Lukas 5:32 - Etestemente Epe ✠ 1951

³² Inandi ja ndi icane mba ju uka, aaue, aarunde tuu kehidirururo.

Lukas 5:32 Iomraidhean Croise

Mateus 18:10

Diginineni ano, kamu dine po kamue puunuunu mbu, oshoka andi mu rombuere: Aajengeli jauo oje uete uunarushe otshipara tsha Tate, ngu e ri meguru.

Mateus 9:13

Indeni ano mu ihonge shi tsha tja: Esiroshenda nda ara, ha magano, oshoka inandi ja okuicana mba ju uka, aaue, aarunde tuu.

Markus 15:10

Oshoka okua ri e tshi naua, nokutja aapristeri aakuruntu oje mu eta mepanguro moru ondumbo.

Markus 15:7

Esiku ndija okua ri gumue, edina rje Barabas, a ri a kuatua puamue naantu, mba ja ninga edunguuko, nde mevundakano ja dipaga omuntu.

Markus 2:17

Jesus te tshu uvu uo, nde ta ti ku jo: Ha kutja mba ja kora ja pumbua omupangi, aaue, aavu ike, oshoka ngaje inandi ja ndi icane aanehuko, aaue, aarunde ike.

Lukas 15:10

Otsho, andi mu rombuere, napu kare enjanju paajengeli ja Karunga moru omurunde gumuike, ngu i igarura.

Lukas 15:7

Andi mu rombuere: Otsho tuu enjanju nari kare meguru okunjanjukirua omurunde gumue, ngu i igarura, ri vure enjanju rjokunjanjukirua mba ju uka eemurongo omugoji nomugoji, mb’inaa pumbua egaruro.

Lukas 19:10

Oshoka Omuna guOmuntu okue ja okukonga h’a ningice erago shi tsha kana.

Lukas 24:47

Omazimo ageshe opo gu uvicirue ehidirururo nedirururo nediminopo rjeendjo medina rjandje, nokushimbika mu Jerusalem.

Lukas 5:31

Jesus ta jamukura: Ha mba ja kora, ojo ja pumbua omupangi, aaue, oombo tuu taa arukua.

Lukas 5:33

Jo taa mu pura uo: Otshike aarongua ja Johannes taj’idirike iikurja orundji, jo taa garikana uo, tsh’otsho tuu uo aarongua jaafariseji, ndere aarongua johe taa ri, jo taa nu?

Iironga 17:30

Tshiri Karunga oku’ididimikire omacimbo ngaka guusama. Nedere nena ota rombuere aantu nokutja oje nokuidirurura ajeshejeshe napeshepeshe.

Iironga 2:38

Nde Petrus te ja rombuere: “Idirurureni, keshe gumue mokati keni, n’itshatshicire medina rja Jesus Kristus kediminopo rjeendjo deni. Ne tamu ka peua omagano g’Ombepo Ondjapuki.

Iironga 20:21

Onda kumagida aajuda naapagani, jo j’idirurure ku Karunga, j’iteere Muene guetu Jesus Kristus.

Iironga 3:19

Ano nduno idirurureni, ne mu tshune ku Karunga, opo eendjo deni di dimue po.

Iironga 3:26

One mua tuminua tango ku Karunga Omona gue, ngu e mu jumuda. He e mu jambeke, opo keshe gumue n’idirurure kuuhineji ue.”

Iironga 5:31

Ngu Karunga a renga korurjo rue, a ninga omureri h’omukuriri, opo a pe Israel ehidirururo nediminopo rjeendjo.

2 Petrus 3:9

Muene ita suunje kuguanica omarombuerero ge, ngashi jamue haa diradira. Aaue, okue mu tar’onteni. Ina ara ekano, aaue, ehidirururo rjajeshe.