Lukas 24:39 - Etestemente Epe ✠ 1951

³⁹ Tareni omake neempadi dandje; ongaj’erera muene. Njaangidii ndj’itare, ne mu imonene po, oshoka ombepo kahi no njama nomasipa, ngashi ne mu uete ndi ga na.

Lukas 24:39 Iomraidhean Croise

Lukas 23:46

Jesus h’oti igida neui enene: Tate, omuenjo guandje otandi gu ecere meenjara dohe. Mokupopja eehapu di nokua si.

Lukas 24:38

Nde Jesus h’otsho ta ti: Otshike ngaa mua mbandara, notshike meemuenjo deni tamu tuumb’omadiradiro ga tja ngaaka?

Lukas 24:40

Sho e tshi popi shino, h’ote ju urukire omake ge neempadi de.

Johannes 20:20

Sho e tshi tja, okue ju urukire omake norupati. Aarongua jo ja njanjukua nokuri, sho ja mono Jesus.

Johannes 20:25

Aarongua aakuauo jo taa mu rombuere, taa ti: Sse otua mona Muene. Nde he ta ti ku jo: Mank’inandi mona momake ge otshiraro tsheembosha, ine tura omunue guandje miiraro jeembosha, ngaje ine tura eke rjandje morupati rue, inandi iteera.

Johannes 20:27

Nde ta rombuere Tomas: Tura mo nduno omunue guohe, nguee to tara omake gandje. Eta eke rjohe hu, nde to ri tura morupati ruandje, nguee ku kare ue inu iteera, aaue, iteera nduno.

Iironga 1:3

Okuza komeepeko ge e ja urukira nomadidiriko ogendji nokutja oku nomuenjo. Omasiku eemrongo ine okue j’ihororera he te j’uvicire otshirongo tsha Karunga.

1 Kaatessaloniki 5:23

He Karunga kombiri e mu pe uujapuki ua guana ua pua, opo ombepo heni, nomuenjo norutu rueni ru pungurue nauerera sigo okesiku rjokuja kua Muene guetu Jesus Kristus.

Kaahebrei 12:9

Ootate hetu hopanjama oje tu geera nde sse tua vurika ku jo. Ano inatsh’opara unene tu vurike ku She heembepo, sse tu kare nomuenjo?

1 Johannes 1:1

Ndjoka ha ri okuza keshimbiko, ndjoka tua uva no tua mona nomesho no tue hi tara, sse tue hi njenga nomake getu, ndjoka atu uvica: ohapu homuenjo.