San Lucas 2:10 - Masas Pit Jesucristowa

¹⁰ Ángelne usparuza kaiznara: “Ishkuman. Nane umɨza watsal pit kainananamtus, wan awa kwisha wat kulanapa.

San Lucas 2:10 Iomraidhean Croise

San Mateo 14:27

Suasne Jesúsne usparuza parat kit kaiznara: —Une tɨnta kultain. Na ish. Ishkuman.

San Mateo 28:18

Suasne Jesúsne usparuza kasha ɨt kit kaiznara: —Diosne nawa kiwainta, wan chiyurakas wan au sukinkas tɨnta ɨninnapa.

San Mateo 28:5

Suasne ángelne ashamparuza kaiznara: —Ishkuman. Nane u Jesústa, piantarɨtmikasha, saimtuas pianish.

San Marcos 1:15

Awaruza ka kiznara: “Diosne sun payu narɨt, awaruza ɨninnanapa, usparuza watsat mɨlnanapa. U kwail kwizninnat kit Dios watsal pit nɨjkultain,” kiznara.

San Marcos 16:15

Suasne Jesúsne usparuza kaiznara: “Wan suwara ɨrain. Pailta awaruza Dios watsal pit kainarain.

San Lucas 1:13

Ángelne ussa kaizta: —Zacarías, an ishkumun, Dios nu paikwat aizpa mɨra akwa. Up ashampane, Isabelne, ampu pashpa mɨlnazi. Nune ussa Juan munnazi.

San Lucas 1:19

Ángelne ussa sɨnkara: —Nane Gabriel munish. Nane Dios uzkin kunish. Usne nawa nua kwinta kininpa ɨninchish, nu sun watsal pit mɨnapa.

San Lucas 1:30

Suasne ángelne ussa kaizta: —María. Ishkumun. Diosne nua wat kit kit kiwainshimtu.

San Lucas 2:11

Mɨrain. Ma payu watsat mɨlmumikane Davidpa pɨpulura nishta. Sun Anpatne Dios nɨrɨtmika i.

San Lucas 24:47

Une Jerusalén pɨpuluras wan surakima awaruza Dios pit Jesúspa kainanarawa, kwail kimtuz uspa kwail chɨhkaat kit maizanapa, Dios uspa kwail kiarɨt aizpa wat kulnanapa.

San Lucas 8:1

Sun kitpane, Jesúsne akkwan ainki pɨpuluwarakas akkwan katsa pɨpuluwarakas ɨra, Dios watsal pit kainaana, Dios doce awaruza ɨninnanapa.

Hechos 13:32

Sunkana aune Dios watsal pit uruza kainapuspas. Diosne au ñancha kwaltuza sun watsal pit kwinta kin namnara.

Romanos 10:15

Dios pit kainammmika uspa uzkin ɨmtuchasmin, awane ussa ɨnintawa. Dios pɨnkɨhta ka parɨt: “Dios watsal pit kainammmika pianakane, awane kwisha watsal kianazi, Dios watsal pit mɨamtu akwa.”

Efesios 3:8

Wan Dios piantuzkin nane anza we pianmika ish. Na an we piankas, Diosne nawa wat kit kit sun kal nawa chɨhkara, Judío chi awaruza Dios watsal pit kainanapa, Cristo awaruza kwisha wat kinamtu piankamanapa.

Colosenses 1:23

Cristo kaizta aizpa nɨjkultakima, une kawarain nɨjkulmɨztain, tɨnta kulnakima, Diostas paimpa ɨtchin. Une Dios watsal pit mɨat kit tɨrɨzamtu, Dios u akwa wat kinanapa. Wan au sukin uzturuzne sun watsal pit mɨara. Nane, Pablone, Diospa kiwainmumika ish, paiña watsal pit kainana.