Lukas 13:33 - Etestemente Epe ✠ 1951

³³ Ndere nena na ngura na shera ondi nokuenda natango, oshoka itatshi ningi, omuprofeti a sire pondje ha Jerusalem.

Lukas 13:33 Iomraidhean Croise

Mateus 20:18

Tareni, otatu hi ku Jerusalem, Omuna guOmuntu a ka gandjue kaapristeri aakuruntu no kaanongo jomambo, jo taa ke mu tokora a se.

Mateus 21:11

Ndere ongundu oha ti: Nguka oJesus, omuprofeti, ngu a za ku Nazaret mu Galilea.

Lukas 9:53

Ndere inaa mu tuumba, oshoka okua ri ta ara okuuka ku Jerusalem.

Johannes 11:54

Otsho ano Jesus ka ri ue he ende mo miipaci jaajuda, nde ta hi kiihende jombuga, komukunda, edina rjago Efraim, hu ta kara naarongua je.

Johannes 11:9

Jesus ta jamukura mo: Eeuiri desiku kadi shi nani omurongo na mbaari? Omuntu, nge te ende pomutenja, iti ipumu, oshoko oku uete uujerere uujuni.

Johannes 12:35

Jesus ti i mo, ta ti: Erara eshupi ouara uujerere otau ka rumba mokati keni. Endeni, manka mu nuujerere kamu guirue keemurema; ngu te ende meemurema, ke tshi hu ta hi.

Johannes 4:34

Jesus ta ti ku jo: Otshikurja tshandje otsho shi: ndi ronge eharo rja ngu a tuma ndje, ngaje ndi guanice iironga je.

Johannes 9:4

Ngaje ondi nokuronga iironga ja ngo, ngu a tuma ndje, manka pu necimbo. Uusiku tau ja, mu itamu tshiua kurongua ku muntu.

Iironga 10:38

Ndi tshi Jesus omunatsaret, Karunga okue mu gueeka n’Ombepo Ondjapuki no neenkondo odindji, ngu a hendagura ta rongo iironga iihanaua, a heruda ajeshe, mba ja ri j’epekua komusatana, oshoka Karunga okua ri na he.

Iironga 13:27

Aantu jomu Jerusalem naakuruntu jauo inaje mu dimburura. Ndere sho je mu pangura oja guanica eehapu di adi leshua keshe esabati.