San Juan 11:11 - Masas Pit Jesucristowa

¹¹ Sun kiztawane, Jesúsne an kaiznara: —Au izmumika Lázarone pirɨt tui. Sunkana nane ussa izkulninnash.

San Juan 11:11 Iomraidhean Croise

San Mateo 27:52

Pantiónpa yal azpianara. Akkwan Diosta piantuza irɨttas kuhsara.

San Mateo 9:24

—Akkis puztain, nimpihsh ashampa irachi akwa. Pittɨt tui, kiznara. Sun mɨamtuasmin, uspane Jesústa ishanara.

San Marcos 5:39

Naptawane, usne usparuza kaiznara: —¡Kwianman! ¡Azaman! kiznara. Sun awane manta kimmikawa pashu irɨt nɨjkulara. Usne kaiznara: —Sun pashpane pittui. Uznazi, kiznara.

San Juan 11:10

Sunkana Diosta nɨjkultuchimikane, amtawara chamtumikakana i. Diosta pianchimikane, Dios uztukin pianasachi, Dios kamtamtu aizpa kanpamtuchi akwa.

San Juan 11:12

Suasne paiña kammuruzne kaizara: —Anpat. Pittane, usne suas kakultanazi.

San Juan 11:13

Jesús Lázaro irɨtpa paranamtuasmin, kammuruzne Lázaro pittɨttu minñara.

San Juan 11:3

Lázarowa kwampihshne paiña pit ɨnin kit Jesústa ka kaizpailta: —Anpat. Up wat izmuruz imtu tui.

San Juan 3:29

Na kaizta aizpa uruza piankamninnashimtu akwa, nane an kwinta kinash. Casara kit pishta samtune, ampu kanpain mɨjmikane ashampa kanpain mɨjmikasha mɨj. Ampu kanpain mɨjmikawa izmumikane makin mɨt kit kuntu. Sun parɨt aizpa mɨrawane, watsal mintu. Nakas sunkanain mane watsal mintus, akkwan awa Jesústa ɨamtu akwa, us kaizta aizpa mɨamtu akwa.

Hechos 7:60

Kwiztane Estebanne wakpuj wain kit tɨnta ka kwianta: “Ap Anpat. Uspa kwail kiara aizpa sɨnam kwizninnari.” Sun kiztawane, ira.

1 Coríntios 15:18

Cristo irɨttas kakultakine, suasne Cristora nɨjkulamturuzkas ñamin irɨttuzkas mama kaarɨtmin mai.

1 Coríntios 15:34

Nɨjkul kit nil aizpa kirain, kwail kiamanpa. Mɨnpazha uruztas Diosta mama wat piankamarachi. Sunkana kiztus, uruza mɨtsal kininnanapa.

1 Coríntios 15:51

Nane uruza an ñamin kamtanarachi aizpa piankamninnanash. Wanne iamanapas. Au wan awane mamaz tuntu izanazi.

Efesios 5:14

Sun akwa awane uspa kwail kiamtu piankamanazi. Mazane ka kaizta: “U Cristora pianchiruz mɨrain. Diosta kailtain. Cristone uruza watcha piankamninnanazi.”

Santiago 2:23

Sunkana Dios pitta ka parɨt: “Abraham Diosta nɨjkulta akwa, Diosne ‘nune wat awa i.’ ” kizta. “Nune ap izmumika i” kizta.