Lukas 12:32 - Etestemente Epe ✠ 1951

³² Ino tira, tshinkoti otshitshona nguee, oshoka Sho a hara e mu pe uukuaniirua ue.

Lukas 12:32 Iomraidhean Croise

Mateus 14:27

Naanzija Jesus te ja popica, ta ti: Kareni nehinekero, ongaje ngu. Inamu tira!

Mateus 20:16

Otsho ngii aashugunini ojo naa ninge jotango, jo jotango taa ningi aashugunini. Oshoka ojendji oji icanua, ndere aatshona jo ogororua.

Mateus 25:34

H’omukuaniirua ota ti ku mba je ri kokurjo kue: Ireni, ne jajambekua ja Tate, mu cigurure uukuaniirua, mbu ua kara ua rongikidirua ne okuza ketshito rjuujuni.

Mateus 7:15

Angareni aaprofeti, mba ja pirama, mba taa ja ku ne meenguuo diipa jeenzi, nde nani meni omambungu haga foragura.

Lukas 10:21

Petango ndika Jesus okua njanjukua pombanda nOmbepo Ondjapuki, ta ti: Tate, Muene gueguru nevi, otii u amberere, oshoka aanongo neenkurungu oue tshi jo orea, ndere ue tsho ororera mba aashupi. Eno, Tate, otsho opaa pu nguee.

Johannes 18:36

Jesus ti i mo, ta ti: Uukuaniirua uandje kau shi uo muujuni mbu. Ngeno kua uukuaniirua uandje uo muujuni mbu, ando aapija jandje ja kondja, kandi he miikasha jaajuda. Ndere uukuaniirua uandje kau shi ua huu.

Iironga 20:28

Ikotokereni, kotokereni otshigunda atshishe ne mua rangekua k’Ombepo Ondjapuki ng’aaepiskopi, ne mu pangere eklesia rja Jesus Kristus ndi a hirongera nombinzi he.

Iironga 20:29

Ondi tshi tshi, ngaje nge nda zi po, iimbungu ja rjagana jo taji guajere mo mokati keni, itaji sire otshigunda oshenda.

Kaaroma 6:23

Oshoka ondjambi huurunde oho eso. Ndere omaganoshenda ga Karunga ogo omuenjo guarushe mu Kristus Jesus Muene guetu.

1 Kaakorinti 1:21

Oshoka uujuni muunongo uauo, sho inau dimburura Karunga muunongo ue ua Karunga, nena otsh’oparera Karunga okuupica nehuvico egoua ajeshe mba j’iteera.

Kaafilippi 2:13

Oshoka okuara kueni nokuguanica gueni otaku zi ku Karunga ngu ta rongo atshishe mune keharo rje.

2 Kaatessaloniki 1:11

Otsho sse atu mu garikanene arushe, Karunga ketu e mu tare mu’oparera ehicano rjeni, he a guanice neenkondo enjanju rjeni rjomuuhanaua notshironga tshehiteero.

2 Kaatessaloniki 1:5

Otsho uujuki uepanguro rja Karunga tau oroka uo. Omu nokumonikua mua oparera otshirongo tsha Karunga, shi mua epekerua nena.

Kaahebrei 12:28

Ano sho tatu peua uukuaniirua mbu itau vuru okukekamicua, sse otua ara kupandura noku karera Karunga noku mu njanjuda netiro nomasimaneko.

Jakobus 2:5

Puakeneni, jamuameme aahorike unene. Karunga in’ogorora nani aacigona juujuni mbuka ja ninge aajamba mehiteero naacigururi jotshirongo shi Karunga a rombuerera mboka je mu ore?

2 Petrus 1:11

Otsho tamu mono ompito onene hokuha motshirongo tsharushe tsha Muene guetu tsho tshomukuriri guetu Jesus Kristus.

Ehororo 1:6

Ngu e tu ninga aakuaniirua ss’aapristeri ja Karunga She. Na ambererue, he na pangere sigoosigo. Amen.

Ehororo 22:5

Nuusiku kau ko ue, jo inaa pumbua ue uujerere uonjeka nenge uujerere uetango, oshoka Muene Karunga ote ja minikire, jo otaa ka pangera sigoosigo.