Lukas 3:8 - Etestemente Epe ✠ 1951

⁸ Eteni iihimati jo oparera ehidirururo. Inamu tja: Otu na Abraham otate, oshoka ngaje otii mu rombuere: Karunga ota vuru okupendurira Abraham ojana momamanja ngaka.

Lukas 3:8 Iomraidhean Croise

Mateus 21:43

Ano andi mu rombuere: Otshirongo tsha Karunga onatshi kucua ko ku ne, nde tatshi peua aantu ji iri, mba taa tiriganeke iihimati jauo.

Mateus 3:8

Eteni ano iihimati jo oparera ehigaruro.

Mateus 3:9

Kamu noruporo mu ipopire: Otu na Abraham otate? Ngaje andi mu rombuere: Karunga ota vuru okupendurira Abraham ojana meenkuuege dika.

Lukas 13:25

Muene guegumbo nge a pita mo, ota ke edira po omueero, nde ne tamu ka cikama pondje, tamu tameke okukonkora pomeero nokuigida: Muene, tu egurura. Ndere te ke mu rombuera: Kandi tshi mpo mua zi.

Lukas 13:26

Ne otamu ka tameka okupopja: Sse oombo, mba tua rire, sse tua nuine miipaci johe, nguee muene oue tu ronga meendjira detu.

Lukas 14:9

Ngu e mu icana amushe jaari, ngeno te ja e ku rombuere: Engena po u pe nguno otshipundi shi. Nde nguee to ka kaatumba keesha ua s’oshoni.

Lukas 19:40

He ta ti ku jo: Andi mu rombuere, mbono nge taa muena, omamanja ogo tagi igida.

Lukas 19:9

Nde Jesus ta ti ku he: Nena ndjika egumbo ndika orje eterua ehupico, oshoka muene guarjo na he uo omumua Abraham.

Lukas 5:21

Aanongo jomambo naafariseji ja tameke okuipopira, taa ti: Ore ngu, sho ta tsheke Karunga? Ore ta vuru okudimina po eendjo, ndi tshi, oKarunga ike?

Johannes 8:33

Jo taa jamukura mo: Sse aanona ja Abraham, sse katua ri nande aapija jomuntu. Oto ti ngiini ano: Otamu ka mangururua mo?

Johannes 8:39

Jo taa jamukura mo: Abraham ohe tate. Jesus ti i mo: Ne ng’aanona ja Abraham, ningeni nduno uo iironga ja Abraham.

Iironga 26:20

Aaue, ond’uvicire tango mboka jomu Damaskus no mu Jerusalem no motshirongo atshishe tsha Judea. Okuza hoka ond’uvicire aapagani, jo j’idirurure, ja tshune ku Karunga, ja ninge iironga jehidirururo rjotshiri.

Kaaroma 4:16

Ano omoru’ehiteero, nokutja okesiroshenda. Otsho omarombuerero oga tsa poruvaro arushe, ha mboka ike jomompango, aaue, ha mboka uo jomehiteero rja Abraham, h’otate hetu atushe.

Kaaroma 9:7

Otsho uo oruvaro rua Abraham kaje shi ajeshejeshe aana je. Otsha tiua: Mba ja zi mu Isak, ojo taa rukua oruvaro ruohe.

Kaafilippi 1:11

Mu’uda iihimati juujuki, j’imicua ku Jesus Kristus kesimaneko no kehamberero rja Karunga.