Hebrǔ 1:2 - Kawyaw New Testament

² Bǎbǎkǎlè lṳmṳ̌ni̤ gutṳ̌kò tokhlǒnu, a hî̌bǎlò̤ tutṳ̌ kû̌ a phû̌pwa̤khû. Cǒmara nobô̌lò̤ tutṳ̌ aphû̌khû kû̌ hǎkhû̌ mǒkhû̌ kû̌ ta̤lǒ̤꤮ bò. Dǒ gutṳ̌kò pěnu, lǒ̤꤮ bò ta̤nutokhlǒ pô̤̌khô a gǔ htûbò ata pě nudě Cǒmara rû̌htò̌ yǎ hǒ.

Kawyaw RC

² Pwǎ̤ta mṳni̤gutṳ̌lò̤ htǒotoǒnu, a hî̌bǎlò̤ tṳtṳ pa ta a phû̌makhû hǒ. Cǒmara nobǒlò̤ tṳtṳ aphû̌khû ta hǎkhû̌ mǒkhû̌ ta ta̤lǒ̤꤮ bò. Dě gutṳ̌lò̤ pěnu, ta̤htǒotoǒ lǒ̤꤮ bò ma̤pûhǐ a htûbò nû̌ûta pěnu dě Cǒmara wû̌lǎ yǎ hǒ.

Hebrǔ 1:2 Iomraidhean Croise

Mǒhtûlû̌hǎhtûsa 49:1

Phaya̤kò kaǎhèǐ aphû̌ tokhlǒ dě a hî̌ kû̌, “Hèô̌ tewe̤ lô̌khô kû̌ he bǒo, htû̌ anô̌kòpě ta̤ glè̌ htûhtò̌ kû̌ sî hî̌tè pěnu he pwe̤ǐ mò̌ sî,

Matěo 13:39

Pwa̤sǎkhě dǒ a hè wǐ̤lò̤ mi̤khli nutokhlǒ yô̤̌mûyô̤̌sǎ mî̌ hǎkhû̌tana hǒ. Kǎ bǔjû̌ ashěakhǎ yô̤̌mûyô̤̌sǎ mî̌ htû̌ lṳmṳ̌ni̤ gutṳ̌pěnu hǒ. Pwa̤kǎ bǔjû̌ mî̌ tanaphû̌ nutokhlǒ hǒ.

Matěo 17:5

Bǎ a hî̌bǎ pepwǎ akhanu, poǒlṳ̌ kakha tôbě lò̤plû̌ bǐkè asî dě alě̤pwe̤htò̌ tômû dǒ poǒlṳ̌ akû kû̌, “Hǒomî̌ hephû̌ dǒ he mô̤ǐ yǎ dě he sǎphlǒô̌ yǎ tôpwa̤, ganǎ̤de lô̌khô ayô̤̌ nî̌꤮.”

Matěo 21:38

“Bǎbǎkǎlè bǎ pwa̤dakaǎ hǔkla tokhlǒ kè̌shǐ lû̌û akhanu, asî hî̌ kè̌khî lû̌û kû̌, ‘a mî̌ pwa̤ dǒ a nǐ̤bǎ û̌tě̤û̌ca nutôpwa̤ pě, cû̌! Cû̌ma̤sikè yǎ tǎ꤮, dě pa gǔ phî̌ a û̌tě̤û̌ca pě tǎ꤮,’ a hî̌ lô̌khô pô̤̌nu.

Matěo 26:63

Bǎbǎkǎlè a dò̌tûklû̌ pwǎ. Pwa̤shû̌gǎ ikǒdû̌lǒ nutôpwa̤ hî̌ kû̌, “He wṳ̂̌dò heyô̤̌ kû̌ Cǒmara dǒ a htûpwa̤ nutôpwa̤ dě he gǔ gwè̌ na, na mî̌ Me̤shǐya dǒ Cǒmara aphû̌khû nutôpwa̤ mè̤̌mî̌canu shôbǐǐ mò̌ pa.”

