Hebrǔ 1:14 - Kawyaw New Testament14 Kè̌hî̌pô̤̌nudě, mǒkhû̌ tanaphû̌ tokhlǒ mî̌ mò̌pè? Asî mî̌ yôla htûpwa̤ dǒ a ma̤ bǎ Cǒmara ata̤ma̤ tokhlǒ. Cǒmara noma̤jè̌ bǎ asî kû̌ kòyò dǒ a nǐ̤bǎ ta̤ma̤hǎplǎge pě tokhlǒ aya pwǎ. Faic an caibideilKawyaw RC14 Dèhî̌hǐnudě, mǒkhû̌tanaphû̌ toǒ mî̌ ûpè? Asî mî̌ yolahtûpwa̤ htě a ma̤ bǎ Cǒmara ata̤ma̤ toǒ. Cǒmara noma̤jè asî ta kòyò htě a nî̤bǎ ta̤ma̤lû̌htò̌ge pě toǒ aya pwǎ. Faic an caibideil |
Hebrǔ 1:14
65 Iomraidhean Croise
A gènè̤ pô̤̌nu bǎbǎkǎlè, bǎ a hǎmôô̌ akha, a hǎmimò̤̌ kè̌shǐ Běcǎ Cǒmara a mǒkhû̌ tanaphû̌ tôpwa̤, hèô̌lṳ̌htò̌ bǎ lû̌û dě a hî̌ lû̌û kû̌, “Phadawi̤ aphû̌khû Khûyṳ̂tǎ, bǎgû̌bǎgè̌ tǎ̤ dǒ na gǔ phî̌ Mǒ̤ma̤rǐnu tǎ̤mǎ̤, ma̤titè̌hî̌dě, a mǒ̤do numî̌ Yôla Plò̌shǐ Běcǎ dǐmǒ̤dohtò̌ lû̌û pwǎ.
Bǎ pwa̤sî̌jò̌phû̌ tokhlǒ gehtonu, Cǒmara a mǒkhû̌ tanaphû̌ tôpwa̤ hèô̌lṳ̌htò̌ bǎ Phayṳ̂tǎ dǒ a ta̤hǎmimò̤̌ akû dě a hî̌ lû̌û kû̌, “Ihtǒmò̌! dě kaǎnṳ̌ phijǎphû̌ kû̌ amǒ̤nu dě hǎhtò̌cû̌khlè̌kè mò̌ dǒ Ijî̌gǎnu. He kè̌ shôbǐǐ na tocǒ꤮ tô̤̌ kè̌hî̌dě tûlû̌ ô̌ lô̌khô bǎnu nî̌꤮, ma̤titè̌hî̌dě Khwǐherû glè̌ no kè̌lǎ ma̤si akliphû̌ tokhlǒ kû̌ phijǎphû̌ nutôpwa̤ pě.”
Běcǎ a mǒkhû̌ tanaphû̌ tôpwa̤ hè ihtǒ ô̌lṳ̌ sumṳ̌htò̌ bǎnu dě a lîhtò̌ bò bǎ Khûpetarǔ ô̌ ǐ a pô̤kûnu. Mǒkhû̌tanaphû̌ plǎ̤ Khûpetarǔ plîdò̌khû̌ dě a htû̌wṳ̂̌ ihtǒ lû̌û dě a hî̌ lû̌û kû̌, “Ihtǒ phwèmò̌” Tôplǎnô̤̌ sǒpli̤tè̤glè ô̌ dǒ Khûpetarǔ acǔde ginǐ̤khô akû nu a lò̤tě̤ hǎphlǔ bòkè tûû̌ anǎ̤.
