Hebrǔ 1:9 - Kawyaw New Testament

⁹ Na mô̤ǐ ta̤ dǒ atô tokhlǒ dě na sǎkhě ta̤ dǒ asǔ tokhlǒ. Dǒ hǒo akhû̌akhî dě Cǒmara dǒ a mî̌ na Cǒmaranu rû̌htò̌ hto na dě a no dû̌htû khlokè na kû̌ nasû̌nakhô tokhlǒ hǒ. A bè̌dû̌bè̌htû na hǒ, a ǐ na sǎlě̤sǎlò̤ hǒ,” a hî̌ lû̌û pô̤̌nu.

Kawyaw RC

⁹ Na mo̤ǐ ta̤ htě ato toǒ dě na sò̌khě ta̤ htě asǔ toǒ. Dě htǒo akhû̌akhî, Cǒmara htě a mî̌ na Cǒmara htǒo wû̌lǎ na dě a nodû̌ayǒkhlo na ta nasû̌nakho toǒ hǒ. A bè̌dû̌bè̌htû na, a ǐ na ta̤sò̌le̤sò̌lò̤ hǒ,” a hî̌ nû̌û hǐnu.

Hebrǔ 1:9 Iomraidhean Croise

Htû̌sò̌htò̌ 11:5

Cǒmara tûjû̌pwa̤ ma̤kè̌kè̌ kòyò sò̌phlǒwô̌. A sǎkhě mî̌ca kòyòphû̌mò̤̌ kû̌ kòyò pè̤ǎpè̤ô kò nutokhlǒ.

Htû̌sò̌htò̌ 119:104

Na ta̤sû̌ǐtòwòǐ ma̤jè̌ he dě he bè̌yòjòta̤ akhû̌akhî, he sǎkhî̌ kè bò klè̌sǔ nutokhlǒ.

Htû̌sò̌htò̌ 119:128

He gû̌ mè̤̌caca bò na ta̤sû̌ǐtòwòǐ. He sǎkhě bò ta̤lòhǎlòhô aklè̌aklò.

Htû̌sò̌htò̌ 2:2

Hǎkhû̌khwǐ tokhlǒ tîwî̌tòwò nǎ anǎ̤ dǒ a gǔ shěpě̤ kû̌mî̌ Cǒmara tûjû̌pwa̤ kû̌ khwǐ dǒ Cǒmara rû̌htò̌ yǎnu. Pwa̤pǒta̤ tokhlǒ ô̌plǒô̌cu wô̤̌wô̤̌ lû̌ dǒ a gǔ shěwô̤̌wô̤̌ ta̤ kû̌ hǎkhû̌khwǐ.

Htû̌sò̌htò̌ 2:6

A hî̌ kû̌, “Khwǐ dǒ he rû̌htò̌ a nu, he no htò̌ pǒ a dǒ Sǐû khôlô, he khôlô plò̌shǐkhû̌.”

Htû̌sò̌htò̌ 23:5

Na tîwî̌tòwò lǒbe bǎ he shǎǎshǎô dǒ pwa̤sǎkhě he tokhlǒ alô̤mô̤̌. Na plṳ̌ bǎ he ikǒ kû̌ mòû̌shi, he balě mî̌ abetǐpǐ.

Htû̌sò̌htò̌ 33:5

Cǒmara tûjû̌pwa̤ mô̤nǐ̤ ta̤cǒta̤tè̤, a cèròtô cèròbǎ ta̤. Hǎkhû̌běkhû̌, a lǒbe kû̌ Cǒmara ata̤mô̤ dǒ ahǎbòjò tô̤̌nu.

Htû̌sò̌htò̌ 37:28

Cǒmara tûjû̌pwa̤ mô̤nǐ̤ ta̤ma̤tôma̤bǎ, a wîkè nô̌ akòyòcǒkòyòtè̤ tô̤̌. A tugutakaǐ asî tûjû̌pwa̤. Kòyòkhu phû̌mò̤̌ aphû̌ali̤ tokhlǒ khû̌dayadě kòyò gǔ wṳ̂̌hǎhtò̌cû̌ tapheyî̤ kè asî.

Htû̌sò̌htò̌ 40:8

He sǎyṳ ma̤ pwǎ tǒ̤ na ta̤sǎyṳ, na ta̤sû̌ta̤tòwò ô̌ lǒ̤bò dǒ he sǎphlǒkû hǒ.”

Htû̌sò̌htò̌ 45:6

Ǒ Cǒmara nashinagǎ ô̌yî̤ pû tûjû̌pwa̤ talakhǎ nî̌. Na pǒǐ pû na kòyò kû̌ ta̤cǒta̤tè̤ nî̌.

