Lukas 3:11 - Etestemente Epe ✠ 1951

¹¹ H’ota jamukura ta ti ku jo: Ngu e neenguuo mbaari, na pe himue ngu ke na, na ngu e neendia, na ninge ngaatshikuauo.

Lukas 3:11 Iomraidhean Croise

Mateus 25:40

H’omukuaniirua one ja jamukura: Tshiri, andi mu rombuere, shi mua ningirire gumue po paamuameme mba aanuunuka, ongaje mue tshi ningira.

Lukas 11:41

Gandjeni ike omagano ga za mu mbi ju upa ko, nd’ajishejishe taji kara ku ne ja jera.

Lukas 18:22

Jesus a pupa ko, nde ta ti: Ou na po tshimue, katshi po nanena: Ka randica po atshishe shi u na, nde to tshi paacigona, opo to kara u neriko meguru, nguee to garuka u randure ndje.

Lukas 19:8

Ndere Zakeus okua hi komesho ga Jesus, nde ta ti: Muene, iinima jandje ajishe otandi topora pokati, ndi p’aacigona otshitata, ndere ng’onda kengerera omuntu, andi tshi mu tshunicire rune.

Johannes 13:29

Jamue oja ruka, oshoka Judas okua ri e nokapunda, ngeno Jesus e mu rombuere: Inda, u ka rande shi tua pumbua kotshituci, nenge na pere aacigona.

Iironga 10:2

H’okua ri omurumentu omujuki, a tira Karunga, he muene nondjugo he ahishe, a kuaca orundji aacigona, he a garikana Karunga nuudiginini.

Iironga 10:31

Ta ti: ‘Kornelius, egarikano rjohe orj’uvika, niikuaca johe oja dimburukiua motshipara tsha Karunga.

Iironga 10:4

Okua rigamene ku he, ta kuatua ketiro ta ti: “Muene otshitshee?” Ndere omujengeli okua ti ku he: “Omagarikano gohe niikuaca johe oja farua kotshipara tsha Karunga ng’omagano.

Kaaefesi 4:28

Omufuci ka jake ue, aaue, na ronge. Niironga jomake ge n’irongere eriko ehanaua, opo a kare e na tsha tshokukuaca ngu a hepa.

1 Timoteus 6:17

Rombuera aajamba jomuujuni mbuka, jo kaa hor’uuntsa, kaa hiture muujamba mbu itau vuru okuinekerua, aaue, omu Karunga omunamuenjo, ngu te tu pe iiparuca ojindji.

1 Timoteus 6:18

Ja ronge uuhanaua, ja ninge aajamba miironga iihanaua, ja gandje ja topore nenjanju meriko rjauo.

Kaahebrei 6:10

Oshoka Karunga ke shi ngoka ke nuujuki, ngu ta dimbua iironga jeni nohore heni ndji mua orora medina rje, sho mua kuacere ne amu kuaca nanena aajapuki.

Jakobus 1:27

Erongerokarunga rja jera, rjo kari nonjata kotshipara tsha Karunga Tate orjo ndika: okutarera po eecigua naaserekadi muudigu uauo, nokuikerera konjata huujuni mbuka.

Jakobus 2:14

Otatshi kuaca tshike jamuameme, nge ku na gumue ta ti: ondi iteera, ndere ke niironga? Ehiteero otari vuru oku mu upica?

1 Johannes 3:17

Nge ku na ngoka e nuujamba u’uujuni mbuka, ta mon’omumuahina e neendjepo, he te mu kukutikire omuenjo gue, ohore ha Karunga otahi kara mu he ngiini?

1 Johannes 4:20

Nge ku na ngoka ta ti: “Ondi ore Karunga” he oha tondo mumuahina, ohe omuniirombo. Oshoka ngoka ke ore mumuahina ngu e uete, ota vuru ngiini kuora Karunga ngu ke uete?