Hebrǔ 1:4 - Kawyaw New Testament

⁴ Cǒmara aphû̌khû nî̌ a htûhtò̌kè pwa̤ dǒ adû̌ahtû khlo tanaphû̌ ô̌ bǎ mǒkhû̌ nutokhlǒ. Hǒo numî̌ a sô̌sô̌ kû̌ a ǐ aphû̌khû ami̤ dǒ adû̌ahtû khlo mǒkhû̌ tanaphû̌ nutokhlǒ ami̤ hǒ.

Kawyaw RC

⁴ Cǒmara aphû̌khûhtǒo a htûhtò̌ pwa̤ htě adû̌ayǒkhlo ta tanaphû̌ ǒ dě mǒkhû̌nu toǒ. Htǒonumî̌ alò̤ta a ǐ aphû̌khû ami̤ dě adû̌ayǒkhlo ta mǒkhû̌tanaphû̌nu toǒ ami̤ hǒ.

Hebrǔ 1:4 Iomraidhean Croise

Ěphěsu 1:21

Lǒ̤bò pwa̤pǒta̤ dǒ mǒkhû̌ tokhlǒ, lǒ̤bò mǒkhû̌ a ta̤siwi̤sòwò̤ tokhlǒ, lǒ̤bò mǒkhû̌ a ta̤pô̤ta̤phǎ tokhlǒ kû̌ mǒlǎ̤ aběcǎ nutokhlǒ lǒ̤bò akhû̌nu, Khrǐ htûdû̌khlo bò dǒ asîkhû̌ hǒ. A mi̤dû̌mi̤htû numî̌, mi̤ dǒ kòyò gǔ pô̤htò̌ anu tôhtu bǎbǎ, dǒ nô̌kò tôhtu pě nubǎbǎ, a htò̌yô̤̌ lǒkhlo mi̤ dǒ kòyò bè̌htò̌ yǎnuhǒ.

Kòlòtè̌ 1:18

Lǒ̤bò kòyò dǒ a yṳ̌ǎ Khrǐ tokhlǒnu, Khrǐ pǒǐ asî dě a nè̌klè̌nè̌klò asî sô̌sô̌kû̌ ikǒ nè̌klè̌nè̌klò ǐ nǎ̤glǒnu, dě kòyò dǒ a yṳ̌ǎ lû̌û tokhlǒnu asô̌sô̌kû̌ nǎ̤glǒ nuhǒ. Htokhôtô̤̌ a mî̌ a ǐ pwa̤ dǒ a yṳ̌ǎnǎ̤ǎta̤ tokhlǒ a ta̤htûpwa̤ tôpwa̤ hǒ. Htodě pô̤̌khô a htûhtò̌ ta̤lǒ̤꤮ bò a ikǒ ayanu, Cǒmara ma̤ ihtǒhtûpwa̤ getîkhî wǐlǒ a hǒ.

Kòlòtè̌ 2:10

Dě dǒ sî kû̌ Khrǐ htûhto lû̌û tôcǒ꤮ nô̤̌ akhû̌akhî, dǒsû̌dǒsò̌ tôkhô ata̤lû lǒ̤bò tokhlǒnu, sî nǐ̤bǎ lǒbe htobò hǒ. Khrǐ mî̌ lǒ̤bò khînǎkhîno a ta̤shû̌ta̤sho nutokhlǒ kû̌ hǎkhû̌běkhû̌ a ta̤siwi̤sòwò̤ tokhlǒ a ikǒ hǒ.

Tîsalònǐ ginǐ̤bǎ tôbǎ 1:7

Bǎbǎkǎlè sî kû̌ pa khòbǎ ta̤jî̌ta̤jû̌ tokhlǒnu, Cǒmara ma̤mô̤ getîkhî sô̌ pa pě. Dǒ Běcǎ Yeshǔ ô̌lṳ̌htò̌ akhapěnu, a ma̤mô̤htò̌ sô̌ pa pě. A hè dǒ mî̌plô̤̌ akû pě. A hè kû̌ a tanaphû̌ dǒ a ô̌ kû̌ a ta̤pô̤ta̤phǎ nutokhlǒ pě.

Hebrǔ 1:9

Na mô̤ǐ ta̤ dǒ atô tokhlǒ dě na sǎkhě ta̤ dǒ asǔ tokhlǒ. Dǒ hǒo akhû̌akhî dě Cǒmara dǒ a mî̌ na Cǒmaranu rû̌htò̌ hto na dě a no dû̌htû khlokè na kû̌ nasû̌nakhô tokhlǒ hǒ. A bè̌dû̌bè̌htû na hǒ, a ǐ na sǎlě̤sǎlò̤ hǒ,” a hî̌ lû̌û pô̤̌nu.

Hebrǔ 12:17

Pô̤̌ sî sî̌ganǎ̤ hto nuhǒ, dǒ nô̌kò dě bǎ a sǎyṳ hè phǐgû̌ ta̤ǐshowî̤ dǒ apha ô̌ akhanu, apha ǐpe lû̌û tô̤̌. A kè̌shuǐ ta̤ǐshowî̤ kû̌ amǐ̤sǎshi bǎbǎkǎlè, dǒ a shaǎ hto phû̌wè̤̌pwǎ̤ a û̌tě̤û̌ca akhû̌akhî, a htû̌lè̌ tèplè̌ khô̌jò petô̤̌.

Hebrǔ 2:9

Bǎbǎkǎlè, ta̤we̤ta̤kè dǒ pa sî̌ganǎ̤ mè̤̌mî̌ca numî̌ amè̤̌ Yeshǔ nuhǒ. Bǎ a hèlò̤ dǒ hǎkhû̌ akhanu, a nǐ̤bǎ ta̤siwi̤sòwò̤ dǒ ajǎkhlo kû̌ mǒkhû̌ tanaphû̌ tokhlǒ tashò̌phû̌nô̤̌, ma̤titèhî̌dě, dǒ Cǒmara abwǐsîrî akhû̌akhî, Yeshǔ bǎ tṳ̌sikhòsi bǎ pa lǒ̤꤮ bò aya. Dǒ Yeshǔ tṳ̌sikhòsi akhû̌akhî, khònò̤̌ pa sî̌ganǎ̤ kû̌ Cǒmara no ta̤bwǐdû̌sîrîhtû, bè̌dû̌bè̌htû kòyò kû̌ Yeshǔ hǒ.

Petru awǐlǒ tabǎ 3:22

Yeshǔ Khrǐ ge ihtǒ dǒ mǒkhû̌ dě a ge hǎnòò̌ô̌ dǒ Cǒmara acǔde cǔtômû tôkhô hǒ. Dě a pǒǐ lǒ̤bò tanaphû̌ tokhlǒ kû̌ ta̤shû̌ta̤sho tokhlǒ, kû̌ ta̤pô̤ta̤phǎ tokhlǒ hǒ.