Iironga 1:8 - Etestemente Epe ✠ 1951

⁸ Ndere otamu ka peua eenkondo d’Ombepo Ondjapuki, tamu ka namberua ku he, ne tamu ka ninga eentari dandje mu Jerusalem no mu Judea atshishe no mu Samaria, sigo okeesha duujuni.”

Iironga 1:8 Iomraidhean Croise

Mateus 24:14

Evangelium ndika rjotshirongo otari ku uvicirua uujuni aushe, ri tshiuicire aantu ajeshe; eshuriro rjo otari ja nduno.

Mateus 28:19

Indeni ano, ka rongeni omarudi ageshe, ne mu ga tshatshe medina rja She no rjOmona no rjOmbepo Ondjapuki.

Markus 16:15

Nde ta ti ku jo: Indeni muujuni aushe, mu uvicire aantu ajeshe evangelium.

Lukas 1:35

Nd’omujengeli ta jamukura, ta ti ku he: Ombepo Ondjapuki otahi ja hi ku nambere, neenkondo da ngo mombandambanda otahi ku siikire ng’omuzire. Ano otshijapuki, shi tatshi ka varua ku nguee, natshi tiue Omumua Karunga.

Lukas 10:19

Tareni, onde mu pe eenkondo dokurata omajoka eendje nokupangera eenkondo adishe domutondi, kapena hi tatshi mu ningi otshiponga.

Lukas 24:29

Jo taa mu ishirire unene, nde taa ti: Kara na sse, oshoka uusiku oue ja, etango rjo rja toka. Mpa h’ota hi na jo megumbo.

Johannes 15:27

Na ne otamu ko okorora, oshoka onda ri pu ne okuza ketameko.

Iironga 1:22

okuza ketshatsho rja Johannes sigo okesiku ndika a kucua po a hi meguru, na ninge puamue nasse ontari homuhokorori guejumuko rje.”

Iironga 1:5

Oshoka Johannes okua tshatsha nomeja. Ndere ne otamu ka tshatshua n’Ombepo Ondjapuki omasiku omatshona nge ga piti.”

Iironga 13:31

Omasiku ogendji t’ihororere mboka ja zire puamue na he ku Galilea, ja hi ku Jerusalem. Nanena ojo mboka eentari jo aahokorori je mokati kotshiguana.

Iironga 2:32

Ohe naanaa Jesus, ngu Karunga a jumuda. Sse atushe eentari, ss’aahokorori jarjo.

Iironga 22:15

Ou nokuninga omuhokorori gue u hokororere aantu ajeshe shoka ua mona na shi ua uva.

Iironga 3:15

Omutshiti guomuenjo mua dipaga, ngu a jumudua ku Karunga. Osse eentari de.

Iironga 4:33

Aapostoli oj’okorora ejumuko rja Jesus Kristus Muene guetu neenkondo odindji. Oshenda ohindji oha ri pu jo ajeshe.

Iironga 5:32

Osse eentari diironga mbi ajishe, n’Ombepo Ondjapuke uo, ndji Karunga a pa ajeshe, mba haa vurika ku he.”

Iironga 6:8

Stefanus okua ri a huda oshenda neenkondo, a rong’iironga iinjengandunge iinene niirongadidiriko mokati kaantu.

Iironga 8:1

Mesiku ndika etidaguro enene rja tukuruka meklesia rjoku Jerusalem. Ndere ajeshe ja sharakanicua mu Judea no mu Samaria, aapostoli ike ja kara po.

Kaaroma 10:18

Nena ote pura: Jo inaa huva tsha? Otshiri! “Eui rjauo rja kugagana mevi arishe, ohapu hauo ha ada eengamba duujuni.”

Kaaroma 15:19

No meenkondo domadidiriko do diinjengandunge no meenkondo da Karunga Ombepo Ondjapuki. Otsho ngaje nd’uda atshishe nevangelium rja Jesus Kristus okuza kotshirando Jerusalem no muutshiinda uatsho sigo okotshirongo Illiria.

Kaakolossi 1:23

Ndere omu nokukara mua tsama, mua kora mehiteero. Inamu tengatenga metegerero rjevangelium. Omue ri uva. Orj’uvicirua aatshitua ajeshe jokoshi heguru. Ongaje Paulus omupija guarjo.