San Juan 1:34 - Masas Pit Jesucristowa

³⁴ Na watcha sun izta akwa, nane uruza ka kaiznamtus: ‘Anne Dios Painkul i.’ ”

San Juan 1:34 Iomraidhean Croise

San Mateo 11:27

Nu ap Taitta akwa, nune nu pashit aizpa nawa wan kinpa chɨhkarɨt. Papihshmin Painkulta wat pian. Painkulminkas Papihshta wat pian. Painkulkas mamaztuza nanaat kit kiwainnamtu, Papihshta piankamɨznapa. Paiña Papihshta sun kiztawane, usne awaruza ka kiznara:

San Mateo 16:16

Suasne Pedrone kaizta: —Nune Dios nɨrɨtmika i. Nune Cristo muntɨtmika i. Nune chiyuras Dios Painkul i, kizta.

San Mateo 17:5

Pedro paramtuasmin, naztam wanish taiz kit usparuza sɨpnara. Diosne wanishkin kaiznara: “Anne ap painkul i. Ussa kwisha pashimtus. Usne ap narɨtmika i. Us kimtu aizpa wari pianish. Us kaiztu aizpa mɨrain.”

San Mateo 26:63

Jesúsne puñain parɨt. Suasne katsa pariyane ussa kaizta: —Diosne chiyura uz kit nu kaiztu aizpa mɨmtu. ¿Nu Cristo muntɨtmika kish? ¿Nu Dios Painkul kish? Dios iztukin aumɨza watcha kaizchain.

San Mateo 27:40

ka kaizamɨzta: —Nune akkwan pit kaizta. Nune an Diospa yal kutña payura mamaza sanash kizta. Katmizna nuin kiwainti. Nuin Dios painkul kane, nuin kurishtas kihshti.

San Mateo 27:43

Diosta nɨjkultune, usne makis Diosta ussa watsat mɨlnapa paikwatpa. Dios ussa pashimtune, Diosne ussa kiwainshina, us “Dios painkul ish” kizta akwa.

San Mateo 27:54

Suasne suldaru ɨninmikakas Jesústa izmuruzkas ulmu mazara. Wan kiarɨt aizpa izara akwa, uspane kwisha ishkuat kit kaizara: —Watcha. An ampune Dios Painkul ara.

San Mateo 3:17

Suasne awane Dios chiyuras kaizka mɨara. Dios ka kaizta: “Anne ap painkul i. Ussa pashimtus. Uskasa kwisha warish,” kizta.

San Mateo 4:3

Suasne Diablone ustukin pianara. Ussa kwail kininshimtu akwa, ussa kaizta: —Nu “na Dios Painkul ish” kiztune, suasne an ukkasa pan sari, kizta.

San Mateo 4:6

Sua ussa kaizta: —Nune “na Dios Painkul ish” kizta. Katmizna akkis pɨlainti, awa nua izat kit nɨjkulanapa. Dios pɨnkɨhta ka parɨt: “Diosne paiña ángeltuza ɨninnanazi, nua kiwainanapa. Uspane uspa chihtɨkasa nua sappaanazi, mittɨ ukta kilmanpa.”

San Mateo 8:29

Jesústa ka kwianmɨzpailta: —Nune Dios Painkul i. ¿Aumɨza chima kishimtus? ¿Nune aumɨza an ñancha naizninna amas? Ma payu narɨt payu chi, kizpailta.

San Marcos 1:1

Sunkana Dios watsal pit masamtu. Sun pitne Jesucristowa, Dios Painkulpa, kainarɨt.

San Marcos 1:11

Diosne chiyuras ussa kwianta: “Nune ap painkul i. Nua pashimtus. Nane nua narɨt,” kizta.

San Lucas 1:35

Ángelne ussa sɨnkara: —Diosne Sɨnam Izpul akwa nu tukin anazi. Katsa Diosne nua tɨnta kiwainazi, pashpa pɨja wanapa. Katmizna up kawintu pashpane Dios pashimtu aizpa kinazi. Dios Painkulkas munnazi.

San Lucas 3:22

Chiyuras Diospa Izpulne utkurukana iztɨt. Jesústa kihshta. Mazane chiyuras kaizta: —Nune ap painkul i. Nua nat kit pashimtus, nu na kishit aizpa kimtu akwa, kizta.

