Lukas 3:16 - Etestemente Epe ✠ 1951

¹⁶ Johannes ta jamukura ajeshe, ta ti: Ngaje otandi mu tshatsha ngaa nomeja, ndere taku zi gumue, ngu e vure ndje inandi ereka okuditura nando eemuja deengaku de; ngu te ke mu tshatsha nOmbepo Ondjapuki nomuriro.

Lukas 3:16 Iomraidhean Croise

Mateus 3:11

Tshiri, ngaje otandi mu tshatsh’ike nomeja kehigaruro, ndere ngu te ja konima handje, oku neenkondo e vure ndje, ngaje inandi opara ndi zare eengaku de, ngu ote ke mu tshatsha nOmbepo Ondjapuki nomuriro.

Mateus 3:12

Oku noruuouoro meke rje, he ta jereke otshipare tshe; iirja je te ji pungura momashisha, ndere ota ka fika etutu momuriro kagu dima.

Johannes 1:26

Johannes te ja jamukura, ta ti: Andi tshatsha nomeja, ndere mokati keni omua cikama gumue, ngu kamu mu tshi.

Johannes 1:27

Ohe tuu, ngu ta randura ndje, ohe ngu a ri komesho gandje, ngaje inande ereka okuditura nand’omunja guorukaku rue.

Johannes 1:33

Kanda ri ndi mu tshi; ndere ngu a tuma ndje okutshatsha nomeja, ohe a rombuera ndje: One ka mona Ombepo ahi zi meguru, ho tahi mu tenene, ohe ngu ta tshatsha nOmbepo Ondjapuki.

Johannes 7:38

Ngu a hiteera ndje, meni rje tamu zi, ngashi pua tshangua, eemuronga domeja ge nomuenjo.

Iironga 1:5

Oshoka Johannes okua tshatsha nomeja. Ndere ne otamu ka tshatshua n’Ombepo Ondjapuki omasiku omatshona nge ga piti.”

Iironga 10:44

Manka Petrus a popi eehapu doka, ajeshe mba j’uvu ehuvico ndika, ja kurukirua k’Ombepo Ondjapuki.

Iironga 2:33

Okuza mpoka okua rengua, he ta kaatumba korurjo rua Karunga, he ta tire Ombepo Ondjapuki, ndji e hi mu rombuerua ku She, ndji mua mona no mua uva.

1 Kaakorinti 12:13

Oshoka metshatsho sse atushe, aajuda naapagani, aapika naavarua, otua ningi tua f’orutu rumue moru’Ombepo himue.