Lukas 7:37 - Etestemente Epe ✠ 1951

³⁷ Nde tara, omukiintu, ngu a tshiuika momukunda, anuua ohe omurunde, a huvu, nokutja Jesus okua kaatumba megumbo rjomufariseji potshiriro, te eta otshijuma tshalabastera, mu nomagadi gokuguaja.

Lukas 7:37 Iomraidhean Croise

Mateus 21:31

Oguni po a ronga eharo rja she pu mbano jaari? Jo otaa ti: Ohe ngu goshugunina. Jesus h’ote ja rombuere Aafenderi naakiintu aahonderi onaa hi motshirongo tsha Karunga komesho geni.

Lukas 18:13

Ndere omufenderi okua cikama e ri kokure, iti itsica nande a rigamenice omesho ge geguru, unene okui idengere ponturo, he ta ti: Karunga, sira ndje oshenda, ngaje omunandjo.

Lukas 19:7

Mba je tshi mono, ajeshe jo taa ngungutura, taa ti: A ha megumbo rjomunandjo.

Lukas 5:30

Mpaka aafariseji naanongo jomambo taa ngungutura jo taa pura aarongua je: Otshike nduno omuongi gueni ta rire puamue naafenderi naarunde?

Lukas 5:32

Inandi ja ndi icane mba ju uka, aaue, aarunde tuu kehidirururo.

Lukas 7:34

Omuna guOmuntu okue ja, he ta ri, he ta nu, ndere tamu ti: tareni omuntu ngu oha diragura, he ha korua komavinju, he okuume kaafenderi no kaarunde.

Lukas 7:36

Gumue guo maafariseji h’ote mu indire, a ka rje na he; ano ta hi megumbo rjomufariseji, nde ta kaatumba potshiriro.

Johannes 11:2

Maria ohe ngu, ngu a gueekere Muene nomagadi giizimba, nde ta ceta po eempadi de nomafufu guomutse gue. H’omumuahina Lazarus okua ta arukua.

Johannes 9:24

Jo taa hicana nduno itshee omuntu ngu a ri omuposi, nde taa mu pura: Simaneka Karunga! Ss’otu tshi, nokutja omuntu nguka omunandjo.

Johannes 9:31

Ss’otu tshi, nokutja Karunga ki iteera aanandjo, ndere ohi iteere ajeshe, mba taa karere Karunga, jo taa rongo eharo rje.

Kaaroma 5:8

Ndere Karunga oku’orora ohore he hoku tu ora mu Kristus, ngu e tu sira manka sse tua ri aarunde.

1 Timoteus 1:15

Ohapu ohi notshiri, ho h’opara h’iteerue nokutja Jesus Kristus okue ja muujuni uetu, he a hupice aarunde. Mokati kauo ngaje omutango.

1 Timoteus 1:9

Omu nokudimburukua naua nokutja ompango inahi gandjerua aajuki, aaue, oha gandjua morua mboka kaa nuujuki, aashumi, mba haa dini Karunga, aarunde, mba je neemkaro eemhineji, ja nigirikua kuuhineji, aadipagi ja she no ja hina, jo aadipagi ja jarue.

1 Petrus 4:18

Omujuki nge t’upicua konjara, nena ngoka ke na Karunga, omurunde ota kara peni?