Pô̤̌ Cǒmara ma̤wô̌ hto sî Yǔdaphû̌ mè̤̌tô̤̌ tokhlǒ ayanu, he kè̌shuǐ kû̌ pô̤̌khô he gǔ ma̤ sǎkhwè̌ǐ gû̌ hekhô Yǔdaphû̌ tûû̌ tokhlǒ aya, htokhôtô̤̌ pô̤̌khô he gǔ tili̤genṳ̌ asî tokhlǒkhlǒ kû̌ a gǔ nǐ̤bǎ gû̌ kòyò ta̤ma̤hǎplǎge ayanudě, he gènè̤dû̌ ǐtûû̌ mî̌ca ta̤ma̤ dǒ Cǒmara ǐ henu.
Cǒmara abwǐsîrî akhû̌akhî, a ǐ he ta̤ma̤ dǒ he gǔ ma̤ Yeshǔ Khrǐ ata̤ma̤ dǒ Yǔdaphû̌ mè̤̌tô̤̌ tokhlǒ akla. Pô̤̌khô Yǔdaphû̌ mè̤̌tô̤̌ tokhlǒ gǔ htûhtò̌ ta̤lṳ tôcǒ dǒ Cǒmara gǔ phî̌shǐshu yǎ, htodě ta̤lṳ tôcǒ dǒ Yôla Plò̌shǐ Běcǎ ma̤plò̌shǐ hto lû̌û dě, Cǒmara rû̌htò̌ khô̌tû̌ he kû̌ he gǔ ma̤ta̤ pô̤̌ pwa̤shû̌gǎ dǒ a shôbǐǐlṳ̌bǎ kòyò kû̌ Cǒmara a ta̤sǎlě̤we̤kè nutôpwa̤ hǒ.
Asî sǎphlǒshû̌ ma̤lṳ jî̌le. Kè̌ hî̌mè̤̌mî̌mò̌ dě, asî bǎ ma̤jè̌ Yǔdaphû̌ dǒ a yṳ̌ǎ ge nutokhlǒ hǒ. Asô̌sô̌kû̌ asî noshû̌ ô̌dû̌wî̤ Yǔdaphû̌ tokhlǒ hǒ. Ma̤titèhî̌dě Yǔdaphû̌ tokhlǒnu a dǐǎ pa tutṳ̌ Yǔdaphû̌ mè̤̌tô̤̌ tokhlǒ ta̤ǐshowî̤ dǒsû̌dǒsò̌ tokhlǒ hǒ. Pô̤̌nudě Yǔdaphû̌ mè̤̌tô̤̌ tokhlǒ shû̌ô̌ Yǔdaphû̌ tokhlǒ kû̌ a gǔ bǎ yṳ̂̌ǎ getîkhî sô̌ asî kû̌ ta̤ǐshowî̤ amè̤̌kû̌ ruhta kû̌ timî̌titè tokhlǒ hǒ.
Khònò̤̌ pa kè̌ htû aphû̌ali̤ dě a gǔ ǐ pa a ta̤ǐshowî̤ û̌tě̤û̌ca dǒ a bè̌ wô̌ bǎ pa nutokhlǒ pě. A ǐ ta̤ǐshowî̤ dǒ aphû̌ali̤ tokhlǒ tô nǐ̤bǎ nutokhlǒ pě. Htokhôtô̤̌ û̌tě̤û̌ca dǒ a měgle tûjû̌pwa̤nu pa nǐ̤bǎ pô̤̌ kû̌ Khrǐ pě. Kè̌ pa khòjî̌khòjû̌ wô̤̌wô̤̌ kû̌ Khrǐ hî̌dě pa nǐ̤bǎ wô̤̌wô̤̌kû̌ ta̤bwǐdû̌sîrîhtû kû̌ a pě.
