San Juan 9:4 - Masas Pit Jesucristowa

⁴ An payu asmin aune kal kipuspas. Tɨl pakane, aune kal kisachimakpas. Sunkana pailta payukima nane ap Taittawa kal kitpaish, us paiña kal kinpa, nawa ɨnintɨt akwa.

San Juan 9:4 Iomraidhean Croise

San Mateo 20:7

Uspane kaizara: ‘Mɨnminkas aumɨza kal kin namninnarachi.’ Suasne usne kaiznara: ‘Une ap sura kal kin ɨrain. U kal kit aizpa tananash,’ kiznara.

San Marcos 3:3

Suasne Jesúsne ampu chihtɨ chɨhpailtɨtmikasha kaizta: —Apain paizkakin kunanka, kizta.

San Juan 10:32

Jesúsne kaiznara: —Ap Taitta nawa sun kal kin ɨninta akwa, nane u iztukin kwisha wat kal kirau. Na kal kit akwa, ¿une nawa uk kiashimtukiwas?

San Juan 10:37

Ap Taittawa kal kirɨt aizpa kimakane, nawa nɨjkulman.

San Juan 12:35

Katmizna Jesúsne kaiznara: —Nane kai malnintumikane ish. Nakas awaruza na kamtamtu aizpa piankamninmika ish. Nane ukasa akkwan payukimain uzmanash. Na kaizta aizpa mɨrain, piankamanapa, nil uzanapa. Na kaizta aizpa piankamtachiruzne tɨlta chamturuzkana mai. Uspane wan kaarɨnazi.

San Juan 17:4

Nane an suras awaruza nu anza tɨnta i piankamninnara. Nane nu nawa ɨnintɨt aizpa kin pailtɨt ish.

San Juan 4:34

Jesúsne kaiznara: —Diosne nawa apa ɨninta, awaruza Diospa kainanapa. Nane us kaizta aizpa kishimtus, pailnakima. Na paiña kal kikane, nane kwisha warish. Kumira kwatkanain i.

San Juan 5:19

Jesúsne usparuza Sábado payuwa, uspa kwaizkulmu payuwa, sɨnkanat kit kaiznara: “Watcha kaiznamtus. Nane, Dios Painkulne, apminpain kal kimtuchish. Nane ap Taitta kal kimtu aizpa iztus. Nakas ap Taitta kimtu aizpa kimtus.

San Juan 5:36

Mamazne, ap Papihshne, na akwa wat kainammtus. Paiña pitne Juanpa pitkin anza tɨnta i, ap Papihsh nawa iztasparɨt kal kinpa, kiwainta akwa. Na sun kal kimtu akwa, une Dios nawa ɨninta piankamashina.

San Juan 7:33

Suasne Jesúsne kaiznara: —Nane ukasa akwan payu chin tunash. Suasne nawa ɨnintamikawarain kailtɨnash.

Hechos 4:20

Aune izta aizpakas mɨra aizpakas kwinta kimɨztawamakpas.

Gálatas 6:10

Katmizna, an sura uztuasmin, aune pailta payukima pailtaruza wat kiarawamakpas. Watcha, aune Diosta piantuzakas wat kiarawamakpas, uspa Jesucristora nɨjkulamtu akwa.

Efesios 5:16

Pailta payukima wat kirain, kwail awa uzat kit kwail kiashimtu akwa.

Colosenses 4:5

Cristora pianchiruzkasa uzamtuasmin, pailta payura uspa iztakin nil kiat kit uztain, usparuza Dios pit kainanapa.