Nde ku ngu e mu icana, ta ti: Nge to tura po omusha nenge uurarero, ino shij’ike ookuume nenge aamuanjoko nenge jakueni nenge aatshiinda aajamba, kaa ku shijurure, je ku fute.
Nd’omupija ta garuka, to okororere muene gue ajishe. He muene okua geje, nde ta rombuere omupija gue: Enderera, u he neendjira nomapora gotshirongo, ngueje u ete mo eehepere niingonue naaposi niirema.
Petrus okua cikama, nde ta hi puamue na jo. Sho a ciki ko, oje mu fara motshoto shijaka tshokombanda. Aaserekadi ajeshe oja ri mo, ja cikama ouara jo taa riri, je mu urukira eenguuo neehema, di Dorkas e ja ondjera.
Ndere omuepiskopi oku nokumonikua ke nokapogodidi, a hokana rumuike, omuidiriki, omunandunge, ke shi omugejentu, omunamukaro omuhanaua omujakuri guaahenda, h’onkurungu mokuronga.
Ngu ta popiua moru’iironga je iihanaua, ngu a putuda ojana, oku’edirira aakuiirongo, a kosha eempadi daajapuki, a kuaca mba ja ri momacinaneko, he a diginina iironga iihanaua ajishe.