Cǒmara a ta̤sî̌ta̤jò̌ mî̌ adû̌ayô̤̌ mè̤̌mî̌ca. Pô̤̌nudě kòyòhǎkhû̌phû̌ tokhlǒ gǔ kè̌lǎsî̌yabò̌ Cǒmara kû̌ asî ta̤sî̌ta̤jò̌ tokhlǒnu, a bò̌ tôkhò̌ tô̤̌. Ma̤titèhî̌dě, Cǒmara sǎphlǒô̌ dǒ a gǔ ma̤hǎplǎge kòyò dǒ a yṳ̌ǎ Khrǐ a ta̤sǎlě̤we̤kè dǒ pa shôbǐǐlṳ̌ bǎ kòyònu tokhlǒ pě. Bǎbǎkǎlè kòyò dǒ a yṳ̌ǎ ta̤sǎlě̤we̤kè tô̤̌ tokhlǒnu, a gènè̤sǔ lô̌khô kû̌ ta̤shôbǐǐlṳ̌ hǒtokhlǒ numî̌ a ô̌lǒô̌khlo pwǎ, a gènè̤ lô̌khô pô̤̌nu.
Cǒmara a ta̤cǒta̤yô̤̌ dǒ kòyò sî̌yahtò̌ tô̤̌ numî̌ amè̤̌pwǎ Cǒmara ǐlò̤bǎ Yǔdaphû̌ ta̤ǐshowî̤ nuhǒ. Dě ta̤ǐshowî̤ tokhlǒnu, sî Yǔdaphû̌ mè̤̌tô̤̌ tokhlǒ nǐ̤bǎ wô̤̌ sô̌sô̌ kû̌ asî nuhǒ. Yǔdaphû̌ mè̤̌tô̤̌ tokhlǒ kû̌ Yǔdaphû̌ tokhlǒnu, a htû lû̌û nǎ̤ tôpwa̤ nô̤̌hǒ. Lǒ̤bò Cǒmara olò̤kè a kòyò tokhlǒnu, sî Yǔdaphû̌ mè̤̌tô̤̌ tokhlǒ gǔ nǐ̤bǎ wô̤̌wô̤̌ kû̌ asî hǒ. Dǒ sî yṳ̌ǎ ta̤sǎlě̤we̤kè dě sî htûhtò̌kè kû̌ Yeshǔ Khrǐ tôcǒ nô̤̌ akhû̌akhî, sî nǐ̤bǎ bòkè ta̤ǐshowî̤ nutokhlǒ hǒ.
Dǒ he shôbǐǐ ta̤sǎlě̤we̤kè akhû̌akhî, he si pě yǎ sî̌. Bǎ sî yṳ̌ǎ ta̤sǎlě̤we̤kè akhanu, sî ǐlò̤ sî ta̤htûpwa̤ dǒ Cǒmara a ô̌ sô̌sô̌kû̌ pwa̤shû̌gǎ lṳhtò̌ ta̤phû̌ta̤wè̤ dǒ Cǒmara a ô̌ nuhǒ. Kòyò kè̌ ma̤si he hî̌dě, hesǐ gǔ sǐlò̤ asô̌sô̌kû̌ pwa̤shû̌gǎ tôpwa̤ yṳ̂̌lò̤ shisî̌yô̤̌ dǒ hǎkhû̌ dǒ asô̌sô̌kû̌ kòyò lṳhtò̌ ta̤lṳta̤tòhtò̌ nuhǒ. A kè̌ htûhtò̌ pô̤̌nu hî̌dě he sǎlě̤sǎlò̤, sǎlě̤bò kû̌ sî pṳ̂̌ tôpwa̤ pwǎ.
He tô no ge tîkhî bǎ sî Khûěpaprǔdǐtǔ dǒ sî ô̌ he gènè̤ pô̤̌nu. A mî̌ he pṳ̌wè̤̌ tôpwa̤, a mî̌ kòyò dǒ a ma̤cu ta̤ kû̌ he dě a shěpě̤ wô̤̌wô̤̌ ta̤ kû̌ he hǒ. A mî̌ kòyò dǒ a sû bǎ sî lî̤ nutôpwa̤ hǒ dě pô̤̌khô a ma̤jè̌ bǎ he ta̤lṳ̂bǎ tokhlǒnu dě sî nohè lû̌û dǒ he ô̌ nutôpwa̤ hǒ.
