎphlǒwò̌wè̌ tokhlǒnu, asô̌sô̌kû̌ gili̤sǎ hè dě shipěpǒ dǒ shidû̌te̤we̤ akû nutokhlǒ pwǎ.

Jǎgomo̤ 4:8

Sǒsǔ hèphǔ lô̌khô sînǎ̤ kû̌ Cǒmara dě a sǒsǔ hèphǔ anǎ̤ kû̌ sî ô̌ pě. Pwa̤ma̤sǔphû̌ sî꤮, cǔbò lô̌khô sî cǔdenu. Kòyò sǎphlǒ ô̌wô̤̌ sî꤮, ma̤mṳ̂̌plî sô̌ lô̌khô sî sǎphlǒnu.

Petru awǐlǒ tabǎ 1:2

Pha Cǒmara rû̌htò̌ sî pô̤̌ a ta̤yè̤lò̤nǎnu dě Yôla Plò̌shǐ Běcǎ ma̤plò̌shǐhtò̌ sî, pô̤̌khô sî gǔ ganǎ̤de Yeshǔ Khrǐ ayô̤̌ dě dǒ asǐ akhû̌akhî, a gǔ ma̤mṳ̂̌plî bǎ sî. Cǒmara ta̤bwǐta̤sîrî kû̌ sǎphlǒ ta̤gûjû̌kabǎ gǔ ô̌lǒô̌be pû kû̌ sî nî̌꤮.

Petru awǐlǒ tabǎ 3:21

Sî ju sînǎ̤ kû̌ shi numî̌, a dǔlè̌lṳ̌ kè̌lû̌mò̌mṳ shi dǒ Phanṳ̂̌a htukha nukû̌, Cǒmara ma̤hǎplǎge sî khònò̤̌ nupwǎ. Sî ju sînǎ̤ kû̌ shi numî̌ a cǔbò nǎ̤glǒ akwǐakrû̌nu mè̤̌tô̤̌. Mè̤mè̤̌tôkhônu, ta̤jushi numî̌ amè̤̌ ta̤olò̤ Cǒmara kû̌ sî gǔ ma̤ ata̤ dǒ ta̤sǎphlǒ ma̤mṳ̂̌plî akû pô̤̌nupwǎ. Yeshǔ Khrǐ si dě a htûpwa̤ getîkhî akhû̌akhî, sî ju sînǎ̤ kû̌ shi numî̌ a ma̤hǎplǎge sî pwǎ.

Ta̤dǔlè̌nǎ 1:5

Sî nǐ̤bǎ pô̤̌ pû Yeshǔ Khrǐ dǒ a khòlṳ̌ cǒcǒtè̤tè̤ nutôpwa̤ abwǐsîrî kû̌ a ta̤gûjû̌kabǎ nî̌꤮. Kòyòsi dě a htûpwa̤ getîkhî aklanu, a mî̌ pwa̤ dǒ a htûpwa̤ wǐlǒ tôpwa̤ hǒ. A mî̌ pwa̤ dǒ a pǒ hǎkhû̌ akhwǐ tokhlǒ nutôpwa̤. A mî̌ a mô̤ǐ pa kǎtô̤̌ dǒ a si akhû̌akhî a ma̤hǎplǎge pa dǒ ta̤sǔta̤plě akû hǒ.