Hebrǔ 10:19 - Kawyaw New Testament

¹⁹ Pô̤̌nudě, he pṳ̌wè̤̌ sî꤮. Dǒ Yeshǔ asǐ akhû̌akhî, pa hènṳ̌ kû̌ ta̤sǎphlǒ khuhe dǒ ta̤lǎ̤ plò̌shǐ gutṳ̌ hǒtôplǎ mî̌ anǐ̤ hǒ.

Kawyaw RC

¹⁹ Hǐnudě, he pṳwè̤ sî. Ye̤shǔ asǐ akhû̌akhî, pa hènṳ ta sò̌phlǒ ta̤khuha dě ta̤gûla̤ cahtǐgutṳ̌ htǒotò̤glò mî̌ anî̤ hǒ.

Hebrǔ 10:19 Iomraidhean Croise

Rṳ̂̌me̤ 5:2

Dǒ pa yṳ̌ǎ Běcǎ Yeshǔ Khrǐ akhû̌akhîdě, a no ô̌htûpwa̤ pa dǒ Cǒmara abwǐsîrî akû hǒ. Khònò̤̌ pa ô̌htûpwa̤ dǒ abwǐsîrî akû hǒ. Dě pa sǎlě̤ kè̌shumò̤̌mô̤ǐ Cǒmara a ta̤bwǐdû̌sîrîhtûnu hǒ.

Rṳ̂̌me̤ 8:15

Ma̤titèhî̌dě Yôla Plò̌shǐ Běcǎ dǒ Cǒmara ǐ sînu, a noǐshǔǐsha sô̌ sî pô̤̌ jû̌nu mè̤̌tô̤̌. Bǎbǎkǎlè, Yôla Plò̌shǐ Běcǎ ma̤htûhtò̌ hto sî kû̌ sî htûhto Cǒmara a phû̌mǒ̤phû̌khû akhû̌akhî, a bè̌ kèhto sî pô̤̌ a phû̌mǒ̤phû̌khû tokhlǒnu hǒ. Dǒ Yôla Plò̌shǐ Běcǎ akhû̌akhîdě, pa kaǎ Cǒmara kû̌, “Abǎ, pha” pô̤̌ sîpha sanǎ̤ tôpwa̤ numî̌ anǐ̤ hǒ.

Ěphěsu 2:18

Dǒ Khrǐ ma̤ bǎ hto dǒ paya dě Yôla Plò̌shǐ Běcǎ tôpwa̤꤮ nô̤̌ ma̤jè̌ bǎ tutṳ̌ pa akhû̌akhî, lǒ̤bò pa Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, pa hènṳ̌ dǒ Cǒmara alô̤mô̤̌ hǒ.

Ěphěsu 3:12

Dǒ pa yṳ̌ǎ Khrǐ, htodě dǒ pa htûhtò̌kè ta̤tôcǒ꤮ nô̤̌ kû̌ Khrǐ akhû̌akhî, khònò̤̌ pa gǔ hènṳ̌ dǒ Cǒmara a ô̌ kû̌ ta̤yṳ̌ǎ tûû̌ anǎ̤ kû̌ ta̤khuta̤he numî̌ anǐ̤ hǒ.

Tîmôte ginǐ̤bǎ tôbǎ 1:7

Ma̤titèhî̌dě, Yôla Plò̌shǐ Běcǎ dǒ Cǒmara ǐlò̤ hto panu, a nohtûhtò̌ pe pa kû̌ kòyò dǒ a ǐsha ta̤ tokhlǒnu mè̤̌petô̤̌. Mè̤mè̤̌tôkhônu Yôla Plò̌shǐ Běcǎ ma̤benṳ̌ hto pa sǎphlǒ kû̌ ta̤shû̌ta̤sho kû̌ ta̤mô̤ǐ kû̌ ta̤pǒǐlò̤jò panǎ̤ nuhǒ.

Hebrǔ 10:18

Pô̤̌nudě khònò̤̌ Cǒmara plûkè ta̤sǔ nutokhlǒ akhû̌akhî, lṳhtò̌ ta̤lṳta̤tòhtò̌ dǒ a gǔ plûkè pa ta̤sǔ tokhlǒnu a lǎ̤lṳ̂ petô̤̌.

Hebrǔ 10:35

Pô̤̌nudě bè̌shû̌ lô̌khô sî sǎphlǒ. Sî nǐ̤bǎ ta̤ma̤nǐ̤khû̌kǎ dǒ adû̌ayô̤̌ tokhlǒ pě.

