Hebrǔ 1:1 - Kawyaw New Testament

¹ Cǒmara hî̌bǎlò̤ sǎla̤la̤ paphipaphu dǒwǐdǒnô̌ akha tokhlǒ kû̌ dǒ klè̌ abô̌꤮ bô. Dě a nohî̌bǎ tutṳ̌ kû̌ piwi̤pèshè tokhlǒ.

Kawyaw RC

¹ Cǒmara hî̌bǎlò̤ sala̤ paphipaphu děwǐkha toǒ ta klè̌ pṳ̂̌bo. Dě a nohî̌bǎ tṳtṳ nû̌ûta pwa̤po̤ toǒ.

Hebrǔ 1:1 Iomraidhean Croise

Mǒhtûlû̌hǎhtûsa 3:15

He no htûhtò̌ na kû̌ pwa̤mǒ̤ nutôpwa̤ khuwè̤ pě, nakhli tôpwa̤ kû̌ pwa̤mǒ̤ akhli tôpwa̤ gǔ shěpě̤ lû̌û pě, dě pwa̤mǒ̤ akhli tôpwa̤ gǔ yî̤̌mǔ naikǒ pě, dě na gǔ ě pwa̤mǒ̤ akhli pwa̤khû nutôpwa̤ khò̌teněkò pě.”

Mǒhtûlû̌hǎhtûsa 6:3

Dě Cǒmara tûjû̌pwa̤ hî̌ kû̌, “He noô̌ he yôla htûpwa̤ kû̌ kòyòhǎkhû̌phû̌ tokhlǒ tûjû̌pwa̤ mî̌ awô̌ tô̤̌, ma̤titèhî̌dě asî ô̌ kû̌ phěyî̌sǐshi dǒ a sijò pwǎ akhû̌akhî, asî bǎ ô̌htûpwa̤ pwǎ aně tôya̤ kû̌ ginǐ̤shi pwǎ.”

Lǔka 1:55

Pô̤̌khô a gǔ gwèbǎǐ PhaAbraha kû̌ akhlialè nutokhlǒ tôhtu hto tôhtu ayanudě, a gènè̤htò̌bǎ hǒ.”

Lǔka 1:72

A hî̌ kû̌ a gǔ dǔlè̌lṳ̌ a ta̤sǎyṳgwèbǎǐ dǒ paphipaphu tokhlǒ alô̤ pě, kǎtô̤̌ a gǔ gènè̤htò̌nṳ̌ sô̌ a ta̤wṳ̂̌dò plò̌shǐ nutokhlǒ pě.

Lǔka 24:27

Htodě Yeshǔ shôbǐǐlṳ̌ bǎ asî kû̌ lî̤plò̌shǐ hî̌ nǎ hto a awe̤akè sahtò̌ dǒ Khûmṳ̂shě wě̤nǎ lî̤ nutôbǎ kû̌ lǒ̤꤮ bò piwi̤pèshè wě̤ nǎ nutokhlǒ.

Lǔka 24:44

Htodě a hî̌ asî kû̌, “Bǎ he ô̌gû̌pe kû̌ sî akhanu, lǒ̤꤮ bò kòyò wě̤ô̌ htohǒ hewe̤hekè dǒ Khûmṳ̂shě alî̤kû nutokhlǒ bǎbǎ, piwi̤pèshè wě̤ô̌nǎ nutokhlǒ bǎbǎ, dǒ htû̌sò̌htò̌ akû nutokhlǒ bǎbǎ, a bǎ lǒbehtò̌ lǒ̤bò pṳ̂̌꤮ tocǒ pěnu, he shôbǐǐlṳ̌ bǎ htobòhǒ sî hǒ.”

Jowǎ̤ni̤ 16:13

Bǎ Yôla Plò̌shǐ Běcǎ dǒ a dǔlè̌lṳ̌ ta̤tě̤ta̤mè̤̌ hèlò̤pě akhanu, a gǔ nè̌klè̌nè̌klò bǎ sî kû̌ lǒ̤bò ta̤tě̤ta̤mè̤̌ nutokhlǒ pě. A gǔ shôbǐǐlṳ̌ bǎ sî kû̌ a ta̤gènè̤ tûû̌nu mè̤̌tô̤̌. A gǔ shôbǐǐlṳ̌ bǎ sî pô̤̌ a ganǎ̤de hè dǒ Cǒmara a ô̌ nutokhlǒ pě. A gǔ dǔlè̌lṳ̌ bǎ sî kû̌ ta̤ dǒ a htûhtò̌ khôtô̤̌ nutokhlǒ pě.

