San Juan 5:41 - Masas Pit Jesucristowa

⁴¹ Awa nawa wat paramtukas, nane u watsal pit nawa paramtu aizpa mɨshitchi ish.

San Juan 5:41 Iomraidhean Croise

San Juan 12:43

Uspane awa uspawa minñara aizpa ishkuara. Sunkana uspane Dios uspawa mintu aizpa izkiamtuchi.

San Juan 5:34

Apas awa chiwazha kuruntu aizpa pashiamtukas, nane sunpa pashitchi ish. Mɨshitchish. Nane uruza Juanpa, nawa watcha kainammmikawa, paranamtus, Dios uruza watsat mɨlnanapa.

San Juan 5:40

une nawa aashimtuchi, nawa nɨjkulana, pailta payu uzana.

San Juan 5:42

Anpa nane uruza pianish. Une Diosta pashiamtuchi.

San Juan 5:44

U uruzpain wat kizamtu akwa, une wat kulamtu. Diosne mazain uz. U Diosta piankamtuchi akwa, Diosne, mazain uzmikane, uruza wat awa mai kizmanazi. Katmizna une nawa nɨjkulasachi.

San Juan 6:15

Suasne Jesúsne awa minñamtu aizpa nɨjkulta. Uspane ussa paiña mikwa namninashimtu. Usne mamasa kwash ɨzara usparuztas paimpa ɨrɨt, mazain tuan.

San Juan 7:18

Usminpain paramtumikane sunkana kimtu, awa ussa wari paraanapa. Kal kimtumikane paiña kal kitpa, awa ussa ɨninmumikasha wari kizanapa. Sun ampune watcha i. Mizurainkas pɨrail kaiztuchi.

San Juan 8:50

Nane awaruza saimtuchi, nawa wari kiznapa. Diosne nawa wari kiznazi. Usne wan iz kit na akwa nil kiznazi.

San Juan 8:54

Jesúsne sɨnkanara: —Nain watcha ish kaiztane, na kaizta aizpa kainsɨh. Ap Taittane nawa wari kiztu. Ukas us au Dios i kizamtu.

1 Tesalonicenses 2:6

Aune chinkas saimtuchimakpas, au wat awain kizanapa. Aune mizurainkas Dios pit kamtanarachimakpas, u au akwa wat minñanapa, mamaz awa au akwa wat minñanapa.

1 San Pedro 2:21

Diosne uruza akwanara, uspa kal kianapa. Cristone u akwa naiz kit irɨt. Cristone aumɨza miza uzana kamtanara, ussa kanpanapa.

2 San Pedro 1:17

Au Taitta Diosne chiyuras ussa “kwisha wari” kizta. Au iztakin an tɨnta namtɨt. Dios chiyuras paramtuasmin, usne ka kaizta: “Anne ap pashimtu painkul i. Uskas ap narɨtmika i. Usne na pashimtu aizpa kimtu.” kizta.