Hebrǔ 12:28

Pô̤̌nudě, pa hî̌bwǐhî̌sîrî wô̤̌wô̤̌ lû̌û Cǒmara tǎ꤮, ma̤titèhî̌dě pa nǐ̤bǎ shigǎ dǒ a guyṳ̌ jòtô̤̌ nutôgǎ. Pa gǔ cabahtò̌ Cǒmara kû̌ ta̤caba dǒ atô kû̌ asǎphlǒ kû̌ ta̤ǐsha bè̌dubè̌nǎ̤ lû̌û akûnu tǎ꤮.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 3:6

Bǎbǎkǎlè, Khrǐ nî̌ asô̌sô̌kû̌ Khûmṳ̂shě dǒ a htû pwa̤ma̤ta̤phû̌ dǒ Cǒmara ahǐkû nutôpwa̤ mè̤̌tô̤̌. A mî̌ Cǒmara aphû̌khû tôpwa̤. A mî̌ acǒ kû̌ ata̤ma̤ dě a kè̌khwè̌ǐ apha Cǒmara a hǐphû̌phòphû̌ tokhlǒ. Pa kè̌ gû̌ khukhuhehe hè sělě kû̌ Khrǐ tǒ̤dǒ agutṳ̌ htokhôtô̤̌ ta̤ dǒ Cǒmara gǔ ǐ panu, pa kè̌ kè̌shuǐ hènè tǒ̤dǒ agutṳ̌ numî̌, pa mî̌ Cǒmara ahǐphû̌phòphû̌ hǒ.

Hebrǔ 4:16

Pô̤̌nudě, pa lṳ̂bǎ ta̤ bǎkhò̌tè bǎbǎnu, pa tô hènṳ̌ khukhu dǒ pa Cǒmara dǒ a gwèbǎǐ kòyò nutôpwa̤ a lǎ̤hǎnòò̌ alô̤mô̤̌nu. Dě pa nǐ̤bǎ a ta̤sǎyṳgwèbǎǐ pě, dě pa kè̌shǐbǎ abwǐdû̌asîrîhtû dǒ a ma̤jè̌ pa nupě.

Hebrǔ 7:25

Pô̤̌nudě kòyò dǒ a hè dǒ Cǒmara a ô̌ dě a hènṳ̌ tutṳ̌ dǒ Yeshǔ a ô̌ tokhlǒnu, Yeshǔ ma̤hǎplǎgebò̌ asî khònò̤̌ tǒ̤hènè ajû̌jû̌ apwa̤pwa̤ pě, ma̤titèhî̌dě pô̤̌khô a gǔ nṳ̌ kwisǎyṳbò̌ bǎ kòyò pô̤̌nu tokhlǒ aya dǒ Cǒmara a ô̌nu, a bǎ htûpwa̤ tûjû̌pwa̤.

Hebrǔ 9:12

Bǎ a cû̌nṳ̌ lṳhtò̌ta̤ dǒ ta̤lǎ̤ plò̌shǐ lǒkhlo kò tôtô̤̌ akhanu, a phî̌nṳ̌ pè̤̌ sî asǐ, pṳ̂̌pha sî asǐ numè̤̌tô̤̌. A gǔ nṳ̌ lṳhtò̌ta̤ ayanu, a phî̌nṳ̌ tûû̌ asǐ akhû̌akhî, a hènṳ̌ pwǎ tôplǎ dě ahtoaphlǔ bòhǒ, dě a ma̤hǎplǎge pa tûjû̌pwa̤ hǒ.

Hebrǔ 9:3

Hǐphû̌dû̌ a takhade lǎ̤nṳ̌nu kòyò cotě̤tṳbǐ kû̌ hugò̌pwǐ tôpṳ. Hugò̌pwǐ ô̌pe tôpṳ dǒ kòyò cobǐ tě̤tṳ̌kè dǒ alô̤mô̤̌ tôtô̤̌ dǒ kòyò kaǎ kû̌ gûlǎ̤plò̌shǐlǒnu tôtô̤̌.

Yṳ̂ha awǐlǒ tôbǎ 4:17

Pa kè̌ mô̤ǐ kòyòshǔshawa̤ pô̤̌nu hǒnumî̌, Cǒmara ata̤mô̤ ô̌lǒô̌be hǒ dǒ pakû hǒ. Pô̤̌nudě htû̌ ta̤cî̌htò̌ amṳ̌ni̤ hètǒ̤ pěnu, pa gǔ sǎphlǒkhu sǎphlǒhe hǒ pě, ma̤titèhî̌dě pa ta̤ô̌htûpwa̤ dǒ hǎkhû̌nu, a sô̌sô̌ kû̌ Khrǐ a ta̤ô̌htûpwa̤ hǒ akhû̌akhî, pa gǔ sǎphlǒkhuhe pě.