San Lucas 7:2 - Masas Pit Jesucristowa

² Suane maza suldarune uzta, paiña wat kiwainmikakasa. Suldarune ussa wat minta. Usne inapain tuazi.

San Lucas 7:2 Iomraidhean Croise

San Mateo 27:54

Suasne suldaru ɨninmikakas Jesústa izmuruzkas ulmu mazara. Wan kiarɨt aizpa izara akwa, uspane kwisha ishkuat kit kaizara: —Watcha. An ampune Dios Painkul ara.

San Lucas 23:47

Suldaru ɨninmikane sun kit aizpa iz kit kaizta: —Diosne kwisha wari. Watcha, an ampune kwail kitchi.

San Lucas 7:1

Awara paiña pit kwinta kit pailtawane, Jesúsne Capernaum pɨpulura kail kit napta.

San Lucas 7:3

Jesúspa mɨrawane, suldarune Hebreo ɨlapa awaruza Jesús tura ka paikuan ɨninnara: “¿Ashimtukish ap kiwainmikasha wat kakulninna?” mɨmaara.

San Lucas 8:42

paiña pashuin ishtu akwa. Usne doce añoin kawirɨt. Inapain azi. Jesús ɨmtuasmin, akkwan awane ussa sɨpkimain nuppainñara.

Hechos 10:1

Cornelione Cesarea pɨpulura uzta. An suldarura ɨninmikane maza cien suldaruruza Italia suras ɨninnara.

Hechos 10:7

Ángel kwinta kit kit kailtawane, Cornelione paas kiwainmuruzakas maza suldarura Diosta pianmikashakas, akwanara.

Hechos 22:26

Sun mɨrawane, suldaru ɨninmumikane ɨt kit katsa suldaru ɨninmikasha sunpa parat kit kaizta: —Kuiraruin. An ampune Romano pɨpuluras awa i.

Hechos 23:17

Sun mɨrawane, Pablone suldaru ɨninmumikasha akwat kit ussa kaizta: —An musittu suldarura ɨninmumikasha mɨlti. Usne ussa chiwazha kizna mɨji.

Hechos 27:1

Minpa uspane aumɨza Italia sura ɨninnashiara. Festone Pablorakas mamaz sɨptɨttuzakas Julio muntɨtmikasha chɨhkanara, usparuza iznanapa. Julione Augusto suldaru muntuza ɨninnara.

Hechos 27:3

Tɨlawara Sidón pɨpulura pianaiznash. Suane Julione Pablora wat kira, izmuruzpara izna ɨnpa, Pablora kiwainapa.

Hechos 27:43

Suldarura ɨninmikane, Julione, Pablora kiwainshira, imanpa. Katmizna ussa piantashitchi. Usne pi kammuruza an ñancha ɨninnara, pira taizanapa, pilta piannaanapa.

Colosenses 3:22

Kiwainmuruzne an su pamika wan kaizta aizpa mɨat kit kirain. Mɨnpazha kiwainmuruzne pamikain iztakin wat kal kiamtu, pamika usparuza wat kal kiare kizanapa. U Anpatta ishkuamtu akwa, wan kal kiamtu aizpa wat kirain.