Htû̌sò̌htò̌ 45:7

Na mô̤nǐ̤ ta̤ dǒ atôabǎ, na sǎkhî̌ ta̤ dǒ asǔ. Pô̤̌nukhû̌khî, Cǒmara dǒ amè̤̌ na Cǒmaradû̌ rû̌htò̌ na, a no dû̌khlohtûkhlo na kû̌ nasû̌nakhô dě a ǐhto na ta̤sû̌mô̤sò̌mô̤.

Htû̌sò̌htò̌ 89:20

“He kè̌shǐ he pwa̤ma̤ta̤phû̌ Khûdawi̤. “He plṳ̌ a kû̌ he htǒshi aplò̌shǐ, he rû̌htò̌ a kû̌ khwǐ tôpwa̤.

Htû̌sò̌htò̌ 89:26

“A glè̌ hî̌ he kû̌, ‘na mî̌ hepha, he Cǒmaradû̌, lǒ̤dû̌ dǒ a ma̤hǎplǎge he.’

Lǔka 4:18

“Běcǎdû̌ Yôla Plò̌shǐ ô̌ dǒ hekû, ma̤titè̌hî̌dě a rû̌htò̌ he kû̌ he gǔ shôbǐǐ bǎ kòyò pwa̤shèwè̤phû̌ tokhlǒ kû̌ ta̤sǎlě̤we̤kènu hǒ. Kòyò dǒ a pṳ̂̌ dǒlò̤tě̤ lû̌û dǒ apô̤kû tokhlǒ gǔ nǐ̤bǎ ta̤hǎplǎge aya, kòyò dǒ a mǐ̤sǎkhǐ tokhlǒ gǔ mǐ̤sǎlî sô̌ aya, kû̌ kòyò dǒ a ma̤jî̌ma̤jû̌ lû̌û tokhlǒ gǔ nǐ̤bǎ ta̤hǎplǎge ayanu a nohè he dǒ he gǔ shôbǐǐ bǎ asî hǒ.

Jowǎ̤ni̤ 1:41

A cû̌ kè̌lǎ wǐ awè̤̌ Khûshǐmû dě a shôbǐǐ bǎ lû̌û kû̌, “Pa kè̌shǐ Me̤shǐya hǒ” (Me̤shǐya yô̤̌mûyô̤̌sǎ mî̌ Khrǐ)

Jowǎ̤ni̤ 10:17

Hepha mô̤ǐ he ma̤titèhî̌dě pô̤̌khô he gǔ htûpwa̤ getîkhî sô̌nu, he ǐlò̤kè he ta̤htûpwa̤ hǒ.

Jowǎ̤ni̤ 20:17

Dě Běcǎ Yeshǔ hî̌ lû̌û kû̌, “Pṳ̂̌bǎ tǎ̤ he mǎ̤, ma̤titèhî̌dě he ge dǒ hepha ô̌ nò̌khôtô̤̌. Cû̌ dǒ he pṳ̌wè̤̌ nutokhlǒ a ô̌ dě cû̌hî̌ bǎ asî kû̌, ‘he gǔ gehtò̌ dǒ hepha ô̌mî̌ amè̤̌, asî pha mî̌ amè̤̌mè̤̌, he Cǒmara mî̌ amè̤̌mè̤̌, asî Cǒmara mî̌ amè̤̌mè̤̌ nutôpwa̤ a ô̌pě’” A hî̌ lû̌û pô̤̌nu.

Jowǎ̤ni̤ 3:34

Kòyò dǒ Cǒmara nolò̤ a tôpwa̤nu, Cǒmara ǐ lǒlǒbebe lû̌û Yôla Plò̌shǐ Běcǎ akhû̌akhî, a hî̌bǎpwǎ Cǒmara alě̤ayô̤̌ tokhlǒ pwǎ.

Pwa̤nophû̌ 10:38

Htodě Cǒmara rû̌htò̌ Wî̤̌na̤sôrè̤̌phû̌ Yeshǔ dě a ǐ lû̌û Yôla Plò̌shǐ Běcǎ kû̌ a ta̤pô̤ta̤phǎ hî̌tènu, sî sî̌ganǎ̤ hto tûû̌ hǒ. Yeshǔ cû̌lè dǒ gûlǎ̤ pṳ̂̌꤮ tûkû dě cû̌ ma̤bwǐma̤sîrî bǎ kòyò, ma̤hǎmǎkè kòyò ô̌ dǒ hǎkhû̌tana ma̤jî̌ma̤jû̌ lû̌û tokhlǒ, ma̤titè̌hî̌dě Cǒmara ô̌cu kû̌ a akhû̌akhî a ma̤ta̤ pô̤̌nu hǒ.

