Mateus 10:2 - Etestemente Epe ✠ 1951

² Omadina ga mba omurongo na jaari ogo ngaa: Gotango oSimon, ngu a rukirue edina Petrus, nomumuahina Andreas.

Mateus 10:2 Iomraidhean Croise

Mateus 17:1

Omasiku kanekamue sho ga piti po, Jesus h’ota kuca Petrus na Jakobus na mumuahina Johannes, nde ta hi na jo ike kondundu onde.

Mateus 20:20

Po opue ja ku he hina haana ja Zebedeus naamati je, h’oti injongamene ku he, e mu indire tsha.

Mateus 26:37

Nde he ta zi po na Petrus naana ja Zebedeus, a shimbike okuponga nokumbandara.

Mateus 4:18

Ano Jesus, sho a hende komukunkuro guefuta rja Galilea, okua mono aamuahina jaari, Simon, ngu a rukua uo Petrus, na Andreas, omumuahina, taa humbire iijurico jauo mefuta, oshoka oja ri aajuri.

Mateus 4:21

Okuza mpoka, sho a hi komesho, okua mono ko aamuahina jaari ji iri, Jakobus, omumua Zebedeus, na Johannes omumuahina, taa haandeke iijurico jauo mosikepa puamue na she Zebedeus; h’ote ji icana.

Markus 1:29

Naangashiingika h’ota zi mo mosinagoga, nde ta hi nondjira hu ukirira puamue na Jakobus na Johannes maandja Petrus na Andreas.

Markus 13:3

Sho a kaatumba kondundu heemono, a taarera kontempeli, Petrus na Jakobus na Johannes na Andreas oje mu pura oj’ike, taa ti:

Markus 6:30

Aapostoli oji igongere pu Jesus, nde taa hepurura atshishe shi ja ninga na shi jo onga.

Lukas 11:49

Ano uunongo ua Karunga oua popja shii: Ote ka tuma aaprofeti naapostoli ku jo, nde taa ka dipaga jamue jo mu jo nokutidagura aakuauo.

Lukas 22:14

Erara sho rje ke ja, h’ota kaatumba, na mbeja omurongo na jaari na he.

Lukas 22:8

He ta tumu Petrus na Johannes, ta ti: Indeni mu ke tu rongikidire onzigona ha Paska, tu hi rje.

Lukas 5:10

Tsh’otsho uo Jakobus na Johannes, aana ja Zebedeus mba ja ri aakuaci ja Simon. Nde Jesus ta rombuere Simon: Ino tira, kongashiingika oto ka jura aantu.

Lukas 9:10

Aapostoli oja garuka, nde taa hepururire Jesus atshishe shi ja ronga. H’ote ja njangura po, nde ta hi na jo konima ku iri, ro ku Betania.

Johannes 12:22

Filipus ta hi, te tshi rombuere Andreas, Andreas itshee na Filipus taa tshi rombuere Jesus.

Johannes 13:23

Gumue guo maarongua je a ri a hegama konturo ha Jesus kotshiriro; ohe Jesus ngu a ri e horerere.

Johannes 20:2

Ta matuka, ta hi ku Petrus no komurongua, ngu Jesus a ri e hore, nde ta ti ku jo: Muene oje mu kuca mo mombira, nde katu tshi, mpa je mu tura.

Johannes 21:2

Simon Petrus na Tomas, ngu ti icanua uo Omukuanambuju, na Natanael guo mu Kana tsha Galilea, naana Zebedeus naarongua je jaari ji iri jo je ja mumue.

Johannes 21:20

Nde Petrus ta punguruka, ta mono omurongua ta randura ko, ngu Jesus a ri e mu ore, ngu a ri uo i igameka ponturo he puurarero, h’ota pura: Muene, ore te ke ku orora?

Johannes 21:24

Omurongua nguno, ngu te tsho okorora, h’e tshi tshanga, sse otu tshi, nokutja ehokororo rje orjotshiri.

Johannes 6:67

Jesus ta rombuere nduno mbeja omurongo na jaari: Na ne uo omua ara mu cige ndje po?

Johannes 6:70

Jesus h’ote ja jamukura, ta ti: Inandi ogorora nani omurongo na jaari, ndere gumue mokati keni osatana?

Johannes 6:71

He ta popi Judas Iskariot, omumua Simon; oshoka ngu one ke mu orora, nande a ri gumue gua mbeja omurongo na jaari.

Johannes 6:8

Gumue po guo maarongua je, Andreas, omumuahina gua Simon Petrus, ta ti ku he:

Iironga 1:13

Sho ja ciki ko, oja hi motshoto tshokombanda, muka haa kara: Petrus na Johannes, Jakobus na Andreas, Filippus na Tomas, Bartolomeus na Mateus, Jakobus ha Alfeus, Simon Tselotes na Judas ngu mumuahina gua Jakobus.

Iironga 1:26

Okuza mpoka oj’umbu iihogororico. Nde otshogororico tsha tsu Matias. Ohe a jarurirua maapostoli omurongo na gumue.

Iironga 12:2

Okua dipagica Jakobus omumuahina gua Johannes negongamuere.

Iironga 3:1

Petrus na Johannes oja rondo ja hi motempeli mostunde ontimugoji kegarikano.

1 Kaakorinti 15:7

Oku’orokere itsheue Jakobus, te ja t’orokere aapostoli ajeshe.

Kaaefesi 4:11

Tsh’otsho a hucira jamue ja ninge aapostoli, jamue ja ninge aaprofeti, jakuauo itshee ja ninge aahuvici jevangelium, nenge aasita naarongi.

Kaahebrei 3:1

Ano nduno jamuameme aajapuki oonakuniue kehicano rjomeguru, tareni Jesus omutumua h’omupristeri omunene, ngu tua iteera.

1 Petrus 1:1

Petrus, omuapostoli gua Jesus Kristus, kaakuiirongo aahogororua mba ja sharakana mu Pontus, Galatia, Kapadokia, Asia na Bitinia.

2 Petrus 1:1

Simon Petrus, omupija h’omuapostoli gua Jesus Kristus, ku mboka ja mon’ehiteero rimue, ndi orjetu uo, moru’uujuki ua Karunga nomukuriri guetu Jesus Kristus.

2 Johannes 1:1

Omukuruntu, komukiintu omuhogororua nojana, mboka ndi ore tshiri, ha ngaje ike, ajeshe uo mba je tshi otshiri,

3 Johannes 1:1

Omukuruntu ku Gajus omuhorike, ngaje ndi mu ore motshiri.

Ehororo 1:1

Ehororo ndika orja Jesus Kristus, Karunga e ri mu pere, e rje epururire aapija je, nokutja ajishe, mbi taji ka ningua masiku; okue je epururire omupija gue Johannes nokumutumina omujengeli.

Ehororo 1:9

Ngaje, Johannes, mumuanjoko, ngaje mukueni miishuna no muukuaniirua no mehididimikiro mu Jesus Kristus, onda ri mokarongo mokati kefuta, ki icanua Patmos, moru eehapu da Karunga no moru ehokororo rja Jesus Kristus.

Ehororo 18:20

Gu rigorera, ’guru nguee, na ne aapostoli naaprofeti aajapuki, oshoka Karunga okua guanica mu guo epanguro morueni.

Ehororo 22:8

Ngaje, Johannes, ongaje ngu nde tshu uva, nga’nde tshi mona shoka. Nde sho nde tshu uva nonde tshi mona, ondi isizimika keempadi domujengeli, ngu a hurukira ndje shoka, ndi mu amberere.