Lukas 9:41 - Etestemente Epe ✠ 1951

⁴¹ Jesus ta jamukura, ta ti: Rudi nguee karu nehiteero, ruo rua pirarara, sig’unake te kara pu ne, ndi mu tar’onteni? Eta omumuohe hu ku ngaje.

Lukas 9:41 Iomraidhean Croise

Mateus 11:28

Ireni ku ngaje amushe, mbo mua pjakidirua, ne mu umbatekua uudigu, nde ngaje otii mu tarareke.

Mateus 12:39

Ndere he ta jamukura ta ti: Orudi oruineji rua nik’ehondero, otaru kongo edidiriko, ndere itari ru ningirua, shira edidiriko ndija rja Jona omuprofeti.

Mateus 12:45

Nde tahi hi, ho otahi icana eembepo eembuineji uunuaari di iri, di hi vure, do otadi hi mo nokukara mo, nde iinima joshugunina jomuntu ngu otaji ningi iihineji ji vure po mbijaka jotango. Otsho tatshi ningirua orudi nduka oruineji.

Mateus 16:4

Omadidiriko go keguru omu tshi okugatokora, ndere omadidiriko gecimbo kamu ga tshi nani? Orudi ndu oruineji ruo oruaageri otaru kongo edidiriko, ndere itaru mono rimue, shira orja Jona omuprofeti ike. H’ote ja cigi po, nde ta hi.

Mateus 17:17

He Jesus ta ti: Rudi orupagani rua pirika ne, sig’ unake te kara pu ne? Sig’unake andi mu tar’onteni? Mu eteni hu ku ngaje!

Mateus 23:36

Tshiri, otii mu rombuere, ajishe mbi otaji ke ja kombanda horuvaro nduka.

Mateus 3:7

Ndere sho a mono, aafariseji ojendji naasaduseji oje ja ku he ja ka tshatshue, okua ti ku jo: Jana jomafu ne, ore e mu ronga okuijageka ondjashi ndji tahi ke ja?

Markus 10:14

Jesus h’ote tshi mono, ta geje nokuri, nde ta ti ku jo: Eceni uunona u je ku ngaje, inamu u kerera, oshoka otshirongo tsha Karunga otsha mbuka.

Markus 10:49

Jesus h’ota cikama, te ja rombuere je mu icane. Jo taa hicana omuposi, nde taa ti ku he: Ikorerera, cikama, ote ku icana.

Markus 9:19

Jo oje mu eta po. Nd’ombepo ombuineji sho ha mono omumati, ohe mu shiragura, ngu ti ishata poshi, nde ta garangata, etutu tari zi mokana.

Lukas 8:25

He ta ti ku jo: Ehiteero rjeni orii ri peni? Ndere oja tiririra, ja kumua ko, jo taa puracana: Ore ngu, sho ta rombuer’ike ombepo nefuta, nde ji nevuriko ku he?

Lukas 9:40

Ondi indirire aarongua johe, je hi tide mo, ndere oja njengua.

Lukas 9:42

Manka te ja po, ombepo ombuineji otahi mu shata po, ho tahi mu tanene.

Johannes 14:9

Jesus ta jamukura mo: Orure nda ri pu ne, ndere nanena inamu dimburura ndje? Filipus, ngu e uete ndje, na Tate oku mu uete. Oto ti ngiini ano: Tu urukira Sho?

Johannes 20:27

Nde ta rombuere Tomas: Tura mo nduno omunue guohe, nguee to tara omake gandje. Eta eke rjohe hu, nde to ri tura morupati ruandje, nguee ku kare ue inu iteera, aaue, iteera nduno.

Iironga 13:18

Erara ri cike peemvo eemrongo ine oku’ididimikire eemkaro dauo mombuga.

Iironga 2:40

Oneehapu odindji do diiri e ja okororera, he te ja kumagida a ti: “Inamu tinda, opo mu upicue mo moruvaro nduka rua pirarara.”

Kaaroma 2:4

Nenge oto dini ano uujamba u’uuhanaua, u’ondjeerera no u’onteni he? Ku tshi tshi nani, nokutja ondjeerera ha Karunga oha ar’oku ku fara kehidirururo?

Kaahebrei 3:19

Otsho tue ja dimbururira nokutja itaa hi mo, oshoka inaa hiteera.

Kaahebrei 4:11

Tu enderereni ano sse tu he mevururuko ndika, opo kapu kare gumue ta pukicua kotshoorerua tsha mboka inaa hiteera.

Kaahebrei 4:2

Nasse uo otua uvicirua omarombuerero ngashi mbejaka. Ndere mboka inaa mon’oruporo mohapu ndji j’uvire, oshoka okuuva kuauo inaku guanekua nokuiteera.

Kaahebrei 7:25

Otsho ta vuru okuupica arushe mbeja taa hengene ku Karunga, oshoka oku nomuenjo arushe, opo e tu indirire.