Hebrǔ 10:14 - Kawyaw New Testament

¹⁴ Dǒ Khrǐ lṳhtò̌ pwǎ anǎ̤ tôplǎ akhû̌akhî, kòyò dǒ a ma̤mṳ̂̌plîhto asî ta̤sǔ tokhlǒnu, a ma̤cǒma̤tè̤ asî tûjû̌pwa̤ hǒ.

Kawyaw RC

¹⁴ Dě Khrî̌stu lṳhtò̌ pwǎ ana̤ taplǎpa akhû̌akhî, kòyò htě a ma̤mṳ̂plîhto asî ta̤sǔ toǒnu, a ma̤cǒma̤tè̤ asî tûjûpwa̤ hǒ.

Hebrǔ 10:14 Iomraidhean Croise

Pwa̤nophû̌ 20:32

“Khònò̤̌nu, he ǐlò̤hto sî dǒ Cǒmara a ta̤kè̌ǐ akû kû̌ abwǐsîrî a ta̤sǎlě̤we̤kè akûnu hǒ. A ta̤sǎlě̤we̤kè nî̌ sǔ sǔ ama̤dû̌htò̌ jò sî dě a gǔ ǐ sî û̌tě̤û̌ca dǒ a bè̌dû̌ nǎ bǎ kû̌ a kòyò plò̌shǐ lǒ̤bò nutokhlǒ aya nupě.

Pwa̤nophû̌ 26:13

Ǒ꤮ pha khwǐdû̌ Akrǐpa, tôni̤dě bǎ he cû̌ dǒ klè̌lô̤ dě bǎ lṳmṳ̌htǔ cǒrònè̌ akhanu, he kè̌shǐ ta̤lî lîtîklî̌ tômè dě a kakhakhlo lṳmṳ̌nu, a ô̌ dǒ mǒkhû̌ dě a shěkakhalò̤ te̤we̤ he kû̌ kòyò dǒ a cû̌ kû̌ he tokhlǒ.

Rṳ̂̌me̤ 15:16

Cǒmara abwǐsîrî akhû̌akhî, a ǐ he ta̤ma̤ dǒ he gǔ ma̤ Yeshǔ Khrǐ ata̤ma̤ dǒ Yǔdaphû̌ mè̤̌tô̤̌ tokhlǒ akla. Pô̤̌khô Yǔdaphû̌ mè̤̌tô̤̌ tokhlǒ gǔ htûhtò̌ ta̤lṳ tôcǒ dǒ Cǒmara gǔ phî̌shǐshu yǎ, htodě ta̤lṳ tôcǒ dǒ Yôla Plò̌shǐ Běcǎ ma̤plò̌shǐ hto lû̌û dě, Cǒmara rû̌htò̌ khô̌tû̌ he kû̌ he gǔ ma̤ta̤ pô̤̌ pwa̤shû̌gǎ dǒ a shôbǐǐlṳ̌bǎ kòyò kû̌ Cǒmara a ta̤sǎlě̤we̤kè nutôpwa̤ hǒ.

Kôritu awǐlǒ tôbǎ 1:2

Pa wě̤cû̌ bǎ lî̤nu dǒ Cǒmara ta̤dòkû ô̌ dǒ Wî̤̌kôritu akû tokhlǒ a ô̌, kû̌ lǒ̤꤮ bò kòyò dǒ a cabahtò̌ Běcǎ Yeshǔ Khrǐ dě a ô̌ lô̌khô dǒ gûlǎ̤ pṳ̂̌ tôkû nutokhlǒ a ô̌. Yeshǔ nî̌ pa Běcǎ mî̌ amè̤̌, asî Běcǎ mî̌ amè̤̌. Dǒ Yeshǔ Khrǐ akhû̌akhî, Cǒmara ma̤plò̌shǐ sî dě a kaǎ sî dǒ sî gǔ ô̌htûpwa̤ plò̌shǐ dû̌htò̌ pô̤̌ aya hǒ.

Ěphěsu 5:26

Pô̤̌khô a ma̤plò̌shǐ a ta̤dòkû tokhlǒnu, a sikè bǎ asîya, dě a shǔbòkè asî kû̌ shi kû̌mî̌ alě̤ayô̤̌ nuhǒ.

Hebrǔ 10:1

Khònò̤̌ pa sî̌yaphlô kû̌ ta̤sû̌ta̤tòwò dǒ Khûmṳ̂shě bè̌kè numî̌ amè̤̌pwǎ ta̤yǎ̤yô̤ ta̤ma̤mǎnǎ tôcǒpwǎ. Ta̤ amè̤̌mî̌cǎ dǒ ta̤sû̌ta̤tòwò sǎyṳ nè̌lṳ̌ numî̌ amè̤̌kû̌ lǒ̤bò ta̤wî̤ta̤twè̤̌ dǒ a hè tutṳ̌ dǒ Khrǐ a ô̌ tokhlǒnu hǒ. Ta̤sû̌ta̤tòwònu a hî̌ kû̌, pṳ̂̌něně꤮ tôbǎ lṳhtò̌ ta̤phû̌ta̤wè̤nu akhû̌akhî, ma̤lǒhtò̌behtò̌ jò bǎ kòyòhǎkhû̌phû̌ tô̤̌.

