San Juan 9:16 - Masas Pit Jesucristowa

¹⁶ Suasne mɨnpazha Fariseo awaruztas kaizara: —Sun kirɨtmikane Diostas asachi. Usne kwaizkulmu payu nɨjchiwal kimtu. Mamaztuzne kaizara: —Kwail kirɨtmika kane, ¿Mizama akwan wat kal kishinai? Sun kizara aizpa akwa, uspane usparuzpain paimpa naiyara.

San Juan 9:16 Iomraidhean Croise

San Mateo 12:10

Suane maza chihtɨ chɨhpailtɨt ampune tuara. Jesústa kwail kimtu kizshimturuzne pura. Uspane Jesústa mɨmaara: —¿Nune kwaizkultu payura an intumikasha kakulninshimas? ¿Mɨn nua ɨninta, an intura kakulninnapa? Moisés pɨnkɨhta parɨtkin kwaizkultu payura kakulninna parɨt chi.

San Mateo 12:2

Fariseo awa sun izarawane, Jesústa kaizara: —Izti. Up kammuruzne kal kiamtu. Kwaizkultu payura kal kinchi.

San Lucas 13:14

Kammu yal ɨninmikane Jesústa pilchapuzta, Jesús kwaizkulmu payura kakulnintɨt akwa. Usne awaruza kaiznara: —Seis payukima kal kitpamakpas. Seis payukima ishturuza kakulnintawa. Kwaizkulmu payura kakulninkain, kiznara.

San Juan 10:19

Judío awa ɨninturuz us kaizta aizpa mɨarawane, uspane usparuzpain paimpa ɨara.

San Juan 14:11

Une na Taittakasa uztu nɨjkultain. Kawarain Taitta nakasa uztu nɨjkultain. Na uruza kaizta aizpa nɨjkulamtukine, na kal kirɨt akwa nɨjkultain.

San Juan 15:24

Na uspa iztakin sun iztasparɨt kal kitkas, uspane uspa kwail kiarɨt aizpa maizashitchi. Mɨnminkas sunkana kal kitchi. Na kirɨt aizpa izaratkas, uspane nawakas ap Taittarakas aliz kulamtu.

San Juan 2:11

Jesúsne sunkana kira Caná pɨpulukin, Galilea sura. Usne sun an ñancha iztasparɨt kal awara kamtana kira, awa ussa piankamanapa, kwisha wat kal kirɨt kizanapa. Suasne aune, paiña kammuruzne, ussa nɨjkultamakpas.

San Juan 3:2

Usne maza amta Jesús tukin ɨt kit kaizta: —Kamtam. Aune Dios nua ɨninta pianmakpas, aumɨza kamtanana. Dios nua kiwaintu akwa, nune akkwan iztasparɨt kal kimtu, awara kamtanana.

San Juan 5:10

Judío awa ɨninturuzne kakultɨtmikasha kaizara: —Ma payu kwaizkultu payu i. Nune up kama mɨlna ɨninsachi.

San Juan 5:36

Mamazne, ap Papihshne, na akwa wat kainammtus. Paiña pitne Juanpa pitkin anza tɨnta i, ap Papihsh nawa iztasparɨt kal kinpa, kiwainta akwa. Na sun kal kimtu akwa, une Dios nawa ɨninta piankamashina.

San Juan 6:52

Katmizna Judío awa ɨninturuzne Jesúspa tɨnta kwinta kiat kit usparuzpain kaizara: —An ampune ¿Mizama paiña ña kwinshina, au kuwiznapa?

San Juan 7:12

Awa usparuzpain us akwa kwisha kwinta kiara. Mɨnpazha ka kizara: “An ampune wat amit.” Mamaztuzne ka kizara: “Usne watchi. Usne awaruza kain kinamtu.”

San Juan 7:23

Une ampu pashpawa aya tɨttamtu, Moisés kaizta aizpa kianapa. Une kwaizkulmu payura sun kiamtu. Na maza ampura kwaizkulmu payura kakulnintune, une ¿chitma nakasa aliz kulamtu?

San Juan 7:43

Awane Jesús akwa paimpa ɨara.

San Juan 9:24

Suasne Judío awane mamasa an ñamin kasu izsachimikasha akwaat kit kaizara: —Dios iztakin watcha kaizti. Aune an ampu kwail kimmika i pianmakpas.

Hechos 14:4

Akkwan pɨpulukis awaruzne nɨjkularachi. Mɨnpazha Judío awakasa nɨjkulara. Mamaztuzne Dios ɨnintaruzkasa nɨjkulara.