Lukas 18:13 - Etestemente Epe ✠ 1951

¹³ Ndere omufenderi okua cikama e ri kokure, iti itsica nande a rigamenice omesho ge geguru, unene okui idengere ponturo, he ta ti: Karunga, sira ndje oshenda, ngaje omunandjo.

Lukas 18:13 Iomraidhean Croise

Mateus 10:3

Jakobus na Zebedeus nomumuahina Johannes, Filipus na Bartolomeus, Tomas na Mateus omufenderi, Jakobus na Alfeus na Tadeus.

Mateus 6:5

Nge tamu garikana, inamu kara mua f’ooneruado, mba je ore okugarikana ja cikama meesinagoga no piikororo jeendjira, ja tarikue kaantu. Tshiri, andi mu rombuere, oje nondjambi hauo nare.

Mateus 9:13

Indeni ano mu ihonge shi tsha tja: Esiroshenda nda ara, ha magano, oshoka inandi ja okuicana mba ju uka, aaue, aarunde tuu.

Markus 11:25

Nge mua cikama okugarikana, tango diminacaneni po eendjo, nge mua ningacana nomuntu, opo uo Sho, ngu e ri meguru, e mu dimine po eendjo deni.

Lukas 17:12

Sho e ja momukunda guontumba, aarumentu omurongo je nuuvu uotshirundu oje mu tsakaneke, jo taa cikama kokure.

Lukas 22:41

H’ote engene komesho puure ngashi tau umbua ekuma, ta ts’eengoro, nde ta garikana, ta ti:

Lukas 23:48

Nd’aantu ajeshe, mba je ja po okutara, sho ja mo no shi tsha ningua ko, oji idenge ponturo, nde taa tshuna momukunda.

Lukas 5:8

Simon Petrus sho e tshi mono shika, okua ts’eengoro keempadi da Jesus, he ta ti: Muene, za po pu ngaje, oshoka ngaje omuntu omunandjo.

Iironga 2:37

Sho je di uvu, oja rongora komuenjo, jo taa rombuere Petrus naapostoli jakuauo taa ti: “Jarumentu ne jakuetu, sse natu ninge ngiini?”

Kaaroma 5:8

Ndere Karunga oku’orora ohore he hoku tu ora mu Kristus, ngu e tu sira manka sse tua ri aarunde.

2 Kaakorinti 7:11

Tareni shoka tsha tutuma pune muupongo mbuka uokeharo rja Karunga, uuradi uunene, nehipopiro, nokuipa ombedi, netiro, nejeeruko, nuufure, negeero. Niinima mbi ajishe ne mua tompandje, nokutja kamu nondjo motshinima shika.

1 Timoteus 1:15

Ohapu ohi notshiri, ho h’opara h’iteerue nokutja Jesus Kristus okue ja muujuni uetu, he a hupice aarunde. Mokati kauo ngaje omutango.

Kaahebrei 4:16

Tu heni ano nehinekero kotshipundi tshoshenda, sse tu mone ondjeerera noshenda, nge tua pumbua ekuaco.

Kaahebrei 8:12

Oshoka nda ara ku ja sira oshenda nge ja jono, ite dimburukua ue eendjo dauo.”