Hebrǔ 10:10

Yeshǔ Khrǐ ma̤ bǎ pô̤̌ Cǒmara a ta̤sǎyṳ ô̌nu, htokhôtô̤̌ dǒ a lṳhtò̌ anǎ̤glǒ tôplǎnô̤̌pwǎ dě a htophlǔ bòhǒ akhû̌akhî, a ma̤ plò̌shǐ pa hǒ.

Hebrǔ 10:12

Bǎbǎkǎlè Khrǐ lṳhtò̌ bǎ pa ta̤sǔ aya tokhlǒnu, a lṳhtò̌ tôplǎnô̤̌pwǎ dě a hto phlǔbò tûjû̌pwa̤ hǒ. Dě a ge hǎnòò̌ô̌ dǒ Cǒmara a cǔtômû tôkhô hǒ.

Hebrǔ 13:12

Pô̤̌nudě pô̤̌khô Yeshǔ gǔ ma̤ plò̌shǐ kòyò hǎkhû̌phû̌ tokhlǒ kû̌ sǐ ayanu a bǎcû̌ tṳ̌sikhòsi anǎ̤ dǒ wî̤̌khlo tôkû.

Hebrǔ 2:11

Yeshǔ ma̤ mṳ̂̌plîge kòyòhǎkhû̌phû̌ tokhlǒ a ta̤ma̤sǔ tokhlǒ. Kòyòhǎkhû̌phû̌ dǒ Yeshǔ ma̤ mṳ̂̌plîkè asî ta̤sǔ nutokhlǒ kû̌ Yeshǔ numî̌, apha jû lû̌û tôpwa̤ nupwǎ akhû̌akhî, Yeshǔ kaǎ asî kû̌ pṳ̌wè̤̌nu a sòwò̤̌ tô̤̌.

Hebrǔ 7:19

Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.

Hebrǔ 7:25

Pô̤̌nudě kòyò dǒ a hè dǒ Cǒmara a ô̌ dě a hènṳ̌ tutṳ̌ dǒ Yeshǔ a ô̌ tokhlǒnu, Yeshǔ ma̤hǎplǎgebò̌ asî khònò̤̌ tǒ̤hènè ajû̌jû̌ apwa̤pwa̤ pě, ma̤titèhî̌dě pô̤̌khô a gǔ nṳ̌ kwisǎyṳbò̌ bǎ kòyò pô̤̌nu tokhlǒ aya dǒ Cǒmara a ô̌nu, a bǎ htûpwa̤ tûjû̌pwa̤.

Hebrǔ 9:10

Ta̤lṳta̤tòhtò̌ hǒtokhlǒnu, a nǎla̤ǐ pwǎ ta̤cubucaba a lǎ̤bû̌lǎ̤klô tokhlǒ dǒ a hî̌ kû̌ hǒomî̌ ǎnǐ̤, hǒnumî̌ ô anǐ̤ tô̤̌, tôbǎ shǔbò nǎ̤ pô̤̌onu, a hî̌ nutokhlǒ hǒ. Ta̤sû̌ta̤tòwò numî̌ gû̌ ma̤ta̤ dǒ akhlo tôkhô pwǎ, a ma̤ tèplè̌jò sǎphlǒ tô̤̌. Nǎ̤glǒ phěyî̌ tôkhô, kòyòhǎkhû̌phû̌ bǎ gû̌ma̤ tǒ̤dǒ Cǒmara ma̤tèplè̌ bǎ asî klè̌ asa tôbô.

Hebrǔ 9:14

Pô̤̌nudě, gènè̤ kè̌mò̌ lô̌khô Khrǐ asǐnu, a ma̤ mṳ̂̌plî bûsǔlǔkhlo pa kû̌ ta̤nutokhlǒ pě dǒ Yôla Plò̌shǐ Běcǎ ô̌htûpwa̤ tûjû̌pwa̤ akhû̌akhî, Khrǐ lṳhtò̌hto anǎ̤glǒ dǒ ata̤sǔ ô̌ tôcǒ꤮ tô̤̌ dǒ Cǒmara a ô̌ hǒ. Pô̤̌khô pa gǔ ma̤ bǎ Cǒmara dǒ a htûpwa̤ tôpwa̤ ata̤ma̤ ayanu, Khrǐ cǔbò pa sǎphlǒ nutokhlǒ kû̌ pa ta̤ma̤ dǒ abwǐsîrî ô̌kû̌ kòyò tô̤̌ nutokhlǒ kû̌ asǐ pě.

Yṳ̌da 1:1

He mî̌ Khûya̤kû apṳ̌ KhûYǔda, htokhôtô̤̌ he mî̌ Yeshǔ Khrǐ ajû̌ tôpwa̤. He sǎyṳ wě̤cû̌bǎ kòyò dǒ pha Cǒmara kaǎ asî dě a mô̤ǐ asî, tô̤̌ Yeshǔ Khrǐ ô̌pǒ̤ takabǐ ǐ asî nutokhlǒ a ô̌.