San Juan 13:3 - Masas Pit Jesucristowa

^3-4 Jesúsne Diostas at piankamta. Diostakima kailmɨztu uskasa uzna piankamta. Paiña Papihsh ussa wan ɨninnapa mɨlatkas, Jesúsne kiwainmikakana misharɨras kun kit paiña ɨsal kwaksham ukkat kit kiham pĩnkas usmin pɨjara ipta.

San Juan 13:3 Iomraidhean Croise

San Mateo 11:27

Nu ap Taitta akwa, nune nu pashit aizpa nawa wan kinpa chɨhkarɨt. Papihshmin Painkulta wat pian. Painkulminkas Papihshta wat pian. Painkulkas mamaztuza nanaat kit kiwainnamtu, Papihshta piankamɨznapa. Paiña Papihshta sun kiztawane, usne awaruza ka kiznara:

San Mateo 28:18

Suasne Jesúsne usparuza kasha ɨt kit kaiznara: —Diosne nawa kiwainta, wan chiyurakas wan au sukinkas tɨnta ɨninnapa.

San Lucas 10:22

Ap Taittane chikas wantain nawa ɨninna chɨhkarɨt. Mɨnminkas Painkulta pianchi. Papihshmin ussa pian. Mɨnminkas Papihshta pianchi. Painkulmin ussa pian. Painkulne mamaztuza kiwainamtu, Papihshta piankamanapa.”

San Juan 1:18

Mɨnminkas Diosta izarachi. Paiña painkulmin Papihshkasa sulmin uztu. Usne aumɨza paiña Papihshta piankamninnarɨt.

San Juan 13:1

Mane Pascua pishta taiznapain. Jesúsne us imtu payu taiznapain piankamta, an sukis puz kit papihsh uztukin kailna. Usne an sukin ussa nɨjkulturuza pailta payukima kwisha pashinara. Usne us imtu payukima usparuza pashinara.

San Juan 17:2

Nune nawa up Painkulta narɨt, wan awaruza ɨninnanapa, wan nawa kammuruza pailta payukima uzninnanapa. Nune usparuza nawa mɨlanara.

San Juan 3:13

Mɨnminkas chiyura nurachi. Chiyuras Ampumin chiyura uz kit tas kihshta, awaruza chiyuwa piankamninna.

San Juan 3:35

Papihshne paiña painkulta pashit kit paiña kal ussa chɨhkara, wan ɨninnapa.

San Juan 7:29

Nain ussa pianish, us nawa ɨninta akwa. Mane tas arau.

San Juan 7:33

Suasne Jesúsne kaiznara: —Nane ukasa akwan payu chin tunash. Suasne nawa ɨnintamikawarain kailtɨnash.

San Juan 8:14

Jesúsne sɨnkanara: —Nain paramtukas, na kaizta aizpa watcha i. Nane mɨntas at pianish. Mɨnta ɨmtukas pianish. Une na mɨntas amtukas mɨnta ɨmtukas pianchimai.

San Juan 8:42

Jesúsne kaiznara: —Dios u Taitta watcha aratne, une nawa paashina. Na Diostas at akwa, akki tus. Apminpain atchish. Sunkana Diosne nawa ɨninta.

Hechos 2:36

Une, Israel awane, mɨat kit piankamtain. Nane Jesúspa watcha kaiztus. Une Jesústa iru patpian piantaara. Diosne ussa Anpatkas Cristokas munta.”

1 Coríntios 15:27

Diosne wan chiwal Cristora chɨhkara, wan ɨninnapa. Cristo wan ɨnintukas, usne Taitta Diosta ɨnintuchi, paiña Papihshmin Cristora wan chɨhkara akwa, wan ɨninnapa.

Hebreos 1:2

An minpa payura Diosne paiña painkulta ɨninta, aumɨza parananapa. Diosne ussa narɨt, wan chiwal sarɨt aizpa sapnapa, wan ɨninnapa. Dioskas paiña painkul akwa wan sukas wan chiyukas sara, wan pa kianapa.