Lukas 5:22 - Etestemente Epe ✠ 1951

²² Nde Jesus ta dimburura omadiradiro gauo, he ta jamukura, ta ti: Otamu diradira tshike meemuenjo deni?

Lukas 5:22 Iomraidhean Croise

Mateus 12:15

Jesus okue tshi dimburura, he ta zi po mpoka, nde ojendji taa mu randura, he te je erukica ajeshe.

Mateus 12:25

Jesus ta dimburura omadiradiro gauo, nde ta ti ku jo: Keshe tuu otshirongo tshi inena ondumbo tshojene, otatshi shanagurua, nomukunda negumbo tuu keshe ri inena ondumbo rjojene, itari kara po.

Mateus 9:4

Jesus oku uete omadiradiro gauo, nde ta ti: Otshike tamu diradira uuhineji meemutima deni?

Markus 8:17

Nde Jesus ta dimburura shi, he ta ti ku jo: Otshike tamu idiradira shi, sho kamu neemboroto? Nanena inamu kotoka, ne kamu neendunge natango? Natango eemuenjo deni oda kukuta?

Lukas 24:38

Nde Jesus h’otsho ta ti: Otshike ngaa mua mbandara, notshike meemuenjo deni tamu tuumb’omadiradiro ga tja ngaaka?

Lukas 5:21

Aanongo jomambo naafariseji ja tameke okuipopira, taa ti: Ore ngu, sho ta tsheke Karunga? Ore ta vuru okudimina po eendjo, ndi tshi, oKarunga ike?

Lukas 5:23

Otshipu otshiini, okutja: Eendjo dohe oto di diminua po nenge okutja: cikama u ende?

Iironga 5:3

Ndere Petrus ta ti: “Ananias, otshike nduno omusatana a makera omutima guohe u tshendjereke Ombepo Ondjapuki nokuoreka iimariva jimue jepja?.

Kaahebrei 4:12

Oshoka ohapu ha Karunga ohi nomuenjo neenkondo, hi nomeego hi vure omuere gueengenge mbari, tahi ururu kujoorora omuenjo nombepo neemongo neengoro, tahi pangura omadiradiro nomaharo gomuenjo.

Ehororo 2:23

Nojana otii ja dipaga nepanguro rjokusa, opo omagongaro ageshe ga tshiue, nokutja ngaje onda konakona eemutima niitijanacigo. Ngaje andi ka futa keshe mokati keni tshi cike piironga je.