Lukas 1:32 - Etestemente Epe ✠ 1951

³² Ohe ta ka ninga omunene, he ti icanua Omumua gomombandambanda, Muene Karunga one mu pe otshipundi tsha she David. He ona pangere egumbo rja Jakob sigoosigo.

Lukas 1:32 Iomraidhean Croise

Mateus 1:1

Embo rjezimo rja Jesus Kristus, Omumua David, ngu omumua Abraham.

Mateus 12:42

Omukuaniirua omukiintu guo kuumbugaantu ote ke ja norudi nduka mepanguro, e ru tokorere ondjo; okua za keesha duujuni okupuakena uunongo ua Salomon; ndere tara, mpaka opena gumue e vure Salomon.

Mateus 28:18

Jesus te engene ko, nde te ja popica, ta ti: Ngaje ondi nompago ahishe meguru no kombanda hevi.

Mateus 3:11

Tshiri, ngaje otandi mu tshatsh’ike nomeja kehigaruro, ndere ngu te ja konima handje, oku neenkondo e vure ndje, ngaje inandi opara ndi zare eengaku de, ngu ote ke mu tshatsha nOmbepo Ondjapuki nomuriro.

Markus 14:61

Nde Jesus okua muena ciru, h’ina jamukura tsha. H’omupristeri omukuruntu ote mu pura itshee: Onguee Kristus, Omumua Karunga, ngu ta simanekua unene?

Markus 5:7

Nde ti igida neui enene: ondi na tshike na nguee, Mumua Karunga gomombandambanda? Otii ku rombuere ku Karunga: Ino epica ndje!

Lukas 1:15

Oshoka ona ningi omunene motshipara tsha Muene. Omavinju niikunua iidigu ite ke ji nua. Onu udua Ombepo Ondjapuki, manka e ri mera rja hina.

Lukas 1:35

Nd’omujengeli ta jamukura, ta ti ku he: Ombepo Ondjapuki otahi ja hi ku nambere, neenkondo da ngo mombandambanda otahi ku siikire ng’omuzire. Ano otshijapuki, shi tatshi ka varua ku nguee, natshi tiue Omumua Karunga.

Lukas 1:76

Nde nguee, kamati, oto ka rukua omuprofeti gua guOmombandambanda, oshoka oto tetekere kotshipara tsha Muene, u mu parere ondjira he.

Lukas 3:16

Johannes ta jamukura ajeshe, ta ti: Ngaje otandi mu tshatsha ngaa nomeja, ndere taku zi gumue, ngu e vure ndje inandi ereka okuditura nando eemuja deengaku de; ngu te ke mu tshatsha nOmbepo Ondjapuki nomuriro.

Lukas 6:35

Unene po oreni aatondi jeni, rongeni uuanaua nokukuaca, inamu tegerera nande mu garurirue, otsho ondjambi heni tahi ningi onene, ne tamu ka kara aana ja ngu mombandambanda. Oshoka na he omuanaua ku keshe ngu ka pandura no kaauineji.

Johannes 12:34

Aantu jo taa jamukura mo, taa ti: Ss’otu uva mompango, nokutja Kristus ta ka kara sigoosigo. Oto ti ngiini ano: Omuna guOmuntu ota ka jerucua? Nguk’Omuna guOmuntu ore?

Johannes 6:69

Ss’otui iteera, sse tua tshiua, nokutja onguee Kristus, Omumua Karunga.

Iironga 16:17

He okua ramba Paulus nasse uo, t’igida ta ti: “Aantu mboka ojo aapija ja Karunga guomombandabanda, nde otaje mu uvicire ondjira hehupico.”

Iironga 2:30

Sho a ri ano omuprofeti, he a tshiua naua, nokutja Karunga e mu ganena, he ta rangeke kotshipundi tshuukuaniirua ue gumue guaaranduri je, ta zi mombuto he.

Iironga 2:36

Ano nduno, ondjugo ahishe ha Israel nahi tshi tshiue ng’ohapu hotshiritshiri, Jesus ngu mua arera ngaa komutshigakano, Karunga okue mu ninga Kristus, h’Omuene.”

Iironga 7:48

Ndere ngu guokombandambanda ka kara meenguru di da tungua nomake, ngashi omprofeti a ti:

Kaaroma 1:4

Ndere kombinga h’Ombepo Ondjapuki oku’ororua ng’Omumua Karunga omunankondo, sho a jumuka kuusi, ohe Jesus Kristus, Muene guetu.

Ehororo 3:7

Tshangera omujengeli guegongaro rjo ku Filadelfia, to ti: Omujapuki h’Omunatshiri, ngu e noshapi ha David, ngu te egurura, nde kapuna ngu te edire po, ngu te edire po, nde kapuna ngu te egurura po, otsho ta ti: