Lukas 11:34 - Etestemente Epe ✠ 1951

³⁴ Uujerere uorutu ruohe ouo esho rjohe. Esho rjohe ano ng’inari jonua mo, nena orutu ruohe arushe oru nuujerere, ndere esho rjohe nge rja jonua mo, orutu ruohe oru neemurema.

Lukas 11:34 Iomraidhean Croise

Markus 4:12

Opo je tshi tare oura nomesho, ndere kaa tshu uete, jo ju uve nomakutsi, ndere kaa tshu uvite, opo kaa hitedurure, jo kaa mone ediminopo ando.

Markus 7:22

Uufuci, oruisho, joshoni, omajekacano, efupa, omatshekero, uuntsa nuuraji.

Markus 8:18

Ndi tshi, omesho omu ga na, ndere kamu uete ko, nomakutsi omu ga na, ndere kamu uviteko? Ne inamu dimburukua ue nani,

Lukas 11:35

Ou kotokera ano, uujerere, mbu u ri mu nguee, kau tshituka eemurema.

Iironga 13:11

Nena, tara, eke rja Muene otari ku denge, oto ka tsika, ito ka mona ue etango omasiku gamue. “Naanzija okua siikirua keemrema eemcokocoko. T’endagura, ta kongo gumue ngu te mu kuata keke.”

Iironga 2:46

Keshe esiku oja kara motempeli, ja ts’ompango himue, nde jo taa pambura ombroto meendjugo. Ja rire iiparuca nenjanju no nuujuki ueemuenjo dauo.

Iironga 26:18

Ngueje u pashure omesho gauo, opo j’idirurure, ja piramene eemrema, ja game kuujerere j’iteke epangero rjomusatana, jo ja tshune ku Karunga, opo ja peue edimopo rjeendjo nuuciga uujapuki moru’ehiteero rjokuiteerandje.’

2 Kaakorinti 1:12

Oshoka esimano rjandje orjo ndika, otsho ehokororo rjehuvo rjomutima guandje kutja ond’enda arushe muujuni mbuka no miipaci jeni nomuenjo kagu niirombo nuujuki motshipara tsha Karunga, nuunongo uopanjama, aaue, omeenkondo doshenda ha Karunga.

2 Kaakorinti 11:3

Ndere ond’ijageka nokutja omadiradiro geni taga gojokicua uo, ne mu iteke uujuki mbu u ri mu Kristus, ngashi ejoka rja pukica uo Eva nekengerero rjarjo.

2 Kaakorinti 4:4

Okutja mboka kaa nehiteero, karunga kuujuni mbuka okua kukutika eemtima dauo, jo kaa minikirue kuujerere uevangelium rjehadimo rja Kristus, ohe otshifeca tsha Karunga.

Kaaefesi 1:17

Karunga ka Muene guetu Jesus Kristus She huujerere e mu pe ombepo huunkurungu ho hehororo oku mu tshiua.

Kaaefesi 6:5

Japija ne, vurikeni koojene jeni jopevi ndika nokutira nokukekama nomuenjo gu’uka, ngashi ku Kristus.

Kaakolossi 3:22

Japija ne, miinima ajishe vurikeni koojene jopevi ndika. Inamu fa mboka haa tara ike omesho gaantu, ja pandikue ku jo, aaue, vurikeni nomuenjo gu’uka no metirokarunga.