Lukas 8:13 - Etestemente Epe ✠ 1951

¹³ Do puukukutu oda mba taa tuumba ohapu nenjanju, nge taa hi uvu, ndere kaa neemudi. Ano otaa hiteere ouara okacimbo, ndere perara rjemakero taa punduka.

Lukas 8:13 Iomraidhean Croise

Markus 6:20

Oshoka Herodes okua tira Johannes, he kue mu dimburura, nokutja h’omuntu e nehuko nuujapuki, otsho e mu gamene, norundji nge e mu puakene, okui iteere, na he muene okua ara okumuuva.

Lukas 8:12

Do mondjira oda mba taa di uvu, nde satana te ja, a kuce eehapu meemutima dauo, opo kaa hiteere, jo kaa hupicue.

Lukas 8:14

Di da guire momano, oda mba ja puakena ngaa, nde taa hi, mokuha taa pondua kiimpuju, kuujamba, kuuharu uujuni, jo itaa tiriganeke iihimati nandookuri.

Johannes 15:2

Keshe otshitaji mu ngaje, shi itatshi imike iihimati, ote tshi tete ko, ndere shi tatshi imike iihimati, ote tshi jereke, opo tshe ete iihimati ji vure po.

Johannes 15:6

Ng’omuntu ita kara mu ngaje, ote ekeruashi kondje a f’otshitaji, nde ta ganja, he ta toorua, tu umbirua momuriro, nde ta pi.

Johannes 5:35

Nguija okua ri onjeka ha tema, ho tahi minikire, ne mua arere okudanica uujerere ue okacimbo okatshona.

1 Kaakorinti 13:2

Nanto ndi kare negano rjokushunganeka, ngaje nda koneka iihorekua ajishe, ndi kare nokutshiua akushe; nanto ndi nehiteero rja guana okudikura eendundu ndere ki n’ohore, nena ngaje otshinima tshouara.

1 Kaakorinti 15:2

Omu rjo tamu ka mona ehupico, nge amu ri diginine, ngashi ngaje nde ri mu uvicira, nenge mua tuumba ehiteero rjeni ouara.

Kaagalati 3:1

Jagalati, jecece ne, ore nduno a pirika eendunge deni, ne inamu vurika ue kotshiri, nanto mua uvicirua Jesus Kristus, a fa a harerua komutshigakano miipaci jeni?

Kaagalati 3:4

Ne omua umbata ouara ano uudigu ueni aushe? Ando okua ouara!

Kaaefesi 3:17

Kristus, opo a kare meemuenjo deni moru’ehiteero, ne mua tsama mua dikika mohore.

Kaakolossi 1:23

Ndere omu nokukara mua tsama, mua kora mehiteero. Inamu tengatenga metegerero rjevangelium. Omue ri uva. Orj’uvicirua aatshitua ajeshe jokoshi heguru. Ongaje Paulus omupija guarjo.

Kaakolossi 2:7

Mua tsama, mua dikua mu he, mua korerera mehiteero ngashi mua rongua, ne inamu zimbuka okupandura.

1 Kaatessaloniki 3:5

Otsho ngaje sho nda ri nda njengerua okutega, onda tuma ko ndi tshiuicirue ehiteero rjeni, na nge mua makerua komumakeri, na nge tua ronga ouara.

1 Timoteus 1:19

Ngueje u kare nehiteero, nehuvo ehanaua rjomutima, rja kanicua ku jamue, mba j’iteka ehiteero.

Kaahebrei 10:39

Ndere sse katu shi aana mba haa tshuna monima, aaue omboka jehiteero kerikoro rjomuenjo.

Jakobus 2:26

Oshoka orutu karu nomuenjo orua sa, otsho ehiteero orja sa nge kari niironga.

2 Petrus 2:20

Oshoka mba ja cigi po uuhineji u’uurunde, sho ja tshiua Muene nomukuriri guetu Jesus Kristus, ndere taa kuatua itsheue ku uo nde taa sindua, nena iinima ja shugunina otaji ningi iihineji pu jo, ji vure mbi jotango.

2 Petrus 2:22

Ohapu homeere gotshiri oha tsa pu jo: “Ombua otahi ri onkungo haho” na itsheue “Otshinguru shi tsha koshua, otatshi garangata menono.”

1 Johannes 2:19

Jo oja zire mu sse, ndere kaja ri jakuetu. Ngeno okua ja ri jakuetu, ando ja kara uo puamue na sse. Ndere mu jo omua oroka nokutja ha ajeshe oojakuetu.

Judas 1:12

Jo onigi hopiituci jauo johore. Inaa soshoni merumbo rjauo, otaji irondora jo jene. Oja f’iikogo kaji nomeja, taji teraganicua k’ombepo, oja f’eemti domokufu, da kuka, da sa ruaari, da tudua mo.