Lukas 21:8 - Etestemente Epe ✠ 1951

⁸ He ta ti: Kotokeni ike, kamu pukicue. Oshoka ojendji otaa ke ja medina rjandje, nde taa ti: Ongaje ngu, esiku orje ja, inamu ji iteera.

Lukas 21:8 Iomraidhean Croise

Mateus 24:11

Otaku ja aaprofeti jiirombo ojendji, jo taa ka pukica uo ojendji.

Mateus 3:2

Nde ta ti: Idirurureni, oshoka otshirongo tsheguru otshe ja popepi.

Mateus 4:17

Okuza kesiku ndija Jesus a shimbike okuuvica, ta ti: Idirurureni, oshoka otshirongo tsheguru otshe ja popepi.

Lukas 17:23

Otamu ka rombuerua kaantu: Tareni, ohe ngu nenge nguija. Inamu ha ko, ne inamu randura ko.

Lukas 21:7

Jo taa mu pura, taa ti: Muongi, mbika ajishe onaji ningua unake? Notshidimburukico otshiini, nge taji shimbike okuningua?

Lukas 21:9

Nge tamu uvu eemurombo diita no domavundakano, inamu tira, oshoka ajishe mbika iitetekerapo, ndere eshuriro inari cika manka.

Johannes 5:43

Onde ja medina rja Tate, ndere ne inamu tuumba ndje; gumue a hiri, nge te ja medina rje muene, otamu mu tuumba ngaa.

Johannes 8:24

Ano onde mu rombuera: N’otamu sire ngaa meendjo deni; oshoka ng’itamu iteere nokutja ngaje ngu, otamu sire ngaa meendjo deni.

Johannes 8:28

Ano Jesus te ja rombuere: Nge mua jeruca Omuna guOmuntu, otamu ka dimburura, nokutja ongaje ngu, ngu ita rongo tsha mu he muene, aaue, ndere otandi popi ajishe ngashi Tate e tshi ronga ndje.

1 Kaakorinti 6:9

Kamu tshi nani nokutja aakorokoshi kaa mona uuciga uotshirongo tsha Karunga? Mpoka kapu nomarudi: eembuanda, aasimaneki jiimenka, aahonderi.

Kaaefesi 5:6

Kapu kare nand’ogumue te mu pukica neehapu douara, oshoka moru’iinima mbika ondjashi ha Karunga otahi ja kombanda haana jekukutiro.

2 Kaatessaloniki 2:3

Nand’ogumue e mu pukice mondjira ndji nenge ndjijaka. Ehiteko ori nokuja tango, nomuntu gu’uurunde otii ihorora, ohe omuna guekano.

2 Timoteus 3:13

Ndere aantu aahineji naapukici otaa tsikire ko uuhineji, oshoka jo oonakupuka jo aapukici.

1 Johannes 4:1

Jahorike, inamu itura ombepo keshe, aaue konakoneni eembepo nge oda zi mu Karunga, oshoka opu naaprofeti ojendji aaniirombo, jo je ja muujuni.

2 Johannes 1:7

Oshoka aapukici ojendji je ja muujuni, jo kaa hepurura nokutja Jesus Kristus okue ja monjama. Omupukici nomunandumbo na Kristus ota popi uo mu mboka.

Ehororo 1:3

Omunerago ohe ngu ta resha, he tu uvu eehapu deshunganeko, nde ta diginine uo mbi ja tshangua mo; oshoka erara orja cika.

Ehororo 12:9

Nd’otshikoko shija otshinene otshu umbirua muure, tsho ejoka ekuru, ndi hari tiua ondemoni na satana, ngu ha pukica uujuni aushe. Oku umbirua muure uopevi, jo aajengeli je oju umbirua mo na he.