Pwa̤nophû̌ 4:26

Hǎkhû̌ khwǐ tokhlǒ tîwî̌tòwò nǎ lô̌khô anǎ̤ dǒ a gǔ shěpě̤ Cǒmara kû̌ khwǐ dǒ Cǒmara rû̌htò̌ lû̌û dǒ a gǔ ma̤hǎplǎge kòyò hǎkhû̌phû̌ nutôpwa̤. Pô̤̌nudě pwa̤pǒta̤ tokhlǒ ô̌plǒhî̌bǎcu wô̤̌wô̤̌ lû̌û dǒ a gǔ shěwô̤̌wô̤̌ ta̤ kû̌ hǎkhû̌ akhwǐ tokhlǒ.’

Pwa̤nophû̌ 4:27

Khònò̤̌dě dǒ wî̤̌kûnu a htûhtò̌kè anǎ̤ pô̤̌nu hǒ! Ma̤titèhî̌dě Khwǐherû kû̌ Khwǐpò̌tiyapǐlǎ ô̌plǒhî̌bǎcu kû̌ Yǔdaphû̌ mè̤̌tô̤̌ tokhlǒ kû̌ Yǔdaphû̌ tokhlǒ bǎ wî̤̌kûnu. Dě a gènè̤ ma̤si wô̤̌wô̤̌ lû̌û, Yeshǔ mî̌ na pwa̤ma̤ta̤phû̌ plò̌shǐ dǒ na dǐhtû a kû̌ Khrǐ nu tôpwa̤.

Rṳ̂̌me̤ 12:9

Mô̤khěmô̤khô̌ tǎ̤ kòyò tǎ̤mǎ̤ nî̌꤮. Sǎyṳ mô̤kla tǎ̤ ta̤phû̌mò̤̌shǐhtô tǎ̤mǎ̤ nî̌꤮. Dî̌klǎ měwô̌ lô̌khô ta̤wô̌ nî̌꤮.

Rṳ̂̌me̤ 15:13

Bǎ sî yṳ̌ǎnṳ̌ Cǒmara dǒ a ma̤jè̌ sî akhanu, a mî̌ Cǒmara tôpwa̤ dǒ pa lǎ̤kè̌shuǐ a kòshî̌gutṳ̌ akhû̌akhî, a gǔ ma̤lǒbe bǎtûû̌ sî sǎlě̤sǎlò̤ kû̌ sî sǎphlǒ a ta̤gûjû̌kabǎ nî̌꤮. Htokhôtô̤̌ pô̤̌khô sî ta̤kè̌shuǐ gǔ shû̌htò̌shohtò̌ sělě pô̤̌ dǒ alô̤mô̤̌ kû̌ Yôla Plò̌shǐ Běcǎ a ta̤pô̤ta̤phǎ akhû̌akhî, pwǎ nudě he kwicaba bǎ sîya hǒ.

Kôritu awǐlǒ tôbǎ 1:9

Cǒmara hǒtôpwa̤ mî̌ lǎ̤yṳ̌ǎnǐ̤ anǐ̤ mè̤̌ca. A mî̌ pwa̤ dǒ a kaǎ sî dě a sǎyṳ no bǒsû̌khǎkhô sî kû̌ aphû̌khû pa Běcǎ Yeshǔ Khrǐ hǒtôpwa̤nu hǒ.

Kôritu ginǐ̤bǎ tôbǎ 11:31

Běcǎ Yeshǔ Khrǐ apha Cǒmara nǎ a sî̌ganǎ̤ kû̌ he hî̌bǎ lòhô mè̤̌tô̤̌. Kòyò gǔ htû̌sò̌htò̌ pû ami̤ tûjû̌pwa̤ talakhǎ nî̌.

Galatǐ 5:22

Bǎbǎkǎlè Yôla Plò̌shǐ Běcǎ numî̌ a dǐô̌htò̌ ta̤mô̤, ta̤sǎlě̤sǎlò̤, ta̤pè̤̌ta̤dû, ta̤khòsǎdô, ta̤sǎyṳgwèbǎǐ, ta̤wî̤ta̤wô̌, ta̤jûlě̤phî̌yô̤̌,

Ěphěsu 1:3

Pa htû̌sò̌htò̌ wô̤̌wô̤̌ lû̌û pa Běcǎ Yeshǔ Khrǐ apha Cǒmara nutôpwa̤ tǎ꤮. A ǐlò̤ pa ta̤ǐshowî̤ pṳ̂̌꤮ tôcǒ dǒ a ô̌ dǒ mǒkhû̌ hènu, dě a gǔ ma̤jè̌ pa dǒsû̌dǒsò̌ tôkhô ata̤lṳ̂bǎ nutokhlǒ pě. Bǎ pa nutokhlǒ kû̌ Khrǐ htûhtò̌ lû̌û tôcǒ꤮ nô̤̌ akhanu, a ǐlò̤ bòkè pa nutokhlǒ hǒ.

