Lukas 1:35 - Etestemente Epe ✠ 1951

³⁵ Nd’omujengeli ta jamukura, ta ti ku he: Ombepo Ondjapuki otahi ja hi ku nambere, neenkondo da ngo mombandambanda otahi ku siikire ng’omuzire. Ano otshijapuki, shi tatshi ka varua ku nguee, natshi tiue Omumua Karunga.

Lukas 1:35 Iomraidhean Croise

Mateus 1:18

Okuvarua kua Jesus okue epururua ngii: Hina he Maria, sho a ri a henderua ku Josef, okua dimbururua, manka inaa ha puamue, nokutja ohe omusimba nare kOmbepo Ondjapuki.

Mateus 1:20

Nde manka ta diradira ngii, tara, omujengeli gua Muene okue mu orokere mondjodi, ta ti: Josef, omumua David, ino tira okueta Maria, omukiintu guohe ku ngueje, oshoka shi tsha tshitirua mu he, otsha za kOmbepo Ondjapuki.

Mateus 14:33

Ndere mba ja ri mosikepa, oje ja je mu injongamene keempadi de, taa ti: Tshiri, ongueje Omumua Karunga.

Mateus 27:54

Erenga rjaakuiita na ajeshe, mba je ri na he, ja rangere Jesus, sho ja mono ekekamo rjevi najishe, mbi ja ningua po, oja tiririra, nde taa ti: Otsh’otshiri guanene, nguka okua ri Omumua Karunga.

Mateus 4:3

Po opue ja pu he omumakeri, ta ti: Nguee, ng’Omumua Karunga, rombuera ano eenkuuege dika di ninge oshima.

Markus 1:1

Etameko rjevangelium rja Jesus Kristus, Omumua Karunga orjo ndika.

Markus 1:24

Otu na tshee na nguee, Jesus omunazareta? Oue ja u tu jone po? Ondi ku tshi, kutj’onguee re. Onguee mujapuki gua Karunga.

Lukas 1:27

E ja komukadona, h’a ri a jarua komurumentu, edina rje Josef, a zire mezimo rja David; edina rjomukadona Maria.

Lukas 1:34

Maria ta pura omujengeli: Shino otatshi ka ningua ngiini, ngaje kandi tshi omurumentu.

Lukas 1:36

Tara, itshee omukueni Elisabeta, na he uo okua mona okamati muukuruntu ue, oku ri momuedi omutikanekamue, ngu a ri a tiua ka vara.

Johannes 1:34

Onde tshi mona, ngaje nde tshi tshiuica, nokutja nguka Omumua Karunga.

Johannes 1:49

Natanael h’oti i mo ta ti: Rabbi, ngueje Omumua Karunga, ongueje omukuaniirua gua Israel.

Johannes 20:31

Ndere mbijaka oja tshangua, opo mu iteere, nokutja Jesus Kristus oh’Omumua Karunga, nde mokuiteera ne mu mone omuenjo medina rje.

Iironga 8:36

Nde sho j’ende ngaano mondjira hauo, oja mon’omeja. Nena erenga rja ti: “Tara ko, omeja ogo nga. Oto imbiua ko tshee ndi tsatshue?”

Kaaroma 1:4

Ndere kombinga h’Ombepo Ondjapuki oku’ororua ng’Omumua Karunga omunankondo, sho a jumuka kuusi, ohe Jesus Kristus, Muene guetu.

Kaagalati 2:20

Ngaje ondi nomuenjo, ndere ha ngaje muene, Kristus e nomuenjo mungaje. Omuenjo guandje guonena monjama oguo omuenjo guomehiteero rjokuiteera Omumua Karunga, ngu a ri e horendje nde t’igandja he muene moruandje.

Kaaefesi 2:3

Mokati ka mboka nasse uo tu’endaenda muuharu uetu uonjama. Otua guanica shoka tsha arikua korutu no kuuharu, nde tua ri aana jondjashi okuza ketshito rjetu, ongashi jarue ajeshe.

Kaahebrei 4:15

Oshoka katu nomupristeri omukuruntu ngu ita sir’uunkundi uetu esiroshenda, aaue, onguka a makerua miinima ajishe ngasseni uo, ndere ongu kua ke nondjo.