Jowǎ̤ni̤ 7:22

Khûmṳ̂shě mǎnǎ sî kû̌, lǒ̤bò sî phû̌pwa̤khû tokhlǒnu sî bǎ dǔtṳ̌ abě a hî̌ dě sî dǔtṳ̌ lô̌khô abě bǎ lṳmṳ̌dǔ nutini̤. Kè̌ hî̌ dě pwa̤ dǒ a ma̤ wǐ numî̌, Khûmṳ̂shě mè̤̌tô̤̌. Sîphisîphu dǒ awǐnu tokhlǒ sahtò̌ ma̤wǐ pwǎ.

Jowǎ̤ni̤ 9:29

“Cǒmara hî̌bǎ kû̌ Khûmṳ̂shě dǒ awǐkha numî̌ pa sî̌ganǎ̤. Bǎbǎkǎlè kòyò hǒtôpwa̤, a ô̌ bǎtèhènu pa sî̌ganǎ̤bǎ tîkî̌꤮ tô̤̌.”

Pwa̤nophû̌ 13:32

“Khònò̤̌dě pa shôbǐǐ bǎ sî ta̤sǎlě̤we̤kè. Dě ta̤sǎlě̤we̤kè numî̌ Cǒmara olò̤ hto kû̌ paphipaphu dǒ awǐnukhanu tokhlǒ hǒ,

Pwa̤nophû̌ 2:30

Phidawi̤ mî̌ piwi̤pèshè tôpwa̤. Cǒmara olò̤ hto lû̌û kû̌ dǒ akhlilè akla tôpwa̤nu, Cǒmara gǔ no htû yǎ kû̌ khwǐ dǒ agûlǎ̤ pě numî̌, a sî̌ganǎ̤ pwǎ.

Pwa̤nophû̌ 28:23

Pô̤̌nudě asî hî̌ lû̌û alṳmṳ̌ni̤ dǒ a gǔ kè̌shǐ shěshu sô̌ kû̌ Khûpò̌lǔ dě bǎ asî hî̌ lû̌û nutini̤nu, Yǔdaphû̌ tokhlǒ hè lô̌khô bǎ Khûpò̌lǔ ô̌ tûû̌ hǐ nutômè akû, dě asî hè dû̌khlo kû̌ dǒ awǐkha nutôplǎ dě Khûpò̌lǔ sahtò̌ shôbǐǐlṳ̌ bǎ asî kû̌ Cǒmara ashiagǎ awe̤akè dě a khòlṳ̌ anǎ̤ dǒ lṳmṳ̌lî tǒ̤dǒ lṳmṳ̌khǐ pô̤̌khô asî gǔ yṳ̌ǎ Yeshǔ awe̤akè ayanudě, a jî̌pwǐ̤ shôbǐǐphlô bǎ asî kû̌ Khûmṳ̂shě a ta̤sû̌ta̤tòwò nutokhlǒ kû̌ piwi̤pèshè hî̌nǎ nutokhlǒ.

Pwa̤nophû̌ 3:21

Pô̤̌ Cǒmara ǐ sî̌ya nǎ hto kû̌ piwi̤pèshè aplò̌shǐ dǒwǐkha tokhlǒ kû̌ Yeshǔnu a tôbǎ ô̌ dǒ mǒkhû̌ tǒ̤dǒ Běcǎ Cǒmara ma̤sa bò sô̌ ta̤pṳ̂̌꤮ tocǒ akhanu pě.

Hebrǔ 11:18

Cǒmara hî̌ lû̌û kû̌, “He olò̤ kû̌ nakhlinalè tokhlǒnu a gǔ hèlò̤ tutṳ̌ dǒ KhûIsè̌ a ô̌ pě.” Bǎbǎkǎlè PhaAbraha ô̌ tîwî̌tòwò dǒ a gǔ lṳhtò̌ aphû̌khû dǒ a ô̌ pwǎ tôpwa̤ nô̤̌nu tôpwa̤.

Hebrǔ 11:2

Cǒmara htû̌sò̌htò̌ǐ kòyò dǒ꤮ nukha tokhlǒ mî̌ a ô̌ lô̌khô kû̌ ta̤yṳ̌ta̤nǎ̤ pô̤̌onu hǒ.

Hebrǔ 12:25

Pô̤̌nudě, pô̤̌khô sî gǔ htû kòyò dǒ a ganǎ̤de Cǒmara alě̤pwe̤htò̌ dě a htè̌shěshu Cǒmara nutokhlǒ tô̤̌nu, ô̌sè̌rè̌ lô̌khô sînǎ̤ nî̌꤮. Bǎ Isôrělaphû̌ tokhlǒ ganǎ̤de ta̤dǐsè̌rè̌ asî dǒ hǎkhû̌nu akhanu, asî ganǎ̤de lô̌khô lû̌ûyô̤̌ tô̤̌. Pô̤̌nudě a khlè̌ hǎplǎbò̌ lô̌khô kû̌ ta̤cî̌htò̌ tô̤̌. Kè̌ ma̤pô̤̌nudě kè̌ pa htè̌shěshu dǒ mǒkhû̌ nutôpwa̤ dǔlè̌lṳ̌ panu kè̌hî̌dě, gènè̤kè̌mò̌, sî khlè̌ hǎplǎ bò̌jò pe kû̌ Cǒmara a ta̤cî̌htò̌ tîkî̌꤮ nô̌tô̤̌hǒ.