San Juan 1:18

Mɨnminkas Diosta izarachi. Paiña painkulmin Papihshkasa sulmin uztu. Usne aumɨza paiña Papihshta piankamninnarɨt.

San Juan 1:49

Suasne Natanaelne kaizta: —Ap kamtam. Nu kaiztɨt akwa, nane nu Dios painkul i pianish. Nune au Judío awawa ɨnintamika i.

San Juan 10:30

Ap Taittakas nakas sulmin was.

San Juan 10:36

Diosne nawa paimpa nat kit an sura ɨninta. Na Dios painkul ish kizkane, une na Diospa kwail kiztu kaizasachi.

San Juan 11:27

Ussa kaizta: —Watcha, Anpat. Nune Dios narɨtmika i. Nune Dios painkul, au sura atmika i. Sun nɨjkultus.

San Juan 19:7

Judío awa ɨninturuzne ussa sɨnkaara: —Aune Moisés ɨninta aizpa mɨjmakpas. Sun ɨnimkin parɨt aizpa akwa, usne irawa, “nane Dios painkul ish” kiztu akwa. Us Dios painkul chi akwa, usne kwail kiz kit irawa.

San Juan 20:28

Suasne Tomásne kaizta: —Nune ap Anpatkas ap Dioskas i.

San Juan 20:31

Sunkana sunpawa iztasparɨt kal pɨnkɨhta parɨt, ukas Jesús Dios narɨtmika i nɨjkulanapa, u Jesús Dios painkul i nɨjkulanapa, ussa nɨjkulturuz pailta payukima uzanapa.

San Juan 6:69

Aune nua nɨjkultamakpas me. Aune nua piankamtamakpas. Nune Cristo i. Nune Diospa sɨnammika i.

2 Corintios 1:19

Uruza kamtanamtuasmin, aune uruza maza pitmin kamtanaramakpas. Aune uruza Dios Painkulpa kainanaramakpas. Silvanokas, Timoteokas, nakas uruza Jesucristowa kamtanaramakpas. Jesucristone mizurainkas maiztachi. Usne maza pit min kit watcha kaizta.

Hebreos 7:3

Mɨnminkas Melquisedecpa papihshpakas paiña akkuhshpakas pɨnkɨhta parachi. Mɨnminkas paiña kwal an ñamin uzturuza pianchi. Us kawira payukas us irɨt payukas mɨnminkas pianchi. Melquisedecne Dios Painkulkana i. Dios painkulne katsa pariya nam kit Dioskasa pailta payukima nukkultu.

1 Juan 2:23

“Jesús Dios Painkul chi” kiztumikane Taitta Diosta pianchi. “Jesucristone Dios painkul i” kiztumikane Taitta Diostakas paiña painkultakas piankamanazi.

1 Juan 3:8

Kwail kimɨzturuzne Diablokasa chamtu. Diablone an ñancha kwail kitmika azi. Kwail kimɨzta. Dios Painkulne au sukin kihshta, wan Diablowa kal, wan kimtu aizpa kawal kiana.

1 Juan 4:9

Diosne us aumɨza pashinamtu piankamninnara, paiña painkul mazain mɨj au sukin ɨninta akwa, au kwail akwa inapa, us akwa pailta payukima uzanapa.

1 Juan 5:20

Aune sunkas pianmakpas. Dios Painkulne apain at kit aumɨza piankamninta, watcha Diosta piankamanapa. Mane aune watcha Dios kaizta aizpa mɨpuspas. Paiña painkulkasa, Jesucristokasa chapuspas. Aumɨza pailta payu uznintumikane watcha Dios i.

2 Juan 1:9

Mɨnpazha Cristo kamtara aizpa kwairane, Cristo kamtara aizpa mɨrakine, usne Dioskasa chatchi. Pailta payu Cristo kamtara aizpa mɨmtumikane Taitta Dioskasakas paiña painkulkasakas chamtu.

Apocalipsis 2:18

Cristo ka kaizta: “Na nua kaiztu aizpa Tiatira pɨpuluwa kainammmikasha pari,” kizta. Ka parɨt: Nɨjkulturuzakas, uspa ɨninmumikarakas panari. Sunkana Dios Painkulne, kasu ĩn aiztukanain wajmikane, iru mittɨ naztam aiztukanain wajmikane ka kaizta: