Hebrǔ 1:6 - Kawyaw New Testament

⁶ Bǎ Cǒmara nohèlò̤ aphû̌khû wè̤̌pwǎ̤ dǒ hǎkhû̌ akhanu, a hî̌ kû̌, “Cǒmara a tanaphû̌ lǒ̤꤮ bò bǎ cabahtò̌ phû̌khûnu,” a hî̌ pô̤̌nu.

Kawyaw RC

⁶ Bǎ Cǒmara nolò̤ aphû̌khû wè̤pwa̤ dě hǎkhû̌ akhanu, a hî̌, “Cǒmara a tanaphû̌ lǒ̤꤮ bò bǎ sabahtò̌ phû̌khûhtǒo,” a hî̌ hǐnu.

Hebrǔ 1:6 Iomraidhean Croise

Htû̌sò̌htò̌ 97:7

Kòyò lǒ̤bò dǒ a cabahtò̌, bè̌dû̌bè̌htò̌yô̤̌ ta̤yǎ̤yô̤yǎ̤gî̌ dǒ a tṳ̌dè tokhlǒ glè̌ shòwò̤̌ kèbò pě. Lǒ̤bò Cǒmara dǒ a mè̤̌tô̤̌ tokhlǒnu a glè̌ cabahtò̌bò Cǒmara tûjû̌pwa̤.

Matěo 24:14

Htodě mǒkhû̌ ashigǎ a ta̤sǎlě̤we̤kènu, kòyò gǔ shôbǐǐlṳ̌ ganǎ̤de bǎ bò kòyò ô̌ dǒ hǎkhû̌ tôbě bò pě, shigǎ pṳ̂̌tagǎ gǔ ganǎ̤de htobò ta̤phǔkhò̌nu mî̌ hǎkhû̌ gǔ gutṳ̌ nô̌ pwǎ.”

Jowǎ̤ni̤ 1:14

Kòyò dǒ kòyò kaǎ a kû̌ ta̤lě̤ta̤yô̤̌ tôpwa̤nu, a hèhtû ma̤pô̤̌ kòyòhǎkhû̌phû̌nu dě a hè ô̌htûpwa̤ dǒ pakla hǒ. Dě pa kè̌shǐ a ta̤bwǐdû̌sîrîhtû. Cǒmara aphû̌khû ô̌pwǎ tôpwa̤nô̤̌ akhû̌akhî, a nǐ̤bǎ bò ta̤bwǐdû̌sîrîhtû dǒ aphaô̌ a mî̌ kòyò dǒ a lǒbe kû̌ ta̤bwǐta̤sîrî kû̌ ta̤tě̤ta̤mè̤̌ tôpwa̤.

Jowǎ̤ni̤ 1:18

Kòyò kè̌shǐ nô̌ Cǒmara tôpwa̤꤮ tô̤̌ bǎbǎkǎlè, aphû̌khû ô̌ tôpwa̤nô̤̌, a mî̌ Cǒmara dě a ô̌plǒ kû̌ apha dě a dǔlè̌lṳ̌bǎ pa kû̌ Cǒmara hǒ.

Jowǎ̤ni̤ 3:16

“Cǒmara mô̤nṳ̌bò kòyò hǎkhû̌phû̌ lǒ̤bò. Lǒ̤꤮ bò kòyò dǒ a yṳ̌nǐ̤nǎ̤nǐ̤ aphû̌khû tokhlǒnu, pô̤̌khô a gǔ nǐ̤bǎ yôla htûpwa̤ tûjû̌pwa̤ dě a gǔ tǒ̤ dǒ ta̤pî̌ta̤lṳ̂̌ tô̤̌nu, a ǐlò̤kè aphû̌khû tôpwa̤ nô̤̌nu dǒ kòyò hǎkhû̌phû̌ tokhlǒ ayahǒ.

Rṳ̂̌me̤ 8:29

Ma̤titèhî̌dě, kòyò dǒ a glè̌ yṳ̌ǎ Cǒmara tokhlǒnu a sî̌ganǎ̤ nǎ wǐhǒ. Htokhôtô̤̌ a bè̌lò̤nǎ hto asǎphlǒ dǒwǐkha kû̌ a nohtûhtò̌ sô̌sô̌kû̌ asî kû̌ aphû̌khûnu pě hǒ. Pô̤̌nudě aphû̌khûhǒo htûhtò̌kè phû̌wè̤̌pwǎ̤ tôpwa̤ dǒ apṳ̌wè̤̌ tûprṳ̂taphǎ akla tokhlǒ hǒ.

Kòlòtè̌ 1:15

Yeshǔ Khrǐ dǒ pa kè̌shǐjò yǎ tôpwa̤nu, a dǔlè̌lṳ̌ tě̤tě̤mè̤̌mè̤̌ pa kû̌ Cǒmara dǒ pa kè̌shǐjò a tô̤̌ nutôpwa̤ hǒ. A mî̌ Cǒmara aphû̌khû wè̤̌pwǎ̤ dǒ apô̤aphǎ, ashû̌asho a dû̌khlohtûkhlo kû̌ ta̤bô̌lò̤ pṳ̂̌꤮ tôcǒ tôpwa̤ hǒ.

Kòlòtè̌ 1:18

Lǒ̤bò kòyò dǒ a yṳ̌ǎ Khrǐ tokhlǒnu, Khrǐ pǒǐ asî dě a nè̌klè̌nè̌klò asî sô̌sô̌kû̌ ikǒ nè̌klè̌nè̌klò ǐ nǎ̤glǒnu, dě kòyò dǒ a yṳ̌ǎ lû̌û tokhlǒnu asô̌sô̌kû̌ nǎ̤glǒ nuhǒ. Htokhôtô̤̌ a mî̌ a ǐ pwa̤ dǒ a yṳ̌ǎnǎ̤ǎta̤ tokhlǒ a ta̤htûpwa̤ tôpwa̤ hǒ. Htodě pô̤̌khô a htûhtò̌ ta̤lǒ̤꤮ bò a ikǒ ayanu, Cǒmara ma̤ ihtǒhtûpwa̤ getîkhî wǐlǒ a hǒ.

Hebrǔ 1:5

Lî̤plò̌shǐkû wě̤ kû̌ Cǒmara hî̌ aphû̌khû pô̤̌o, “Na mî̌ hephû̌pwa̤khû, khò̌tôni̤ dě, he htû napha hǒ,” a hî̌ pô̤̌nu. Bǎbǎkǎlè Cǒmara hî̌bǎ mǒkhû̌ tanaphû̌ pô̤̌nu tôpwǎ̤꤮ tô̤̌. Lî̤plò̌shǐ wě̤ pe dǒ ashǔshawa̤ tômè dě a hî̌ kû̌, “He htû apha pě, dě a htû hephû̌ pě,” ata̤hî̌ pô̤̌o nî̌ a hî̌bǎ mǒkhû̌ tanaphû̌ tôpwǎ̤꤮ tô̤̌tô̤̌.

Hebrǔ 10:5

Pô̤̌nu akhû̌akhî, bǎ Khrǐ hèlò̤ dǒ hǎkhû̌ akhanu, a hî̌ Cǒmara kû̌, “Kòyò lṳhtò̌ bǎ na ta̤phû̌ta̤wè̤ sîtokhlǒ kû̌ ta̤lṳta̤tòhtò̌ sî tokhlǒnu, na sǎyṳ tô̤̌. Bǎbǎkǎlè na tîwî̌tòwò nǎhto he nǎ̤glǒ dǒ he glè̌ bǎ lṳhtò̌ ayahǒ.

Petru awǐlǒ tabǎ 3:22

Yeshǔ Khrǐ ge ihtǒ dǒ mǒkhû̌ dě a ge hǎnòò̌ô̌ dǒ Cǒmara acǔde cǔtômû tôkhô hǒ. Dě a pǒǐ lǒ̤bò tanaphû̌ tokhlǒ kû̌ ta̤shû̌ta̤sho tokhlǒ, kû̌ ta̤pô̤ta̤phǎ tokhlǒ hǒ.

Yṳ̂ha awǐlǒ tôbǎ 4:9

Cǒmara mô̤ǐ pa pwǐ tènu a dǔlè̌lṳ̌ bǎ hǒ pa kû̌ a nohèlò̤ aphû̌khû dǒ a ô̌ tǒ̤ pwǎ tôpwa̤ nô̤̌nu dǒ hǎkhû̌nu hǒ. Pô̤̌khô pa gǔ nǐ̤bǎ kû̌ tutṳ̌ ta̤htûpwa̤ dǒ aphû̌khû alô̤nu dě, a nohè bǎ pa hǒ.

Ta̤dǔlè̌nǎ 1:5

Sî nǐ̤bǎ pô̤̌ pû Yeshǔ Khrǐ dǒ a khòlṳ̌ cǒcǒtè̤tè̤ nutôpwa̤ abwǐsîrî kû̌ a ta̤gûjû̌kabǎ nî̌꤮. Kòyòsi dě a htûpwa̤ getîkhî aklanu, a mî̌ pwa̤ dǒ a htûpwa̤ wǐlǒ tôpwa̤ hǒ. A mî̌ pwa̤ dǒ a pǒ hǎkhû̌ akhwǐ tokhlǒ nutôpwa̤. A mî̌ a mô̤ǐ pa kǎtô̤̌ dǒ a si akhû̌akhî a ma̤hǎplǎge pa dǒ ta̤sǔta̤plě akû hǒ.