Matěo 28:18

Dě Běcǎ Yeshǔ hè dǒ asî ô̌ dě a hî̌ asî kû̌, “Ta̤siwi̤sòwò̤ dǒ mǒkhû̌ bǎbǎ, dǒ hǎkhû̌nu bǎbǎ, kòyò ǐ bòkè kû̌ he hǒ.

Matěo 3:17

Htodě alě̤pwe̤htò̌ dǒ mǒkhû̌ tômû dě a hî̌ kû̌, “Hǒtôpwa̤ mî̌ hephû̌pwa̤khû dǒ he mô̤ǐyǎ dě a ma̤mô̤ he sǎphlǒ tôpwa̤.”

Mǎ̤riko 1:1

Hǒomî̌ ta̤sǎlě̤we̤kè akòshî̌ dǒ a shôbǐǐlṳ̌ bǎ Cǒmara aphû̌khû Yeshǔ Khrǐ awe̤akè.

Mǎ̤riko 12:6

“Sîpî̌phǎ běcǎ nohèpô̤̌ kòyònu a ô̌kè pepwǎtǒ̤ aphû̌khû dǒ a mô̤ǐ nutôpwa̤ pwǎ. Dǒnô̌kògutṳ̌ dě a gènè̤ kû̌, ‘he gǔ nohè he phû̌pwa̤khû nî̌ a bè̌dubè̌nǎ̤ khlopě kǎlè,’ a gènè̤ dě a nohè lû̌û dǒ pwa̤khò̌ǎ nutokhlǒ a ô̌.

Mǎ̤riko 12:7

“Bǎbǎkǎlè pwa̤khòǎ tokhlǒnu a hî̌bǎǐ tû̌ lû̌û tôpwa̤ kû̌ tôpwa̤ dě a hî̌ lô̌khô kû̌, ‘kòyò hǒtôpwa̤ mî̌ sîpî̌phǎběcǎ aphû̌khû dǒ a glè̌ nǐ̤bǎ û̌tě̤û̌ca nutôpwa̤ hǒ. Cû̌! cû̌ma̤si wô̤̌wô̤̌kèyǎ tǎ꤮! A û̌tě̤û̌ca tokhlǒnu a gǔ htûhtò̌bòkè pata pě.’

Jowǎ̤ni̤ 1:10

A hè ô̌htûpwa̤ dǒ hǎkhû̌ hǒ. Dě a bô̌lò̤ tûû̌ hǎkhû̌ bǎbǎkǎlè a mî̌ kòyò hî̌tè tôpwa̤nu hǎkhû̌phû̌ sî̌yaphlô lû̌ tô̤̌.

Jowǎ̤ni̤ 1:14

Kòyò dǒ kòyò kaǎ a kû̌ ta̤lě̤ta̤yô̤̌ tôpwa̤nu, a hèhtû ma̤pô̤̌ kòyòhǎkhû̌phû̌nu dě a hè ô̌htûpwa̤ dǒ pakla hǒ. Dě pa kè̌shǐ a ta̤bwǐdû̌sîrîhtû. Cǒmara aphû̌khû ô̌pwǎ tôpwa̤nô̤̌ akhû̌akhî, a nǐ̤bǎ bò ta̤bwǐdû̌sîrîhtû dǒ aphaô̌ a mî̌ kòyò dǒ a lǒbe kû̌ ta̤bwǐta̤sîrî kû̌ ta̤tě̤ta̤mè̤̌ tôpwa̤.

Jowǎ̤ni̤ 1:3

Cǒmara nobô̌lò̤ tutṳ̌ lû̌û ta̤pṳ̂̌tocǒ. Ta̤ dǒ a bô̌lò̤ tô̤̌nu a ô̌ tôcǒ tô̤̌.

Jowǎ̤ni̤ 13:3

Běcǎ Yeshǔ sî̌ganǎ̤ kû̌ apha ǐlò̤ htobò lû̌û ta̤pô̤phǎ shû̌sho dǒ ta̤lǒ̤bò akhû̌ hǒ. A sî̌ganǎ̤ kû̌ a ô̌ dǒ Cǒmara hè ô̌ dě a gǔ getîkhî sô̌ dǒ Cǒmara a ô̌ pě.

Jowǎ̤ni̤ 13:32

Cǒmara kè̌ nǐ̤bǎ tutṳ̌ a ta̤bwǐdû̌sîrîhtû dǒ a ô̌ kè̌hî̌dě Cǒmara gǔ ǐ aphû̌khûnu ta̤bwǐdû̌sîrîhtû kû̌ anǎ̤ tûû̌ pě. A gǔ ǐ lû̌û ta̤bwǐdû̌sîrîhtû khònò̤̌.

Jowǎ̤ni̤ 15:15

He kaǎ pe sî kû̌ jû̌ tô̤̌, ma̤titèhî̌dě jû̌ numî̌ a sî̌ganǎ̤ǐ tûû̌ aběcǎ ta̤ma̤ awe̤akè tô̤̌. He gǔ kaǎ sî kû̌ sî mî̌ he khô tokhlǒ hǒ, ma̤titèhî̌dě lǒ̤꤮ bò he ganǎ̤de ta̤ dǒ hepha a ô̌ tokhlǒnu, he shôbǐǐlṳ̌ bǎbòhto sî hǒ.

Jowǎ̤ni̤ 16:15

Lǒ̤꤮ bò ta̤ dǒ a ô̌ kû̌ pha tokhlǒ numî̌ heta lǒ̤bò hǒ. Htodě he hî̌ bǎ sî kû̌ Yôla Plò̌shǐ Běcǎ gǔ hè shôbǐǐlṳ̌ bǎ sî lǒ̤bò a ganǎ̤de ta̤ dǒ heô̌ nutokhlǒ pě, pô̤̌nu.”

Jowǎ̤ni̤ 17:2

Ma̤titèhî̌dě pô̤̌khô kòyò lǒ̤꤮ bò dǒ na ǐ he tokhlǒ gǔ nǐ̤bǎ yôla htûpwa̤ tûjû̌pwa̤ ayanu, na ǐ htobò he ta̤siwi̤sòwò̤ dǒ he gǔ pǒ bò kòyò nutokhlǒ hǒ.

Jowǎ̤ni̤ 3:16

“Cǒmara mô̤nṳ̌bò kòyò hǎkhû̌phû̌ lǒ̤bò. Lǒ̤꤮ bò kòyò dǒ a yṳ̌nǐ̤nǎ̤nǐ̤ aphû̌khû tokhlǒnu, pô̤̌khô a gǔ nǐ̤bǎ yôla htûpwa̤ tûjû̌pwa̤ dě a gǔ tǒ̤ dǒ ta̤pî̌ta̤lṳ̂̌ tô̤̌nu, a ǐlò̤kè aphû̌khû tôpwa̤ nô̤̌nu dǒ kòyò hǎkhû̌phû̌ tokhlǒ ayahǒ.

Jowǎ̤ni̤ 3:25

Bǎnuakha Khûyṳ̂ha akhôphijǎ tokhlǒ kû̌ Yǔdaphû̌ tôpwa̤ htè̌ kè̌khîlû̌û kû̌ lǎ̤bû̌lǎ̤klô ô̌ kû̌ ta̤ma̤mṳ̂̌plî hî̌tènu awe̤akè.

Jowǎ̤ni̤ 5:26

Pô̤̌ hepha ô̌ kû̌ a ta̤pô̤ta̤phǎ dǒ a ǐ jò kòyò ta̤htûpwa̤nu, pha nî̌ a ǐ aphû̌khû a ta̤siwi̤sòwò̤ dǒ a ǐ kòyò ta̤htûpwa̤ hǒ.

Jowǎ̤ni̤ 5:27

Dě a mî̌ Kòyòphû̌khû akhû̌akhî, Cǒmara ǐlò̤ a ta̤siwi̤sòwò̤ dǒ a gǔ cî̌htò̌ kòyò hǒ.