Pô̤̌nudě, khònò̤̌ pa kè̌ bè̤̌dubè̌nǎ̤ kû̌ kòyò ta̤ma̤hǎplǎge adû̌ayô̤̌nu tô̤̌ hî̌dě Cǒmara gǔ cî̌htò̌ mè̤̌mî̌ca pa pě. Cǒmara a ta̤ma̤hǎplǎge aklè̌aklònu, Běcǎ anǎ̤glǒ shôbǐǐlṳ̌ wǐ bǎ kòyò hǒ. Dě kòyò dǒ a ganǎ̤de lû̌û hî̌nu tokhlǒnu a shôbǐǐlṳ̌pô̤̌ bǎ tutṳ̌ pa kû̌ ta̤ma̤hǎplǎge ta̤we̤ta̤kè tokhlǒ numî̌ a mè̤̌mî̌ca pô̤̌nu.
Dě Cǒmara dǔlè̌lṳ̌ bǎ piwi̤pèshè nutokhlǒ kû̌ asî ma̤ta̤ tokhlǒ numî̌ asîya tûû̌ mè̤̌tô̤̌. Hî̌mè̤̌mè̤mî̌ sîya pwǎ. Khònò̤̌ ta̤ hǒtokhlǒnu a hî̌ bǎ sî dě sî ganǎ̤de hǒ. Dǒ Cǒmara nohè Yôla Plò̌shǐ Běcǎ a ta̤pô̤ta̤phǎ dǒ a ô̌ dǒ mǒkhû̌ hèdě, a hè ma̤ta̤nu akhû̌akhî, asî hè shôbǐǐ bǎ sî kû̌ ta̤sǎlě̤we̤kènu hǒ. Mǒkhû̌tanaphû̌ tokhlǒnu a sǎyṳ kè̌shǐsî̌ya tě̤mè̤̌ mî̌ca ta̤we̤ta̤kè hǒtokhlǒ.
Pô̤̌nudě sî dǒ a htû wṳ̂ tokhlǒnu, bǎ sî ô̌plǒ kû̌ sîma akha, sî̌ganǎ̤ jè̌ kû̌ asî mî̌ a khû̌shiǎjǎ khlo kû̌ sî pô̤̌nu nî̌꤮. Sî̌ganǎ̤ bè̌dubè̌nǎ̤ shěshu sîma nî̌꤮. Ma̤titèhî̌dě Cǒmara ǐkwe yôla htûpwa̤ sûnu, asî nǐ̤bǎ sô̌sô̌ kû̌ sîsî pwǎ. Bǎ sî kwicaba akha, pô̤̌khô ta̤ gǔ ma̤dǐdò tě̤tṳ tǎ̤ sî tǎ̤mǎ̤nu, tûlû̌ ma̤ lô̌khô pô̤̌nu nî̌꤮.
Bǎnuakha he kè̌shǐ sû̌phû̌ tôdo ihtǒ ô̌dǒ khwǐ tòcòhta klǎmakû nutôkû. Ta̤htûpwa̤ lǐ̤donu kû̌ mǒ̤khumǒ̤pwǎ̤ tokhlǒ ô̌te̤we̤ ǐbò yǎ. Sû̌phû̌ dǒ a ô̌lṳ̌htò̌ tôdo nî̌ a sô̌sô̌ kû̌ kòyò ma̤si hto lû̌ûnu. Ano̤ ô̌ susô̌tôbô, htodě a mǐ̤sǎphlǒ ô̌ susô̌tôphlǒ, hǒnumî̌ Cǒmara a yôla plò̌shǐ susô̌tômè dǒ a sûcû̌ asî dǒ gûlǎ̤ pṳ̂̌꤮ tûkû dǒ hǎkhû̌ nuhǒ.
Sanasan