San Juan 1:44 - Masas Pit Jesucristowa

⁴⁴ Felipene Betsaida pɨpuluras azi. Suane Andréskas Pedrokas uzpailta.

San Juan 1:44 Iomraidhean Croise

San Mateo 10:3

Felipekas Bartolomékas purazi. Mamaz Tomáskas munazi. Mateone, Roma gobierno pial ñamin saptɨtmikane, azi. Santiagone, Alfeo painkul, azi. Mamaz Tadeo muntɨt.

San Mateo 11:21

“Corazín pɨpulukin uztuzkas Betsaida pɨpulukin uztuzkas kwisha akkwan naizarɨnazi. Na uspa pɨpuluruza akkwan iztasparɨt kal kitkas, uspane nawa nɨjkularachi. Tiro pɨpulukin uztuzkas Sidón pɨpulukin uztuzkas sun iztasparɨt kal izaratne, uspane ñamin uspa kwail kiarɨt aizpa maizashinat kit Diostakas kaiyashinara. Tayalara akwa, uspane tɨlkaya pĩn kwaarɨmashina. Tayalta akwa, uspane putchã imkas kɨzpura sɨntɨrashina.

San Marcos 3:18

Anpane Andrés, Felipe, Bartolomé, Mateo, Tomás, Santiago, Alfeo painkul, Tadeo, Simón, Cananeo suras,

San Marcos 6:45

Suasne usne paiña kammuruza kanuara ɨninnara, uspa an ñancha kwakkanapa, Betsaida pɨpulurakima. Kwiztane usne wanta ɨninnara uspa yaltakima.

San Marcos 8:22

Kwiztane Jesúskas paiña kammuruzkas Betsaida pɨpulukin aara. Mɨnpazha awane awa izsachira Jesústa karat kit tɨnta paikuat: —¡Ussa paari, kasu izkulnapa! kizara.

San Lucas 10:13

“Corazín pɨpulura uztuzne tayalanazi. Betsaida pɨpulura uztuzne tayalanazi. Nane akkwan watsal iztasparɨt kal sun pɨpuluruza kirau. Na watsal iztasparɨt kitkas, uspane Dios pit mɨashitchi, uspa kwail kiarɨt aizpa sɨnam sananapa. Tiro pɨpulura uztuzkas, Sidón pɨpulura uztuzkas na kaizta aizpa mɨaratne, uspane uspa kwail kiarɨt akwa tayalshinara. Ma payu uspa kwail kiarɨt aizpa wat kulnarachi.

San Lucas 6:14

Sunkana uspane ka munnara. Simónpa mun maiztɨt. Mane usne Simón Pedro mun i. Mamazne, Simónpa aimpihshne, Andrés mun i. Santiagokas, Juankas, Felipekas, Bartolomékas,

San Lucas 9:10

Tas kaiyarawane, ɨnintaruzne ussa chiwazha uspa kiarɨt aizpa kaizara. Usne usparuzain Betsaida pɨpulura minat kit ɨara.

San Juan 1:43

Tɨlawarane Jesúsne Galilea sura ɨshira. Felipera wanmal kit kaizta: —Kanpazha, ap kammumika namnapa.

San Juan 1:45

Suasne Felipene Natanaelta sait kit kaizta: —Aune mazara wanmaltamakpas. Moisésne us akwa Dios ɨnin pɨnkɨhta parɨt. Dios kainammtuzkas us akwa paraara. An Jesúsne Joséwa painkul i. Usne Nazaret pɨpuluras i.

San Juan 1:46

Natanaelne kaizta: —Nasaret pɨpuluras chinkas wat puzsachi. Felipene sɨnkara: —At kit ussa izti.

San Juan 1:48

Natanaelne ussa mɨmara: —¿Mizama nawa pianish? Jesúsne sɨnkara: —Felipe nua akwatchasmin, nane nu tukin piankamtau. Nune hiquera tɨ kwalkin uzta.

San Juan 12:21

Suntuzne Felipera, Betsaida pɨpuluras atmikasha, kashara ɨat kit paikuat kit kaizara: —Anpat. Jesústa izshimuspas, uskasa kwinta kin.

San Juan 12:22

Felipene Andrésta ɨt kit sun kaizta. Uspa paasne Jesústa ɨil kit sun kainailta.

San Juan 6:5

Akkwan awa ussa kanpararuza iznarawane, Jesúsne Felipera kaiz kit mɨmara: —¿Mɨntama kumira paina ɨanapai, wan awa kuanapa?

San Juan 6:7

Suasne Capernaum pɨpulura ɨamtuasmin, Felipene ussa sɨnkara: —Mɨnpazha paas cien payu kal kitne, kumira paisachi, wanta pitchin nailnana.

Hechos 1:13

Pɨpulukin piannatpane, kwashtɨt yal pitmura nuarɨt. Pedrokas Juankas Santiagokas Andréskas Felipekas Tomáskas Bartolomékas Mateokas Santiago Alfeowa painkulkas Simón Celote munmikakas Judas Santiagowa aimpihshkas usparuzpain pura.