San Lucas 7:16 - Masas Pit Jesucristowa

¹⁶ Sun izarawane, wanne ishkuat kit kaizara: —Diosne kwisha wari. Usne aumɨza Dios pit kainammmikasha ɨninta. Diosne paiña kwalta kiwaina ara.

San Lucas 7:16 Iomraidhean Croise

San Mateo 15:31

Jesús kit aizpa izarawane, awa sun izararuzne iztaspaarɨt. Pit parasachiruzakas paraara. Sail puil patturuzne wat parɨt. Chasachiruzne chaara. Kasu izsachiruzne izara. Watsal iztasparɨt kal izarɨt akwa, uspane Israel awawa Dios kwisha wari kizamɨzta.

San Mateo 21:11

Awane kaiznara: —An kainammmikane Jesús i. Usne Galilea suras, Nazaret pɨpuluras, ara.

San Mateo 28:8

Suasne ashamparuzne azain kamkis ɨilta. Ishkuamtukas, wat minñara. Ãĩn ɨntazasmin, ɨil kit paiña kammuruza sun pit kainailta.

San Mateo 9:8

Awa sun kirɨt aizpa izarawane, uspane ishkuamɨzta. Dios an ampura watsal kal kinpa kiwainta akwa, uspane Dios kwisha wari kizara.

San Lucas 1:65

Suasne wan kasha izturuzne iztaspaarɨt. Wan awane Judea ɨnkal sura sun kirɨt aizpa wantuza kwinta kinara.

San Lucas 1:68

“Judío awawa Diosne, au Anpatne, kwisha wari. Usne apain at kit paiña kwaltuza watsat mɨlnanazi.

San Lucas 19:44

Uspane yalkas pɨpulu kalpialkas kiakpɨnanazi. Uspane wan pɨpulura uztuza piantananazi. Wan chiwal uk azpian kit kiakpɨnanazi. Dios an pɨpulura uztuza atkas, une ussa nɨjkularachi, uruza watsat mɨlnanapa. Katmizna na kaizta aizpa kirɨnazi.”

San Lucas 2:20

Pɨriku izmuruzne kaiyat kit kaizara: —Au chiyuras Diosne kwisha wari, kizara. Chiwazha mɨra aizpakas izta aizpakas sunkanain kirɨt.

San Lucas 24:19

Usne usparuza mɨmanara: —¿Chi kirɨt? Uspane ussa sɨnkailta: —Jesúsne, Nazaret pɨpulura uztamikane, ire. Usne Diospa an wat tɨnta kainammmika tuazi. Usne akkwan iztasparɨt kal kit kit kwisha watsal pit awaruza kwinta kinara. Wan awane Dios ussa ɨninta piankamara.

San Lucas 5:26

Wan awane sunta iztaspaat kit ishkuat kit usparuzpain kaizara: —Diosne kwisha wari. Sunkanane an ñamin aune iztakimakpas, kizara.

San Lucas 5:8

Sun iztawane, Simón Pedrone Jesústa wakpuj wain kit kaizta: —Ap Anpatne, na tukis ɨtpa. Nane kwail kirɨtmika ish, kizta.

San Lucas 7:15

Suasne irɨtmikane kuhsak kit paramɨzta. Jesúsne ussa akkuhshta chɨhkara.

San Lucas 7:39

Fariseo awane, Jesústa kwan akwatmikane, sun izta. Ayukta ka minta: “Sun ampune watcha Dios kainammmika tuatne, usne sun ashampawa piankamshina. Sun ashampane, ussa paramikane, kwail uz kit kwail kimtu,” minta.

San Lucas 8:37

Suasne wan Gerasa suras awane Jesústa paikuara, usparuztas puztɨnpa, uspa ishkwarɨt akwa. Suasne kanuara warawane, Jesúsne kwakara kailmɨzta.

San Lucas 9:19

Ka sɨnkaara: —Mɨnpazha nune Juan munnammika i, kizamtu. Mamaztuzne nune Elías i kizamtu. Mamaztuzne nune ñamin ɨlapa Dios kainammmika i, kaizamtu. Sunne mamasa irɨttas kuhsninta, kizamtu.

San Juan 1:21

Suasne mamasa kaizat kit mɨmaara: —¿Nune mɨnmas? ¿Elías, Dios pit kainammmikakish? Juanne kaiznara: —Nane chish. Kwizta ussa mɨmaara: —Suasne, ¿Nune mamaz wat kainammumikakish? Usne sɨnkanara: —Nane chish.

San Juan 1:25

—Nu Dios watsat mɨlmumika chine, Elías chine, kainammumika chine, ¿Chikishma munnanamtus?

San Juan 4:19

Sun mɨrawane, ashampane ussa kaizta: —Anpat. Nu sun nawa pian akwa, nane nu Dios pit kainammmika i piankamtus.

San Juan 6:14

Suasne Jesús iztasparɨt kal kirɨt aizpa izarawane, awane kaizara: —Watcha. Usne Dios pit kainammmika i. Diosne ussa kin nam kit au sukin ɨninta.

San Juan 9:17

Mamasa kasu izsachimikasha mɨmaara: —¿Nune chi kiztu kasu izkulnintamikawa? Usne kaiznara: —Usne Dios pit kainammmika i.

Hechos 5:5

Sun mɨrawane, Ananíasne nain kit ira. Wanne sunta piankamara aizpa ishkuara.

Hechos 7:37

Moisésmin Israel awara kaiznara: ‘Diosne maza ɨninmikasha paiña kwaltas ɨninnazi, na ɨnintukana ɨninnapa. Ussa mɨrain.’

Gálatas 1:24

Dios nawa maizta akwa, uspane “Dios kwisha wari” kaizara.