Hebrǔ 2:2

Cǒmara ǐlò̤ paphipaphu dǒ awǐkha tokhlǒ ta̤we̤ta̤kè tôcǒ. Dě a hî̌bǎlò̤ tutṳ̌ kû̌ mǒkhû̌ tanaphû̌ tokhlǒ. Dě kòyò dǒ a ganǎ̤de ta̤we̤ta̤kè hǒtokhlǒnu, a bǎ ganǎ̤de gû̌ma̤ yǎ. Kòyò dǒ a ganǎ̤de gû̌ma̤ kû̌ kòyò tô̤̌ tokhlǒnu, Cǒmara cî̌htò̌ hto asî pô̤̌ a gwǎ kû̌ asî nuhǒ.

Hebrǔ 2:3

Pô̤̌nudě, khònò̤̌ pa kè̌ bè̤̌dubè̌nǎ̤ kû̌ kòyò ta̤ma̤hǎplǎge adû̌ayô̤̌nu tô̤̌ hî̌dě Cǒmara gǔ cî̌htò̌ mè̤̌mî̌ca pa pě. Cǒmara a ta̤ma̤hǎplǎge aklè̌aklònu, Běcǎ anǎ̤glǒ shôbǐǐlṳ̌ wǐ bǎ kòyò hǒ. Dě kòyò dǒ a ganǎ̤de lû̌û hî̌nu tokhlǒnu a shôbǐǐlṳ̌pô̤̌ bǎ tutṳ̌ pa kû̌ ta̤ma̤hǎplǎge ta̤we̤ta̤kè tokhlǒ numî̌ a mè̤̌mî̌ca pô̤̌nu.

Hebrǔ 3:5

Khûmṳ̂shě nî̌ acǒ kû̌ ata̤ma̤ dǒ Cǒmara a hǐphû̌phòphû̌ tokhlǒ aya, pô̤̌ pwa̤ma̤ta̤phû̌ tôpwa̤ nuhǒ. Dě Khûmûshě ta̤ma̤ tokhlǒnu, a dǔlè̌lṳ̌ ô̌nǎwǐ kè̌lû̌mò̌mṳ yǎ̤yô̤yǎ̤gî̌ ta̤tě̤ta̤mè̤̌ tokhlǒ dǒ Cǒmara gǔ dǔlè̌lṳ̌ kòyò dǒ nô̌kòpě tokhlǒ aya pě.

Hebrǔ 4:8

Khûyṳ̂shǔ sûnṳ̌ kòyò dǒ Khanagǎ kûnu, a kè̌ mè̤̌mî̌ca gǎ dǒ Cǒmara olò̤kè lǎ̤ô̌kǔ agûlǎ̤nu tôgǎ kè̌hî̌dě, Cǒmara hî̌khô̌ bǎ lṳmṳ̌ni̤ dǒ ashǔshawa̤ tôni̤ tôkhò̌꤮ tô̤̌.

Hebrǔ 5:5

Pô̤̌nudě, pô̤̌khô Khrǐ gǔ htû pwa̤shû̌gǎ ikǒdû̌lǒnu, a bè̌htò̌ tûû̌ anǎ̤ mè̤̌tô̤̌, a ma̤bwǐdû̌sîrîhtû tûû̌ anǎ̤ mè̤̌tô̤̌, Cǒmara bè̌htò̌ yǎ pwǎ. Dě Cǒmara hî̌ lû̌û kû̌, “Na mî̌ hephû̌pwa̤khû, khò̌tôni̤ dě, he htû napha hǒ,” a hî̌ lû̌û pô̤̌nu.

Hebrǔ 9:19

Bǎ Khûmṳ̂shě hî̌lṳ̌ bǎ htobò kòyò pṳ̂̌꤮ tôpwa̤ kû̌ lǒ̤bò Cǒmara mǎnǎ a ta̤sû̌ta̤tòwò tokhlǒ akhanu, a phî̌ pṳ̂̌phû̌ sî asǐ kû̌ pè̤̌ sî asǐ dě a toklosada kû̌ shi, htodě a phî̌ sû̌phû̌shǔalî̤ dě a bǒmě kû̌ sǒphò dǒ kòyò kaǎ kû̌ Hǐsû̌phòphû̌ nutôphò akhi dě a tishǐ kû̌ lî̤ dǒ kòyò wě̤ kû̌ Cǒmara a ta̤sû̌ta̤tòwò tôbǎ, htokhôtô̤̌ a tishǐ bò kû̌ kòyò pṳ̂̌꤮ tôpwa̤.