Lukas 23:34 - Etestemente Epe ✠ 1951

³⁴ He Jesus ta ti: Tate, ja dimina po, oshoka kaa tshi shi taa ningi. Jo taa hitoporere eenguuo de nokuduumbira iihogororico.

Lukas 23:34 Iomraidhean Croise

Mateus 11:25

Petango ndika Jesus okua ti: Otii ku amberere, Tate, Muene gueguru nevi, oshoka aanongo neenkurungu oue tshi jo orekera, ndere ue tsho ororera mba aashupi.

Mateus 11:26

Eno, Tate, otsho tsha ri tshu uka pu nguee.

Mateus 5:44

Ndere ngaje ote ti: oreni aatondi jeni, ningireni uuanaua, mba je mu tonde, ne mu garikanene, mba taa mu tidagura na mba taa mu rundira.

Markus 15:24

Sho je mu arera komutshigakano, jo ji itoporere eenguuo de nokudoogororica, keshe tuu gumue a peue he.

Lukas 22:42

Tate, ng’oua ara, kuca ko ngaje ehoro ndika, ndere kari sh’eharo rjandje, aaue, orjohe nari ningue.

Johannes 17:9

Andi ji indirire. Itandi indirire uujuni, aaue, oombo mba ua pere ndje, oshoka jo ojohe.

Johannes 19:11

Jesus te mu jamukura, ta ti: Ngeno ku neenkondo mu ngaje, mank’ino di peua adi zirire mombanda. Otsho ano omuntu, ngu a heta ndje ku ngueje, e notshikoro otshinene tsha pitirira.

Iironga 16:28

Nena Paulus oku’igida muure a ti: “Ino iningira uuhineji! Sse atushe omo tu ri.”

Iironga 3:17

Ndere jamuameme, ondi tshi tshi, nokutja omue tshi ningi muusama ueni, ngashi uo ngaa omarenga geni.

Iironga 7:60

Ta tseengoro, he t’igida muure a ti: “Muene ino ja jarurira ondjo ndji.” Hera e di ti, okua koca ngaa nduno. Ndere Saulus okua panda okudipagua kue.

Kaaroma 12:14

Jambekeni aatidi jeni, jambekeni inamu tuka.

1 Kaakorinti 2:8

Uunongo mbuka inau dimbururua komarenga guujuni mbuka. Ngeno okua ge u dimburura, ando inaga arera Muene guehadimo komutshigakano.

1 Kaakorinti 4:12

Otatu rongo, ss’atu ipjakidire nomake getu. Tatu cingua, ss’atu jambeke. Tatu tidatidua, sse atu ididimike.

1 Timoteus 1:13

nanto ngaje nda ri nare omutsheki, omutidatidi, ngaje omunjani. Ndere onda mona esiroshenda rja Karunga, oshoka onde tshi ninga ngaje nda ri kandi netshiuo, kandi nehiteero.

1 Petrus 3:9

Inamu tshuniciracana uuhineji na mukueni. Inamu tuka nge mua tukua, aaue, jambekacaneni. Otsho tshe mu icanica ne mu cigurure ejambeko.