San Juan 1:49 - Masas Pit Jesucristowa

⁴⁹ Suasne Natanaelne kaizta: —Ap kamtam. Nu kaiztɨt akwa, nane nu Dios painkul i pianish. Nune au Judío awawa ɨnintamika i.

San Juan 1:49 Iomraidhean Croise

San Mateo 14:33

Suasne kanua waruzne Jesús iztukin wakpuj wainñat kit kaizara: —Watcha. Nune Dios Painkul i, kizara.

San Mateo 2:2

Uspane ka mɨmaara: —¿Mɨntama sun pashpa mɨlta? Usne Judío awaruza ɨninnanazi. ¿Mɨntama tui? Aune paiña kɨma pãn puzmukin izanash. Sun akwa aune apain aanash, ussa wakpuj wainñana.

San Mateo 21:5

“Jerusalén pɨpulu uztuza kaiztain: ‘Iztain. Up katsa mikwane amtui. Us wat akwa, kalpain uztu. Burrora anuztui. Ainki kwa kamtɨtchi burrora anuztui.’ ”

San Mateo 23:7

Pɨpulumal pɨntuasmin, awa usparuza ‘kamtam kakishapu’ kizakane, uspane ‘an wat awa mai’ minñamtu.

San Mateo 23:8

Une uruzpain an katsa mika namninman, awa uruza kamtam i kizamanpa. Une aimpihshtuzpakanain mai. Une maza kamtammin mɨj. Usne Cristo i.

San Mateo 27:11

Jesús Pilatokin panasmin, usne Jesústa mɨmara: —¿Nune Judío awawa mikwa kish? Jesúsne ussa kaizta: —Nu kaizta aizpa watcha i.

San Mateo 27:42

—Us mamaztuza watsat mɨlnarakas, usmin watsat mɨlsachi. Israel awa mikwa kane, usne kurishtas kihshshina, au us kaizta aizpa nɨjkulanapa.

San Mateo 4:3

Suasne Diablone ustukin pianara. Ussa kwail kininshimtu akwa, ussa kaizta: —Nu “na Dios Painkul ish” kiztune, suasne an ukkasa pan sari, kizta.

San Marcos 15:32

Cristone, Judío awawa mikwane, sun kurishtas kihshshina. Nu Cristo kane, kihshti, au izanapa. Kurishtas kihshtane, aune nua nɨjkulanapas, kizara. Kurishta iru patpianmuruzkas ussa kwail kizpailta.

San Lucas 1:35

Ángelne ussa sɨnkara: —Diosne Sɨnam Izpul akwa nu tukin anazi. Katsa Diosne nua tɨnta kiwainazi, pashpa pɨja wanapa. Katmizna up kawintu pashpane Dios pashimtu aizpa kinazi. Dios Painkulkas munnazi.

San Lucas 19:38

Ankana kaizara: “Dios ɨnintamikane kwisha wari. Katsa mikwa i. An chiyuras atmikane aumɨza watsat mɨlnamtu,” Dioskasa kalpain uzanapa. Aune chiyura Dios kwisha wari kizmuspas

San Juan 1:18

Mɨnminkas Diosta izarachi. Paiña painkulmin Papihshkasa sulmin uztu. Usne aumɨza paiña Papihshta piankamninnarɨt.

San Juan 1:34

Na watcha sun izta akwa, nane uruza ka kaiznamtus: ‘Anne Dios Painkul i.’ ”

San Juan 1:38

Jesúsne ussa kwizpa kanpaka iz kit kaizta: —¿Chima saimtuas? Uspane kaizpailta: —Kamtam, ¿Mɨntama uzish? Usne sɨnkara: —¡Izna arain!

San Juan 1:50

Jesúsne ussa kaizta: —Nu hiquera tɨ kwalkin uztuasmin, nane nu tukin piankamtau. Na sun kizta akwa, ¿nawa nɨjkulmas? Nune ankin anza katsa kal iznazi.

San Juan 18:37

Suasne Pilatone mɨmara: —Suasne ¿Nune ɨninmikakish? Jesúsne sɨnkara: —Nane ɨninmika ish. Nu kaizta aizpa watcha i. Nane an sura arau, watcha pit kamtana. Watcha pit piankamshimtumikane na kaizta aizpa mɨmtu.

San Juan 4:31

Aamtuasmin, paiña kammuruzne Jesústa paikwat kit kaizara: —Kamtam. Chiwazha kwari.