San Juan 1:47 - Masas Pit Jesucristowa

⁴⁷ Natanael Jesús tukin kashara piannamtuasmin, Jesúsne ussa iz kit kaizta: —Ussa izti. Apa wat Israel awa amtui. Watcha kwinta kimtu akwa, usne mamaztuza kain kikain.

San Juan 1:47 Iomraidhean Croise

San Juan 2:25

Jesús wan awa minñamtu aizpakas kiamtu aizpakas pian akwa, mɨnminkas ussa kamtanashimtuchi, wan awa ayukta minñamtu aizpa pian akwa. Awaruzne maizpa maizamtu.

San Juan 4:16

Jesúsne ussa kaizta: —An ñancha ɨt kit up ampura akwarash. Suasne akkin anka.

San Juan 8:31

Suasne Jesúsne Judío awa ussa nɨjkultaruza kaiznara: —U na kamtara aizpa nil kiamɨztane, une ap kammuruz namashina.

San Juan 8:39

Uspane sɨnkaara: —Au taittane Abraham i. Jesúsne kaiznara: —U Abrahampa painkultuz watcha aratne, une Abrahamkanain Diosta kanpaashina.

Romanos 9:4

Diosne usparuza Israel awa munnara. Usne usparuza paiña pashpakanain kwira kinarɨt. Israel awa pul suwara chamtuasmin, usne usparuza yawa watsal Dios i piankamninnara. Usne usparuza akkwan pijikima kin namnara, watsat mɨlnanapa, Dios akwa uzanapa. Usne usparuza Sinaí ɨnkalkin kwinta kinara, us ɨnintɨt aizpa sappat kit mɨanapa. Usne usparuza wanmakninnara, ussa wakpuj wainñanapa. Usne usparuza kwisha akkwan kin namnara, watsat mɨlnanakima.

Romanos 9:6

Akkwan Israel awa Cristora nɨjkularachikas, Diosne usparuza paiña pitkin namtɨt aizpa kinarɨt. Wenamtachi. Dios Israel awaruza paiña kwal namninnarɨtkas, usne an akkwan awaruza nanara, paiña kwalkas namanapa.

Filipenses 3:3

Au Cristora nil nɨjkulamtu akwa, aumin watcharuz makpas. Paiña Izpul akwa, Diosta wakpuj waintumakpas. Jesucristowa kwisha wat mintumakpas. Aumin kal kiarɨt aizpa nɨjkultuchimakpas, sɨnam watsanapa.

1 San Pedro 2:1

Ka akwaizna wan tuntu kwail kiman. Mamaztuza pɨrail kaiznachi. U kwail kiarɨt aizpa puinkain. Mamaz mɨj aizpa pashikain. Mamaztuza kwail pit parakain.

1 San Pedro 2:22

“Cristone mizurainkas kwail kitchi. Usne pɨrail kaiznarachi.”

Apocalipsis 14:5

Uspakas pɨrail kaizarachi. Sɨnam awa mai.