Lukas 8:24 - Etestemente Epe ✠ 1951

²⁴ Jo taa hi ku he, taa mu pendura, taa ti ku he: Muongi, otatu ningine mo. H’ota cikama, ta ganda ombepo nomakucikuci, nde taga rotere, go ga muena.

Lukas 8:24 Iomraidhean Croise

Mateus 14:30

Ndere sho a huvu ombepo onene, okua tira, nde ta tameke okuningina, h’oti igida, ta ti: Muene, hupica ndje.

Mateus 8:25

Nena aarongua oje ja ku he, taa mu pendura, jo taa ti: Muene, tu upica, otatu ningine mo.

Markus 4:39

H’ota penduka, ta ganda ombepo, nde ta ti kefuta: Muena, nguee rota. Ombepo oha rota, nde tahi muena.

Lukas 4:35

Jesus h’ota ganda ombepo, ta ti: Muena, nde to zi mo mu he. Nd’ombepo ombuineji ahi mu ekere poshi mpa, nde tahi zi mo mu he, inahi mu monica otshiponga.

Lukas 4:39

H’ote mu njongamene, ta ganda omukici, guo gue mu cigi po nokuri; nde ta penduka e ja jakure.

Lukas 5:5

Simon he ta jamukura, ta ti: Muongi, ss’otua ronga uusiku aushe, ndere inata kuata tsha. Ndere otshijurico otii tshu umbire mo keehapu dohe.

Lukas 8:25

He ta ti ku jo: Ehiteero rjeni orii ri peni? Ndere oja tiririra, ja kumua ko, jo taa puracana: Ore ngu, sho ta rombuer’ike ombepo nefuta, nde ji nevuriko ku he?