San Juan 21:16 - Masas Pit Jesucristowa

¹⁶ Jesúsne mamasa ussa mɨmara: —Simón, Juanpa painkul, mɨzha. ¿Nawa pashimtukish? Pedrone sɨnkara: —Watcha, Anpat. Nune na nua pashimtura pian. Jesús kaizta: —Nawa nɨjkulamturuza iznari. Uspane ap pɨrikukana mai.

San Juan 21:16 Iomraidhean Croise

San Mateo 2:6

“Belén pɨpulune Judea sukin ainki pɨpulu i. Akkwan awa an ainki pɨpulukin uzamtuchikas, anza katsa mikwane sun pɨpulukin kawinazi, ap Judío awaruza kiwainanapa.”

San Mateo 25:32

Wan suras awane paiña iztakin wanmakkanazi. Usne pɨriku izmumikana i. Pɨriku izmumikane pɨrikuruzkas cabraruzkas paimpa ɨninnanazi. Kawarain Ampu namtɨtmikane wan awaruza paimpa ɨninnanazi.

San Mateo 26:72

Mamasa Pedrone pɨrail kiz kit kain kaizta: —Dios iztakin nane an ampura pianchish, kizta.

San Lucas 19:10

Chiyuras ampune apain azi, awa karɨttuza sainana, uspa kwail kiarɨt aizpa wat kulninnana.

San Juan 18:17

Nimpihsh pɨjta iztamikane Pedrora iz kit mɨmara: —¿Nune an ampuwa kammumikakish? Pedrone sɨnkara: —Na chi ish.

San Juan 18:25

Simón Pedro kun kit ikultuasmin, uspane ussa mɨmaara: —¿Nune an ampuwa kammumikakish? Pedrone pɨrail kiz kit kaizta: —Na chi ish.

San Juan 21:17

Jesúsne kutña pijikima ussa mɨmara: —Simón, Juanpa painkul, mɨzha. ¿Nawa pashimtukish? Pedrone tayalmɨzta, Jesús kutña pijikima “nawa pashimtukish” mɨmara akwa. Suasne sɨnkara: —Anpat, nune wan chiwal pian. Nune na nua pashimtura pian. Jesúsne kaizta: —Nawa nɨjkulamturuza iznari. Uspane ap pɨrikukana mai.

Hechos 20:28

Katmizna mane une uruzpain iztain. Sɨnam Izpulne sun kal uruza chɨhkanarɨt, Diosta wanmakmuruza iznat kit kiwainanapa. Diospa painkul irawane, paiña aimpi puztawane, Diosne awaruza akwanara, wanmakkat kit paiña kwalkanain uzanapa.

Hebreos 13:20

Mane nane Diosta u akwa paikwanash, Dios uruza chiyura watsat mɨlninanapa, kalpain uzanapa. Diosne au Anpat Jesucristora, au katsa pɨriku izmumikasha, irɨttas kakulninta. Jesúsne paiña aimpikasa masas contrato chɨhkara, aumɨza chiyura napninnanakima. Aune chiyura pailta payukima uskasa uzanapas, Dios aumɨza mɨlan namtɨt aizpa kinpa.

1 San Pedro 2:25

Une pɨriku ishkwarɨtkana ñan miwara ɨara. Mane Cristone uruza kwail miras kailninnara, pɨriku izmumikasha, Cristora, kanpaanapa. Usne uruza iznamtu.

1 San Pedro 5:2

Nane kurunturuza ka paikumtus: U uzkin Diosta wanmakturuza kwira kitpai, iztawai. Wat izmumikakana Diosta piantuza kiwaintuasmin, watsal kiat kit Dios pashit aizpa kiarawai. Diospa kal kinchi, pial kwazpa kultɨnpa. Usparuza kiwainarawai. Usparuza mikwakana ɨninnarachi. Wanmaktuza kiwainamtuasmin, une uspa iztakin watsal uzarawa, Dios uruza kamtanarɨt aizpa sunkanain kamanapa.

Apocalipsis 7:17

An Pɨrikune Dios ɨninmu uzkin uzi. Usne pɨriku izmumikakana wantuza iznanazi. Usparuza wat miwara ɨninnat kit usparuza wat iznanazi, pailta payukima chiyura uzanapa. Diosne uspa kappi puztɨt aizpa sɨnam kihat kit usparuza an tayalninnamanazi.”