Phǐlǐpǐ 2:9

Pô̤̌nudě Cǒmara bè̌dû̌bè̌htû ǐ yǎ dě a bè̌htò̌ lû̌û dǒ agûlǎ̤ htò̌yô̤̌lǒ dě a ǐ lû̌û mi̤ dǒ adû̌lǒkhlo kû̌ kòyòmi̤ pṳ̂̌꤮ tôpwa̤nu.

Hebrǔ 2:11

Yeshǔ ma̤ mṳ̂̌plîge kòyòhǎkhû̌phû̌ tokhlǒ a ta̤ma̤sǔ tokhlǒ. Kòyòhǎkhû̌phû̌ dǒ Yeshǔ ma̤ mṳ̂̌plîkè asî ta̤sǔ nutokhlǒ kû̌ Yeshǔ numî̌, apha jû lû̌û tôpwa̤ nupwǎ akhû̌akhî, Yeshǔ kaǎ asî kû̌ pṳ̌wè̤̌nu a sòwò̤̌ tô̤̌.

Hebrǔ 2:9

Bǎbǎkǎlè, ta̤we̤ta̤kè dǒ pa sî̌ganǎ̤ mè̤̌mî̌ca numî̌ amè̤̌ Yeshǔ nuhǒ. Bǎ a hèlò̤ dǒ hǎkhû̌ akhanu, a nǐ̤bǎ ta̤siwi̤sòwò̤ dǒ ajǎkhlo kû̌ mǒkhû̌ tanaphû̌ tokhlǒ tashò̌phû̌nô̤̌, ma̤titèhî̌dě, dǒ Cǒmara abwǐsîrî akhû̌akhî, Yeshǔ bǎ tṳ̌sikhòsi bǎ pa lǒ̤꤮ bò aya. Dǒ Yeshǔ tṳ̌sikhòsi akhû̌akhî, khònò̤̌ pa sî̌ganǎ̤ kû̌ Cǒmara no ta̤bwǐdû̌sîrîhtû, bè̌dû̌bè̌htû kòyò kû̌ Yeshǔ hǒ.

Hebrǔ 7:26

Pô̤̌nudě, Yeshǔ mî̌ pwa̤shû̌gǎ ikǒdû̌lǒ tôpwa̤ dǒ a ma̤lǒbe bǎbò lǒ̤꤮ bò pa ta̤lṳ̂bǎ tokhlǒ. A mî̌ aplò̌shǐ, ata̤sǔ ô̌tô̤̌, asǎphlǒ mṳ̂̌plî. Cǒmara bè̌yò tephekè khô̌ lû̌û kû̌ pwa̤ma̤sǔphû̌ tokhlǒ, dě a dǐô̌ lû̌û dǒ gûlǎ̤ htò̌yô̤̌lǒkhlo tôkû hǒ.

Petru awǐlǒ tabǎ 1:3

Pa gǔ hî̌bwǐhî̌sîrîhtò̌ wô̤̌wô̤̌ lû̌û pa Běcǎ Yeshǔ Khrǐ apha Cǒmara tǎ꤮. Amè̤̌kû̌ a ta̤sǎyṳgwèbǎǐ tûlû̌shû̌lě pa akhû̌akhî, kû̌ Yeshǔ Khrǐ ata̤si ihtǒhtûpwa̤sô̌ akhû̌akhî, a ǐlò̤ hto pa ta̤htûpwa̤ asa hǒ. Dǒ hǒo akhû̌akhî, pa nǐ̤bǎ hènè bò pa ta̤kè̌shuǐ dǒ pa ta̤ô̌htûpwa̤ akû hǒ.

Yṳ̂ha awǐlǒ tôbǎ 1:3

Pô̤̌khô sî gǔ bô̌sû̌khǎkhô dô̌kû̌ pa ayanu, pa shôbǐǐ padô̌ sî ta̤ dǒ pa kè̌shǐ htohǒ dě pa ganǎ̤debǎ htohǒ nutokhlǒ hǒ. Pa ta̤bô̌sû̌khǎkhô kè̌khîlû̌û numî̌, pa bǒsû̌ panǎ̤ kû̌ pha Cǒmara kû̌ aphû̌khû Yeshǔ Khrǐ.

Ta̤dǔlè̌nǎ 2:15

Pô̤̌nudě, dǒ sîklanu kòyò dǒ a gû̌ma̤kû̌ Nǐkòlǎphû̌ a ta̤sû̌ǐtòwòǐnu a ô̌ tokhlǒkhlǒ.