Jowǎ̤ni̤ 9:29

“Cǒmara hî̌bǎ kû̌ Khûmṳ̂shě dǒ awǐkha numî̌ pa sî̌ganǎ̤. Bǎbǎkǎlè kòyò hǒtôpwa̤, a ô̌ bǎtèhènu pa sî̌ganǎ̤bǎ tîkî̌꤮ tô̤̌.”

Pwa̤nophû̌ 10:36

Sî sî̌ganǎ̤ hto tûû̌ kû̌ ta̤we̤ta̤kè dǒ Cǒmara nohè bǎ Yeshǔ dǒ Isôrěla akhlialè tokhlǒ aya hǒ. Dě a hè shôbǐǐlṳ̌ bǎ asî kû̌ ta̤sǎlě̤we̤kè nuhǒ. Dǒ Yeshǔ Khrǐ dǒ a htû kòyò pṳ̂̌꤮ tôpwa̤ a Běcǎ hǒtôpwa̤ akhû̌akhî, dě pa nǐ̤bǎhto ta̤pè̤̌ta̤dû hǒ.

Pwa̤nophû̌ 2:17

‘Cǒmara hî̌ kû̌, hǒnumî̌ ta̤ dǒ he gǔ nohtûhtò̌ yǎ bǎ lṳmṳ̌ni̤ dǒ gutṳ̌kòlǒ pě tokhlǒnu hǒ, he gǔ glǒlò̤ he Yôla Plò̌shǐ Běcǎ dǒ kòyò hǎkhû̌phû̌ lǒ̤bò tokhlǒ alô̤ pě, sî phû̌mǒ̤phû̌khû tokhlǒ gǔ shôbǐǐlṳ̌ nǎ he ta̤we̤ta̤kè tokhlǒ pě, sî pwa̤khûphû̌sǎ tokhlǒ gǔ kè̌shǐ nǎ pě, dě sî mǒ̤pwǎ̤ tokhlǒ gǔ hǎmi̤mò̤̌ ta̤ tokhlǒ pě.

Rṳ̂̌me̤ 1:4

Dǒ Yôla Plò̌shǐ Běcǎ akhû̌akhî, dě bǎ Cǒmara ma̤htûpwa̤ getîkhî pa Běcǎ Yeshǔ Khrǐ dǒ ta̤si kû̌ a ta̤pô̤ta̤phǎ akhanu, a dǔlè̌lṳ̌ lû̌û kû̌ a mî̌ Cǒmara aphû̌khû tôpwa̤ mè̤̌mî̌ca hǒ.

Rṳ̂̌me̤ 8:17

Khònò̤̌ pa kè̌ htû aphû̌ali̤ dě a gǔ ǐ pa a ta̤ǐshowî̤ û̌tě̤û̌ca dǒ a bè̌ wô̌ bǎ pa nutokhlǒ pě. A ǐ ta̤ǐshowî̤ dǒ aphû̌ali̤ tokhlǒ tô nǐ̤bǎ nutokhlǒ pě. Htokhôtô̤̌ û̌tě̤û̌ca dǒ a měgle tûjû̌pwa̤nu pa nǐ̤bǎ pô̤̌ kû̌ Khrǐ pě. Kè̌ pa khòjî̌khòjû̌ wô̤̌wô̤̌ kû̌ Khrǐ hî̌dě pa nǐ̤bǎ wô̤̌wô̤̌kû̌ ta̤bwǐdû̌sîrîhtû kû̌ a pě.

Kôritu awǐlǒ tôbǎ 2:7

He shôbǐǐlṳ̌ bǎ kòyò kû̌ Cǒmara a ta̤sî̌ta̤jò̌ dǒ adû̌ayô̤̌ tokhlǒ. Dǒnô̌dǒhǎ akhanu, Cǒmara dǔlè̌lṳ̌ bǎ kòyò kû̌ ta̤sî̌ta̤jò̌ hǒtokhlǒ nò̌khôtô̤̌. Dǒ Cǒmara bô̌lò̤ hǎkhû̌ khôtô̤̌ akhanu, a ta̤yè̤lò̤nǎ bǎ hto dǒ a gǔ ma̤ bǎ pa ta̤bwǐdû̌sîrîhtû tokhlǒnu hǒ.

