Lukas 14:23 - Etestemente Epe ✠ 1951

²³ Nde muene ta rombuere omupija: Inda neendjira neengumbu, nde to ciminike aantu okuja mo, egumbo rjandje ri ude.

Lukas 14:23 Iomraidhean Croise

Mateus 21:43

Ano andi mu rombuere: Otshirongo tsha Karunga onatshi kucua ko ku ne, nde tatshi peua aantu ji iri, mba taa tiriganeke iihimati jauo.

Mateus 5:41

Nomuntu nge te ku ciminike u ende ondjira h’eempadi ejovi rimue, mu cindikira ngaa eempadi omajovi gaari.

Lukas 14:22

H’omupija ta ti: Muene, ajishe ja ningua ngashi ua rombora, ndere natango opu neshara.

Lukas 14:24

Andi mu rombuere: Kakuna nande gumue guaarumentu, mba ji icanenue, ta ka makera uurarero uandje.

Lukas 24:29

Jo taa mu ishirire unene, nde taa ti: Kara na sse, oshoka uusiku oue ja, etango rjo rja toka. Mpa h’ota hi na jo megumbo.

Iironga 16:15

Sho a tshatshua, he muene puamue najeshe jomondjugo he oku’indire ta ti: “Nge tamu tengenekendje ng’omudiginini gua Muene, ireni nduno mondjugo handje, ne mu kare mo.” Okue tu ciminike.

Iironga 18:6

Nde sho ja patana nokunjana, okua pupura eenguuo de nokue ja rombuera: “Ombinzi heni nahi je kombanda heemtse deni. Ngaje kandi nondjo. Okonena otandi ka ha kaapagani.”

Iironga 28:28

Ano kareni mu tshi tshi naua, nokutja ehupico ndika rja Karunga otari ka tumua kaapagani. Ojo taa ke ri uva.”

Iironga 9:15

Muene okue mu rombuere: “Inda ko, oshoka ohe otshirongico tshandje tsh’ogororua, a hokorore edina rjandje miipaci jaapagani, jaakuaniirua no jaana j’Israel.

Kaaroma 10:18

Nena ote pura: Jo inaa huva tsha? Otshiri! “Eui rjauo rja kugagana mevi arishe, ohapu hauo ha ada eengamba duujuni.”

2 Kaakorinti 5:11

Nomuenjo guetu gu’uda etirokarunga, ss’atu kembadara okuidirururica aantu. Karunga oku tu tshi. Ngaje ndi netegerero nokutja ne uo omua tshiuandje momahuvo geni gomutima.

2 Kaakorinti 5:20

Sse aatumua ja Kristus. Karunga ta kumagida nokana ketu. Sse atu indire peshara rja Kristus: Kongeni ombiri ha Karunga.

2 Kaakorinti 6:1

Ng’omurongi puamue na he ss’atu mu kumagida ne kamu tuumbe ouara oshenda ha Karunga.

Kaakolossi 1:23

Ndere omu nokukara mua tsama, mua kora mehiteero. Inamu tengatenga metegerero rjevangelium. Omue ri uva. Orj’uvicirua aatshitua ajeshe jokoshi heguru. Ongaje Paulus omupija guarjo.

Kaakolossi 1:28

Nguka atu uvica nokukumagida omuntu keshe nokuronga omuntu keshe nuunkurungu aushe, opo tu ninge, omuntu keshe a guana a pua mu Kristus Jesus.

2 Timoteus 4:2

Uvica ohapu, diginina pecimbo rj’opara nenge inari opara, tompa, kumagida, geera nonteni nokuronga nuunkurungu arushe.