Jo taa tumu ku he aarongua jauo puamue nojakuauo ja Herodes, taa ti: Muhongi, otu tshi nokutja nguee ogotshiri, to rongo ondjira ha Karunga notshiri, nguee ku na nande nomuntu, oshoka ku tara orupe ruomuntu.
Ndere sho a mono, aafariseji ojendji naasaduseji oje ja ku he ja ka tshatshue, okua ti ku jo: Jana jomafu ne, ore e mu ronga okuijageka ondjashi ndji tahi ke ja?
Dimburukueni eehapu dandje, di nde mu rombuera: Omupija ke vure muene gue. Ng’oja tidagurire ndje, na ne otsho ngaa uo ngii taa mu tidagura. Nde nge ja diginina eehapu dandje, otaa ka diginina uo eehapu deni.
Opo nduno omukuruntu guaarangeri a hi puamue naajakuri jetokoro, e ke ja tara. Ndere inaje ja ciminika neji, oshoka j’ijageka nokutja taa dipagua kaantu nomamanja.