Kôritu awǐlǒ tôbǎ 8:6

Bǎbǎkǎlè pa sî̌ganǎ̤ kû̌ Cǒmara mî̌ a ô̌pwǎ tôpwa̤pwǎ̤ nô̤̌ pwǎ. A mî̌ papha, a mî̌ a bô̌lò̤ ta̤pṳ̂̌꤮ tocǒ dě pa ô̌htûpwa̤ bǎ aya. Běcǎ mî̌ a ô̌pwǎ tôpwa̤pwǎ̤ nô̤̌, a mî̌ Yeshǔ Khrǐ hǒ. Cǒmara nobô̌lò̤ tutṳ̌ ta̤pṳ̂̌꤮ tocǒ kû̌ Yeshǔ Khrǐ. Pwa̤ dǒ a ǐ pa ta̤htûpwa̤ mî̌ a hǒ.

Galatǐ 4:4

Bǎbǎkǎlè bǎ shěkǎtô shěkhǎbǎ hètǒ̤hǒ akhanu, Cǒmara nohèlò̤ aphû̌khû dě a hè ô̌phijǎlò̤ dǒ pwa̤mǒ̤ tôpwa̤ a ô̌, dě a hè ô̌phijǎlò̤ dǒ Yǔda a ta̤sû̌ta̤tòwò alǎ̤.

Ěphěsu 1:10

Htû̌꤮ shěkhǎ hètôhèbǎ pěnu, Cǒmara gǔ ma̤lǒhtò̌ ma̤behtò̌ a ta̤tîwî̌tòwò nǎ nutokhlǒ pě. Lǒ̤bò ta̤dǒ a ô̌ dǒ mǒkhû̌ nutokhlǒ bǎbǎ, lǒ̤bò a ô̌ dǒ hǎkhû̌ nutokhlǒ bǎbǎ, a gǔ ma̤plǒma̤cu bò lû̌û dǒ a ikǒlǒkòdû̌lǒ Khrǐ nutôpwa̤ alǎ̤ pě.

Ěphěsu 3:9

Cǒmara gǔ ma̤lǒbehè a ta̤tîwî̌tòwònǎ ta̤ adû̌ayô̤̌ tôcǒ hî̌tè pěnu, a ǐlò̤ hto he ta̤ma̤ dǒ he bǎ cû̌ shôbǐǐphlô bǎ kòyò ta̤nuhǒ. Ně dǒ a tûlû̌hto tokhlǒnu, Cǒmara dǒ a bô̌lò̤ ta̤ lǒ̤bò tôpwa̤nu, a dǔlè̌lṳ̌ bǎ kòyò ta̤nu nò̌khôtô̤̌.

Hebrǔ 1:5

Lî̤plò̌shǐkû wě̤ kû̌ Cǒmara hî̌ aphû̌khû pô̤̌o, “Na mî̌ hephû̌pwa̤khû, khò̌tôni̤ dě, he htû napha hǒ,” a hî̌ pô̤̌nu. Bǎbǎkǎlè Cǒmara hî̌bǎ mǒkhû̌ tanaphû̌ pô̤̌nu tôpwǎ̤꤮ tô̤̌. Lî̤plò̌shǐ wě̤ pe dǒ ashǔshawa̤ tômè dě a hî̌ kû̌, “He htû apha pě, dě a htû hephû̌ pě,” ata̤hî̌ pô̤̌o nî̌ a hî̌bǎ mǒkhû̌ tanaphû̌ tôpwǎ̤꤮ tô̤̌tô̤̌.

Hebrǔ 1:8

Bǎbǎkǎlè, bǎ a hî̌tè̌ aphû̌khû awe̤akè akhanu, “Ǒ꤮ Cǒmara, nashinagǎnu, a ô̌yî̤ tûjû̌pwa̤ talakhǎ pě꤮. Na pǒǐtû̌ na kòyò tokhlǒ kû̌ ta̤tě̤ta̤mè̤̌ pě.

Hebrǔ 11:3

Dǒ ta̤yṳ̌ta̤nǎ̤ akhû̌akhî, pa sî̌ganǎ̤ kû̌ Cǒmara bô̌lò̤ mǒlǎ̤ ayô̤agî̌ kû̌ ayô̤̌ pwǎ. Pô̤̌nudě ta̤ dǒ pa kè̌shǐjò khònò̤̌kha tokhlǒ numî̌ a ô̌ bǎ ta̤dǒ pa kè̌shǐ jòtô̤̌ tokhlǒ a ô̌ hè pwǎ.

Hebrǔ 2:3

Pô̤̌nudě, khònò̤̌ pa kè̌ bè̤̌dubè̌nǎ̤ kû̌ kòyò ta̤ma̤hǎplǎge adû̌ayô̤̌nu tô̤̌ hî̌dě Cǒmara gǔ cî̌htò̌ mè̤̌mî̌ca pa pě. Cǒmara a ta̤ma̤hǎplǎge aklè̌aklònu, Běcǎ anǎ̤glǒ shôbǐǐlṳ̌ wǐ bǎ kòyò hǒ. Dě kòyò dǒ a ganǎ̤de lû̌û hî̌nu tokhlǒnu a shôbǐǐlṳ̌pô̤̌ bǎ tutṳ̌ pa kû̌ ta̤ma̤hǎplǎge ta̤we̤ta̤kè tokhlǒ numî̌ a mè̤̌mî̌ca pô̤̌nu.

Hebrǔ 3:6

Bǎbǎkǎlè, Khrǐ nî̌ asô̌sô̌kû̌ Khûmṳ̂shě dǒ a htû pwa̤ma̤ta̤phû̌ dǒ Cǒmara ahǐkû nutôpwa̤ mè̤̌tô̤̌. A mî̌ Cǒmara aphû̌khû tôpwa̤. A mî̌ acǒ kû̌ ata̤ma̤ dě a kè̌khwè̌ǐ apha Cǒmara a hǐphû̌phòphû̌ tokhlǒ. Pa kè̌ gû̌ khukhuhehe hè sělě kû̌ Khrǐ tǒ̤dǒ agutṳ̌ htokhôtô̤̌ ta̤ dǒ Cǒmara gǔ ǐ panu, pa kè̌ kè̌shuǐ hènè tǒ̤dǒ agutṳ̌ numî̌, pa mî̌ Cǒmara ahǐphû̌phòphû̌ hǒ.

Hebrǔ 4:14

Pô̤̌nudě, pa pṳ̂̌mě̤tegle wô̌ lô̌khô pa ta̤yṳ̌ta̤nǎ̤ dǒ pa olò̤ bǎnu tǎ꤮, ma̤titèhî̌dě, pa ô̌ ǐtûû̌ kû̌ pa pwa̤shû̌gǎ ikǒdû̌lǒ nutôpwa̤, dě a cû̌nṳ̌ hto paya dǒ mǒkhû̌ hǒ. A mî̌ Cǒmara a phû̌pwa̤khû Yeshǔ nuhǒ.

Hebrǔ 5:8

Yeshǔ htû Cǒmara aphû̌khû tôpwa̤ bǎbǎkǎlè bǎ a khòbǎ ta̤jî̌ta̤jû̌ akhanu, a phî̌nṳ̌ tutṳ̌pe ta̤ganǎ̤de ayô̤̌ dǒ Cǒmara a ô̌.

Hebrǔ 7:28

Pwa̤shû̌gǎ tokhlǒnu, a ta̤sǔta̤plě ô̌ pwǎ lô̌khô bǎbǎkǎlè ta̤sû̌ta̤tòwò ô̌ akhû̌akhî, kòyò bǎ bè̌htò̌ asî pwǎ. Bǎbǎkǎlè bǎ Cǒmara ǐlò̤hto ta̤sû̌ta̤tòwònu dǒ nô̌kò ayî̤kèhǒnu, a olò̤ khô̌tîkhîpô̤̌ tômû dě a wṳ̂̌dòlò̤ padô̌ ayô̤̌ bǎnu. A wṳ̂̌dòlò̤ ayô̤̌ kû̌ a bè̌htò̌ a phû̌pwa̤khû dǒ ata̤sǔ ô̌tô̤̌, a lǒbe nutôpwa̤ kû̌ a gǔ htûhtò̌ pwa̤shû̌gǎ ikǒdû̌lǒ tûjû̌pwa̤ hǒ.

Hebrǔ 7:3

Malakhǐsedè̌ apha bǎbǎ, amǒ̤ bǎbǎ, aphiphu khlilè tokhlǒ bǎbǎ, kòyò wě̤mǎnǎ bǎ a tôcǒ꤮ tô̤̌. A ta̤ô̌phijǎlò̤ kû̌ ata̤si awe̤akè tokhlǒnu bǎbǎ, kòyò wě̤mǎnǎ bǎ yǎ tô̤̌tô̤̌. A mî̌ asô̌sô̌kû̌ Cǒmara aphû̌khû tôpwa̤. A htû pwa̤shû̌gǎ tûjû̌pwa̤.

Hebrǔ 9:26

Kè̌ Khrǐ lǎ̤lṳ̂nṳ̌ sǎla̤la̤ pô̤̌nu kè̌hî̌dě, a tôbǎ khòlṳ̌ sǎla̤la̤ asǎphlǒ dǒ hǎkhû̌ htûhtò̌lû̌ akha pe a lǎ̤lṳ̂ khòlṳ̌ pô̤̌nutô̤̌. Khònò̤̌ bǎ hǎkhû̌ glè̌ phǔ꤮ gutṳ̌hǒ akhanu, a hè khòlṳ̌ pwǎ tôplǎ dě a htophlǔ bòhǒ. Dǒ a lṳhtò̌ anǎ̤glǒ kû̌ anǎ̤nu akhû̌akhî, a phî̌cû̌ tephekè kòyòhǎkhû̌phû̌ tokhlǒ ata̤sǔ tokhlǒ hǒ.

Petru awǐlǒ tabǎ 1:20

Bǎ Cǒmara bô̌lò̤tèlò̤ hǎkhû̌ khôtô̤̌ akhanu, a rû̌htò̌ nǎhto Khrǐ nuhǒ. Bǎbǎkǎlè lṳmṳ̌ni̤ lṳmṳ̌sa dǒ nô̌kò gutṳ̌ a amè̤̌kû̌ khònò̤̌kha hǒtokhlǒnu, Cǒmara dǔlè̌lṳ̌ hto sî kû̌ Khrǐ hǒ.

Petru ginǐ̤bǎ tabǎ 3:3

Awǐlǒmî̌, sî tôbǎ sî̌yaphlô kû̌ dǒ lṳmṳ̌ni̤ gutṳ̌ pě kòyò tokhlǒkhlǒ gǔ ô̌lṳ̌htò̌ pě dě a gǔ pîjî̌ǐsho sǎyî̤̌ bò pě. Asî nutokhlǒ mî̌ a gǔ gû̌ ma̤còcè̌pwǎ a ta̤sǎyṳ phû̌mò̤̌ tokhlǒ pě.

Yṳ̌da 1:18

Asî hî̌ bǎ sî kû̌, “Htû̌ lṳmṳ̌ni̤ lṳmṳ̌sa dǒ gutṳ̌kò pě tokhlǒnu kòyò dǒ a pî̤jî̌pèshè̌ sǎyǎ̤ sî tokhlǒ ô̌htò̌ pě. Asî nutokhlǒ mî̌ a gû̌ma̤ còcè̌ pwǎ pô̤̌ a ta̤sǎyṳ phû̌mò̤̌ dǒ a tô kû̌ Cǒmara asǎphlǒ tô̤̌ nutokhlǒ pwǎ.”